A importancia do exercicio
HÁBITOS SAUDABLES
Entre outros autores, De la Cruz, sinala que os hábitos saudables máis importantes nestas idades son:
A. Unha Alimentación equilibrada: as necesidades nutritivas dos alumnos nestas etapas que analizamos, adoitan estar cubertas por unha dieta normal e equilibrada (almorzo copioso, froita a media mañá, xantar axeitado, merenda rica en lácteos e cea).
B. A práctica de Actividades Físicas: a actividade física debe estar integrada nun programa de exercicio coa finalidade de crear un estilo de vida saudable,é dicir, mellorar a calidade de vida do suxeito. A través deste programa pretendemos, de forma xenérica, mellorar a condición física e a saúde, previndo o desenvolvemento de certas enfermidades ou volver padecer algunha.
C. Descansos e Esforzos axeitados: a alternancia de esforzo e descanso, é o que levará a conseguir importantes melloras na condición física e polo tanto, na saúde. En canto ás horas de sono, os nenos deben durmir polo menos entre 9-10 horas, para que se restableza o equilibrio corporal.
D. Hixiene Persoal: unha correcta hixiene persoal é o mellor método para previr moitas enfermidades, especialmente as transmisibles. Esta deberá inculcarse dende a idade infantil mediante o xogo e campañas que expliquen a importancia e eficacia de normas case sempre elementais (cepillado de dentes tras as comidas, lavado de mans, ducha corporal, etc.).
EFECTOS DA ACTIVIDADE FÍSICA VINCULADA Á SAÚDE
A Actividade Física non é unha panacea, nin algo milagroso, os seus efectos positivos son múltiples e variados, grazas a ela conseguiremos un desenvolvemento íntegro de todas as capacidades do alumnado. Estes efectos positivos que terá a actividade física sobre a saúde persoal vanse dar en tres dimensións:
A. Efectos de carácter fisiolóxico.
A actividade física vai potenciar a saúde física das persoas grazas fundamentalmente á mellora da condición física.
-A nivel cardiovascular.
-A nivel endócrino.
-A nivel do aparato locomotor.
B. Efectos de carácter psicolóxico.
Basicamente, os efectos da actividade física no plano psicolóxico son:
-A relaxación muscular que induce á relaxación mental.
-O efecto de catarse (liberación de tensións) que carrexa a práctica de actividade física.
-A canalización da agresividade.
-A mellora da condición física, favorece a capacidade de recuperación do organismo, disminuíndo a fatiga física e mental dos practicantes.
-A actividade física vai mellorar o equilibrio persoal reforzando a autoestima e a estabilidade emocional.
C. Efectos de carácter social.
O deporte é un fenómeno social que serve de vehículo para a práctica do exercicio físico. Sen dúbida, é un excelente medio de comunicación, interacción e integración persoal e social, transmite e potencia valores como a cooperación, o respecto, a superación e ademais, ofrece unha ocupación activa do tempo libre.
En xeral, a actividade físico-deportiva mellora as relacións enterpersoais contribuíndo á integración dos suxeitos na súa comunidade e sociedade.
O COIDADO DO CORPO
Un correcto plan orientado cara ao coidado do corpo, ten que ter presente unha intención fundamental: "a creación de hábitos saudables".
A hixiene corporal.
A hixiene do corpo, abrangue un amplo círculo de actuacións que debemos de ir ensinando dende idades moi temperás.
Algunhas medidas que deben tomarse son:
1. Inculcar aos nenos a importancia e necesidade de ducharse despois de cada sesión, polo menos que se laven, cámbiense de camiseta, de calcetíns.
2. Debemos facer fincapé no correcto aseo e limpieza de: dentes, cabeza, oídos, mans e pés, coidado da pel, etc.
3. Que os alumnos sexan responsables co seu equipamento persoal, a súa bolsa de pezas deportivas e o seu neceser para o aseo persoal. É conveniente que a roupa sexa folgada, lixeira e axeitada á climatoloxía do lugar. En canto ao calzado, debe permitir a transpiración e que as solas sexan antideslizantes, para evitar risco de lesións. Por último, o ideal será non levar aneis nin obxectos metálicos e manter o pelo longo recollido cunha fita.
