Skip to Content

                              

biblioteca

25N: MANIFESTACIÓN

Lun, 28/11/2022 - 16:15 — Leo

Os equipos de Dinamización da Lingua Galega e Biblioteca ( coa colaboración inestimable do equipo de Actividades Complementarias e Extraescolares) decidiron convocar unha manifestación/camiñada ata o Concello de Boborás no 25N.

Aquí tedes o cartaz que se difundiu con motivo da mesma:

 

 

Cada unha das aulas preparou a cartelería, escribiu cartaces, consignas, frases, e mostrou a súa arte e creatividade para ir ben equipados e equipadas.

 

Nas aulas de 4º e 6º de ED. Primaria, ademais, coa axuda do profe Michel prepararon os materiais para deleitarnos cunha "batucada" que foi a banda sonora da nosa saída. Con materiais de refugallo e eles mesmos decoraron os seus instrumentos.

 

Queremos agradecer tamén ao Concello de Boborás por cedernos as súas instalacións para que o alumnado do terceiro ciclo saíse ao " balcón" a compartir os seus pensamentos e consignas.

Agradecer tamén ás familias que se achegaron e nos acompañaron na nosa andaina. 

E con todo, que o tempo acompañou acó vos quedan unhas poucas imaxes do evento:

 

 

Por outra banda, o profe Óscar, ademais de facer a reportaxe gráfica do evento, tamén recompilou os cartaces elaborados polo alumnado para que se puidesen apreciar con maior claridade.

 

 

Queremos agradecer á toda a Comunidade Educativa, e a todas as persoas que se uniron, ou colaboraron con nós nesta data. GRAZAS 

25 DE NOVEMBRO:Día Internacional para a Eliminación da Violencia contra a Muller.

Mér, 23/11/2022 - 08:57 — Leo

OS EQUIPOS DE BIBLIOTECA E DINAMIZACIÓN DA LINGUA PROPOÑEN: UNHA CAMIÑADA VIOLETA E REIVINDICATIVA O VINDEIRO VENRES DÍA 25 ( SE O TEMPO O PERMITE) POR BOBORÁS ATA O CONCELLO. ÁS 13:00 HORAS POSTERIORMENTE O ALUMNADO DO 3º CICLO FARÁ UN COMUNICADO RELACIONADO CON ESTA DATA. UNÍDEVOS A NÓS E ANIMÁDEVOS A PARTICIPAR!!!

LEVAREMOS "PANCARTAS" E TAMÉN FAREMOS MOITO REBUMBIO!!!!

 

20 de novembro: día internacional da infancia.

Dom, 20/11/2022 - 15:53 — Leo

Baixo o lema " pola inclusión de todos os nenos e nenas" a ONU reivindica así o día internacional da infancia.

Dende Unicef comparten este vídeo: "Un so equipo polos dereitos da infancia" 

 

 

 

 

 

 

 

 

 

 

 Compartímosvos tamén este vídeo sobre os dereitos da infancia:

 

 

 

 

 

 

O 20 de novembro de 1989 conseguiuse a aprobación da Convención dos dereitos do neno na ONU.

É por iso que todos os 20 de novembro se conmemora esta aprobación.

Dende o equipo de  biblioteca e en colaboración co equipo de Convivencia propuxemos o visionado, dependendo das idades, de curtas ou pequenos documentais para concienciar.

 

Estas 2 cancións tan divertidas para os  máis pequenos: 

 

 

     

 

 Máis cousiñas: 

 

 

Ou este outro elaborado por UNICEF para os maiores:

 

 

Tamén vos queda aquí o enlace a unhas actividades relacionadas coa temática que elaborou UNICEF , premede AQUÍ.

 

Un PDF de Pocoyo y los derechos de la infancia e outro PDF dos dereitos do neno en galego.

20 de novembro: día internacional da infancia.

Dom, 20/11/2022 - 15:53 — Leo

Baixo o lema " pola inclusión de todos os nenos e nenas" a ONU reivindica así o día internacional da infancia.

Dende Unicef comparten este vídeo: "Un so equipo polos dereitos da infancia" 

 

 

 Compartímosvos tamén este vídeo sobre os dereitos da infancia:

 

 

 

 

 

 

O 20 de novembro de 1989 conseguiuse a aprobación da Convención dos dereitos do neno na ONU.

