#EUQUEDONACASA

SEMANA DAS LETRAS GALEGAS

Continuamos aprendendo cousas de Ricardo Carvalho Calero.

Animádevos e participade nestas actividades tan divertidas, deseñadas por Alba Carril do CPI de Vedra e Ana Sánchez Sanmartín do CEIP Arquitecto Casas Novas.

Esta que atopades de seguido é máis axeitada para alumnado de infantil, primeiro e segundo de primaria.

A seguinte actividade vai para terceiro, cuarto, quinto e sexto de primaria. 

https://www.facebook.com/bibliotecacarloslabranha/

@beCarlosLabrana

biblio.nicolas.del.rio@gmail.com

Percebiño está encantado de que participedes nas actividades da biblioteca "Carlos Labraña".

E como recompensa a todo o voso esforzo quere agasallarvos (coa axuda de Quique e Diego).

Así que se participas nas propostas da biblio e envías unha foto túa, poderás recibir un agasallo personalizado.

Velaquí as imaxes de Percebiño

Colócate ben diante da cámara, adopta a postura que mellor coincida coa de Percebiño e faite unha foto.

Despois de participar nas actividades propostas, envía a túa foto e comenta con que Percebiño queres aparecer.

Mirade que ben quedaron Roi e Marina!

https://www.facebook.com/bibliotecacarloslabranha/

@beCarlosLabrana

biblio.nicolas.del.rio@gmail.com

Este ano o Día das Letras Galegas está adicado a Ricardo Carvalho Calero.

Compartimos este vídeo no que podemos coñecer a súa biografía.

Nestas ligazóns poderedes atopar actividades para aprender máis sobre Ricardo Carvalho Calero.

https://www.facebook.com/bibliotecacarloslabranha/

@beCarlosLabrana

biblio.nicolas.del.rio@gmail.com

Xa van chegando palabras para coleccionar

e vanse enviando as fotos de agasallo de Percebiño.

E continuamos coa semana adicada ás Letras Galegas.

Preme na imaxe para saber un pouco máis.

 Preme na imaxe de abaixo para xogar.

https://www.facebook.com/bibliotecacarloslabranha/

@beCarlosLabrana

biblio.nicolas.del.rio@gmail.com

COMEZA A SEMANA ADICADA ÁS LETRAS GALEGAS.

Hoxe imos coleccionar palabras.

Si, si... está ben, non son cromos, nin chapas, nin pegatinas da froita...

PALABRAS

Unha vez estando nun congreso de profesorado, escoitámoslle a un Maestro que "Saber é saber palabras"; nesa mesma xuntanza, nunha sala chea de mestres de toda Galicia, un poeta comezou a súa exposición declarando que o que el facía era "roubar palabras nos libros cada día" para poder escribir...

Pois si, amiguiños e amiguiñas, unha das cousas máis importantes que tedes que aprender son PALABRAS. Moitas! Palabras grandes, palabras pequenas, palabras brillantes, palabras para a noite, palabras para rir e palabras para cando un está máis triste... O caso é saber que palabras queremos decir en cada momento e, para iso, para poder dicilas, hai que telas.

A biblioteca da escola está chea de libros e palabras, pero con esta actividade gustaríanos encher a nosa biblioteca virtual coma se fora un saco... Se as gardamos aquí, asegurámosvos que ninguén nolas vai poder quitar, e así poderemos collelas cando queiramos.

Será o noso tesouro e sempre o podemos abrir cando non saibamos que dicir...

Andivemos apañando palabras para esta actividade.

Agora é a vosa quenda:

A actividade de hoxe consiste en escoller unha palabra que vos guste moito en galego e escribila soa ou metela nunha frase, e mesmo gravar un vídeo. Cada un o que máis lle guste.

Que as palabras voen dende as vosas casas á nosa biblioteca virtual!

Só por participar poderedes recibir un agasallo de Percebiño.

Diego e Quique estanlle axudando a crear fotos personalizadas.

Mirade

Compartide as vosas creacións:

https://www.facebook.com/bibliotecacarloslabranha/

@beCarlosLabrana

biblio.nicolas.del.rio@gmail.com

Achegade tamén as vosas fotos para poder agasallarvos.

Que vos parece se nos unimos a esa tendencia que anda polas redes na que se representan obras famosas da historia da arte? Uns fan as fotos con portadas de libros, outros con cadros de autores coñecidos…

Quen non quixera ser parte da obra de autores como Velázquez ou Sorolla, por exemplo?

