Este ano adicouse o día DAS LETRAS GALEGAS ao escritor, activista e fundador da Editorial Galaxia: Francisco Fernández del Riego.
Coma todos os anos, traballamos ao autor homenaxeado a nivel aula cos distintos materiais que atopamos na rede, especialmente os do SEMINARIO GALÁN, ( elaborados con moito xeito por varios centros educativos da provincia da Coruña), tamén tiramos dos materiais que a propia páxina da RAG pon á nosa disposición.
Como por exemplo este pequeno vídeo sobre o homenaxeado:
Ademais deste traballo por aula, o xoves fixemos unha actividade común no patio do cole, despois da "hora de ler".
En primeiro lugar cantamos entre todos e todas "O himno Galego", mexendo as bandeiras galegas que cada quen elaborou na súa aula.
A seguir, o alumnado do 3º ciclo de ED. Primaria presentounos unha pequena biografía do autor homenaxeado.
E posteriormente fíxose a presentación do libro colaborativo ( e lectura do mesmo) que elaborou o alumnado de ED. Primaria ( e cuns xiros moi inesperados!!!)
Non podíamos deixar pasar este día sen entregar os premios do concurso co gallo desta data:
A calidade das propostas foi excelente, e ao xurado custoulle moito decidirse.
Finalizamos a celebración bailando ...música en galego para todos os gustos!!!
E acó vos quedan unhas poucas fotos do evento ( grazas ao profe Óscar pola reportaxe fotográfica)
Vídeo realizado cos debuxos do alumnado do CEIP NOSA SEÑORA DE XUVENCOS, coa canción "Teu nome por mar e terra" cantada por Guadi Galego e Xavier Díaz.
O equipo de Dinamización Lingüística do centro agradece a todas as familias a súa colaboración para poder realizar este vídeo en torno a Carvalho Calero.
O pasado 16 de maio o alumnado de primaria e de 5 anos fixo un "rastrexo" no patio do cole baseado na figura de Antonio Fraguas (Homenaxeado polo día das letras Galegas deste ano).
O alumnado de 3 e 4 anos tivemos un momento de convivencia e festa tamén para falar da figura de Antonio Fraguas, ler algún dos seus poemas, compartir sobre a súa biografía e bailar...
A nosa fonte de información foi a páxina do Seminario Galán.