É por iso que todos os 20 de novembro se conmemora esta aprobación.

Dende o equipo de  biblioteca e en colaboración co equipo de Convivencia propuxemos o visionado, dependendo das idades, de curtas ou pequenos documentais para concienciar.

 

Estas 2 cancións tan divertidas para os  máis pequenos: 

 

 

     

 

 Máis cousiñas: 

 

 

Ou este outro elaborado por UNICEF para os maiores:

 

 

Tamén vos queda aquí o enlace a unhas actividades relacionadas coa temática que elaborou UNICEF , premede AQUÍ.

 

Un PDF de Pocoyo y los derechos de la infancia e outro PDF dos dereitos do neno en galego.

24 de Outubro: día das bibliotecas.

Dom, 30/10/2022 - 06:23 — Leo

O pasado luns día 24 conmemoramos o DÍA DAS BIBLIOTECAS. 

Que marca o inicio das actividades da nosa biblioteca escolar 

 préstamo individual, actividades e propostas, mochilas viaxeiras, clubes de lectura...)

 

Centramos a celebración do día en 2 actividades específicas:

Por unha banda fixemos unha visita "guiada" polas novas instalacións da nosa B.E.

(Estamos en proceso de finalización, e ultimar os derradeiros detalles dos espazos da nosa nova biblioteca escolar , xa que entramos a formar parte do PLAN LÍA 3,  e  aínda non está rematada.)

Nesa visita, lembramos as normas , tamén repasamos a CDU, onde podemos atopar os libros, e ao final do percorrido houbo unha pequena sorpresa gastronómica e saudable.

Deixamos  aqui unhas poucas fotos do momento:

 

 

A outra actividade ,despois do recreo e no comedor escolar ( a nosa sorte de "salón de actos" xa que non temos outro espazo) consistiu nunha teatralización por parte do alumnado do terceiro ciclo.

Escribiron a obra entre todos e todas, e foron eles os "mestres de cerimonias" encargados de falarnos da importancia da biblioteca, e do que é un PDI , ademais de introducirnos por medio desta obra de teatro que eles e elas escribiron no PDI que vai guiar este curso escolar: COÑECENDO BOBORÁS.

Temos que parabenizar ao alumnado de 5º e 6º de ED. Primaria ( e as súas titoras, Asun e Carmela) polo traballo, a orixinalidade, a súa creatividade, a creación artística e as horas e horas de "ensaios e preparación" para que todos e todas puidesemos desfrutar desta magnífica peza artística que ao mesmo tempo foi moi ilustrativa e didáctica. ( E divertida!! encantoulles a todos e todas)

 

 E así o mostra esta pequena escolma fotográfica

 

E que vivan as bibliotecas!!!! 

Preparando as mochilas viaxeiras...

Mar, 18/10/2022 - 08:50 — Leo

Estamos cos últimos preparativos para poñer andar as nosas mochilas viaxeiras,

a próxima semana , xa que o luns día 24 é o día das BIBLIOTECAS ESCOLARES,

e polo tanto a posta en marcha da nosa biblioteca escolar...

 

Escribir a biblioteca escolar...

Xov, 13/10/2022 - 09:20 — Leo

 

 

O "lema" que este curso vai acompañar ás bibliotecas escolares é "ESCRIBIR A BIBLIOTECA ESCOLAR".

 

Deixamos a continuación o texto que acompaña á publicación do artigo explicativo do mesmo, recollido do blogue das bibliotecas escolares:

 

Ver coa imaxinación ou volver ver por medio da memoria é o patrimonio da escritura. 

 

 

A Consellería de Cultura, Educación, Formación Profesional  e Universidades publica o lema e o cartel para as bibliotecas escolares de Galicia de cara a este curso 2022/2023. O lema elixido, ESCRIBIR A BIBLIOTECA ESCOLAR, quere poñer o foco en todas as formas de escrita que cuida e ofrece a biblioteca escolar . A escrita como medio de comunicación, expresión, creación, información e coñecemento.

 

 
 
A imaxe que interpreta este lema proposto para o curso 2022-2023 é obra da calígrafa, deseñadora gráfica e mestra de talleres de caligrafía e lettering Belén L. Méndez coñecida como nacu, que leva xa un tempo colaborando coas bibliotecas escolares en  obradoiros.