Dende a Biblioteca da Escola pensamos que esta podería ser unha boa maneira de achegar aos nenos e nenas a obras de pintores da historia da arte. 

Así que hoxe propoñémosvos que escollades unha obra dun pintor, que vos poñades no lugar dos protagonistas do cadro e fagades a foto para enviar. Os adultos tamén estades convidados a participar nesta actividade cos vosos fillos e fillas, por suposto. Seguro que o pasamos moi ben!

Os nenos e as nenas de cinco anos xa teñen a súa galería nas Aulas no Aire. Se queredes ideas, podedes pasar, a entrada é de balde.

Compartide as vosas creacións:

https://www.facebook.com/bibliotecacarloslabranha/

@beCarlosLabrana

biblio.nicolas.del.rio@gmail.com

Entre marzo e abril sae o cuco do cubil

Certo é que o cuco, despois de pasar o inverno na África Tropical, ven á nosa terra entre marzo e abril

e de aí aquela cantiga popular que di:

Levántate maio

que tanto durmiches

Pasou o cuco

 e non o sentiches

Mandar que o maio se levante, que desperte,  é como pedirlle á natureza que se vista de flores, que xa vai sendo hora despois dos meses do inverno.

Xa imos entrando no mes de maio, e aínda non adicamos ningún día para celebralo e por iso hoxe queremos encher as casas de flores. 

Pero non hai mellor maneira de empezar que aprender algo sobre esta festividade. 

O mes de maio, o tempo das flores, anúnciase dende hai moitos anos na tradición popular. Son diversas as manifestacións que atopamos na cultura galega referidas a esta celebración e unha mostra diso podería ser o costume de poñer unha poliña de oliveira do día de ramos nas embarcacións, ou o de colocar arcos de flores nos campos das festas. Algúns deles consérvanse na nosa vila, como pode ser o caso do arco floral que se pon na entrada do adro no campo de San Antonio o día da festa, que aínda que non cadre en maio, podería ser considerado parte das celebracións do “Ciclo de Maio”.

Hai anos que vemos que nas escolas se celebra a festa dos maios, normalmente cunha actividade na que se colocan flores sobre unha estructura cónica ou piramidal, un maio figurado ou especie de árbore adobiada con flores e froitos. Podería ser unha das maneiras se estivéramos na escola, pero tamén dende as casas imos celebralo con cantigas e flores.

O propio sería percorrer as rúas pedindo un aguinaldo a cambio dunha canción, que nalgún tempo se daba en especies,

“Tire castañas señora Manuela,

tire castañas que as ten na mantela”

Esas castañas curadas recibían o nome de Maias, como tamén o recibían as nenas que saían ás rúas coa ocasión de pedir algo a cambio do seu cantar.

Aí van as propostas:

Podemos cantar este poema de Curros Enríquez 

 decorar o maio de Leandro Lamas ou debuxar un propio

e mesmo facer unha composición floral (quen teña a posibilidade, claro).

Compartide as vosas creacións:

https://www.facebook.com/bibliotecacarloslabranha/

@beCarlosLabrana

biblio.nicolas.del.rio@gmail.com

 Hoxe convidámosvos a que creedes un escenario para as vosas historias, para os vosos contos.

Aí van as indicacións.

Infografía de Nestor Alonso.

E mirade que ben o fixo Roi. É todo un artista!

Compartide as vosas creacións:

https://www.facebook.com/bibliotecacarloslabranha/

@beCarlosLabrana

biblio.nicolas.del.rio@gmail.com

As profes de inglés achégannos recursos moi interesantes para aprender a coidar o noso planeta.

Tomade boa nota!

Hoxe compartimos a historia creada por Loida Fernández.

Agardamos que vos guste.

E se vos atrevedes a facelo...compartide!

https://www.facebook.com/bibliotecacarloslabranha/

@beCarlosLabrana

biblio.nicolas.del.rio@gmail.com

Hoxe toca un pouco de baile, pero teredes que inventalo vós.

Que tal se ideades unha coreografía para o retrouso da canción "Ua, ua, ua!" de Percebiño!

Podedes mover as mans, os pés, dar unha volta, un chimpo...