 

A biblioteca escolar ofrece oportunidades e recursos para escribir e escribirnos:
 
- Escribir para saber, para aprender.

 

- Escribir para comunicar e comunicarnos.

 

- Escribir relatos, historias.

 

- Escribirnos, coñecernos a través da escrita: diarios, axendas,  biografía...

 

- Escribir xuntos en relatos colectivos, encadeados, libros viaxeiros, wikis…

 

- Escrita creativa: microrrelatos, haikus, collages, caligrafía…

 

- Escribir para deixar pegada e preservar a memoria individual e colectiva.

 

- Escribir para incluír e visibilizar.

 

- Traducir.

 

- Reescribir, versionar e adaptar.

 

- Escribir no audiovisual: guións, escaletas.

 

- Escribir para  estimular a creación.

 

Escribir para ser (lido), para que o lector e a lectora dea vida ao libro, ao escrito.

 

CONCURSO DE RELATO TERRORÍFICO

Lun, 10/10/2022 - 05:43 — Leo

Dende o equipo de Biblioteca en coordinación co de Dinamización da Lingua Galega, convocamos un concurso de relato terrorífico...

 

 

Bases concurso Samaín

 

 

 

 

 

 

Derradeira reunión do Clube de Lectura de 6º de ED. Primaria.

Lun, 04/07/2022 - 12:58 — Leo

 

O pasado luns día 20 foi a derradeira reunión do clube de lectura do alumnado de 6º de ED. Primaria.

 

Tivemos que facer a reunión na aula de 6º, xa que a nosa biblioteca estaba en proceso de “empaquetar” todo para comezar as obras...

 

Para esta última reunión tiveron dúas lecturas : “As músicas viaxeiras” de Ramón Caride e “Maxia de Pedra” de Xabier Domínguez Pérez

 

Nesta reunión falamos de cada un dos libros, e despois buscamos as similitudes entre ambos: as dúas protagonistas eran femininas, nas dúas había “elementos máxicos “ e as dúas eran adolescentes.

 

Con respecto ás “Músicas viaxeiras” deunos a debate pola idade da protagonista, e porque quizais cousas que xa criamos superadas... continúan acontecendo, sobre matrimonios concertados e rematamos relacionándoo coa triste noticia do asasinato de dúas rapazas en Pakistán ( residentes en España) por rexeitar os seus matrimonios concertados.

 

Para despedir fixemos un xogo de concentración e por último a agardada “merendola” e despois un pequeno agasallo para cada un dos participantes.

 

 

 

XOGAR NA BIBLIOTECA ESCOLAR.

Ven, 24/06/2022 - 05:38 — Leo

Na biblioteca ademais de ler, e buscar información, podemos experimentar e tamén XOGAR. 

O xogo é unha actividade moi importante para fomentar a creatividade do noso alumnado, e o xogo en pequenos grupos fomenta moitas cualidades como pode ser a imaxinación, a creación , curiosidade, plasticidade... estratexias e todo dende un punto de vista lúdico.

 

 

Durante o curso en diversos momentos desfrutamos de sesións de xogo na nosa B.E , como por exemplo o alumnado de ED. Infantil con bloques lóxicos ou con KAPLA que lles gusta moito. 

 

 

 

 

Xogar coas tablets, con APPs axeitadas para as idades correspondentes e en pequeno grupo tamén supón un estímulo interesante.

 

 

 

Xogos como DIXIT fomentan a imaxinación e a empatía e o que podemos coñecer dos demais, ao tempo que nos divertimos.

 

 

Outro dos xogos que ten moito éxito é o de VIRUS, que ademais de mostrar a estratexia ou cooperación dos xogadores , refréscanos as distintas partes do corpo, e danos pé a falar por exemplo da COVID. 

 

 

 

Ti no es de aquí?  é un trivial adaptado a idade escolar e que supón unha viaxe de aprendizaxe e coñecementos relacionados coa nosa cultura e idioma. 

 

 

E mención especial merecen todos os xogos de Brazolinda que temos na nosa biblioteca, distribuídos por idades de elaborados con moito agarimo e feitos a man.

 

Porque o xogo é unha parte importantísima ( e divertida) para desenvolver a creatividade e outras estratexias no noso alumnado ao tempo que se divirten e desfrutan...

 

Distribuir contido


by Dr. Radut