Compartide as vosas creacións:

https://www.facebook.com/bibliotecacarloslabranha/

@beCarlosLabrana

biblio.nicolas.del.rio@gmail.com

A introducción da actividade de hoxe semella un novo capítulo do conto recén publicado. Pois a decir verdade, viaxe o que se dí viaxe entendido como o movemento dun lugar a outro podería ser. E todo isto por arte de maxia da nosa biblioteca escolar e a vosa axuda, por suposto. Entre todos imos facer que Percebiño viaxe por todos os sitios que se vos ocurran. 

Preguntarédesvos como. Aquí vai a explicación da proposta de hoxe:

1. O primeiro que temos que facer é proporcionarlle ao noso percebe favorito un medio de transporte, que polo que podemos supoñer, no que máis lle presta viaxar pode ser un barco.

Xa temos o primeiro paso: construír un barco de papel.

2. Cando teñamos o barco feito, metemos nel a Percebiño, e facémoslle unha foto. 

3. O último paso pode ser o máis complicado: decidir onde imos mandar a Percebiño.

Premede na imaxe para comezar a tarefa. Se precisades axuda, podedes acceder ao vídeo titorial que atoparedes un pouco máis abaixo.

Ao entrar dádelle a EDITAR.

 TITORIAL GOOGLE MY MAPS:

Compartide as vosas creacións:

https://www.facebook.com/bibliotecacarloslabranha/

@beCarlosLabrana

biblio.nicolas.del.rio@gmail.com

Que vos parece convertir en banda deseñada o conto de Percebiño?

Podedes utilizar os debuxos orixinais de Diego Cheda e engadirlles diálogos e globos, empregar esas mesmas ilustracións coloreadas por Quique Vázquez e facer a vosa creación a través de ferramentas na rede (ou aplicación para Android), facer as vosas propias historietas...

Diego e Quique regaláronnos a súa obra.

Recordade nomealos sempre que a empreguedes.

Hai que respectar sempre os dereitos de autor.

Compartide as vosas creacións:

https://www.facebook.com/bibliotecacarloslabranha/

@beCarlosLabrana

biblio.nicolas.del.rio@gmail.com

Hoxe toca cantar karaoke e que mellor que co noso karaoke de A viaxe de Percebiño!

Veña queremos escoitarvos dende todas as ventás!

Desfrutáchedes coas aventuras de Percebiño? Seguro que si.

Moitísimas gracias a Diego e a Quique por tanta creatividade, e a Tonino pola súa colaboración artística a través da música.

No seguinte vídeo podedes ver a semente, de donde naceu a historia da viaxe de Percebiño.

Rematamos a semana xogando.

Si, hai que premer na imaxe.

Permanecede atentas e atentos porque moi prontiño amosaremos os vosos vídeos e as vosas fotos cos libros favoritos.

Preme no rectángulo da imaxe situada baixo este pequeno texto para acceder ao conto.

Na parte superior atoparás a imaxe dun libro,

preme e escolle deslizar para poder ir vendo a historia de Percebiño páxina a páxina.

Debaixo destas palabras podes descargar as ilustracións de Percebiño para colorear.

FALTA 1 DÍA!

“A ver, a ver…Cantos debuxos ten este conto?”

Cantas veces faríamos iso ao abrir un libro?

E cando lemos un conto aos nenos e nenas na escola…pois cando lemos un conto, sempre hai unha voz miúda polo medio que pregunta: 

-A ver…lo enseñas?

Os ilustradores, eses grandes artistas que poñen imaxes ás palabras. As imaxes…o poder das imaxes…Aquela expresión que di: “Unha imaxe vale máis que mil palabras” ás veces resulta certa. En todo caso hai que saber contar moi ben as cousas para que reflictan exactamente o que queremos decir, e coas imaxes podemos velo con un só golpe de vista. Aí o grande traballo dos ilustradores…facernos ver nun abrir e pechar de ollos exactamente aquilo que din os textos escritos.

Hoxe, terceiro día da nosa Semana do Libro, abriremos as nosas portas virtuais a outro artista: Diego Cheda, debuxante da nosa mascota da biblioteca. Sen dúbida algunha, na súa cabeza hai un espazo ben recollido onde foi gardando centos de imaxes de cómics ao longo da súa vida, imaxes das que bota man cada vez que fai unha das múltiples ilustracións de Percebiño.

Hoxe temos e tedes a sorte de contemplar como é o proceso do traballo que fai. Mirade, tomade nota, aprendede e intentade debuxar…

Certo que as mans de Diego gozan dun talento especial para facernos ver exactamentente que é o que Percebiño sinte en cada momento.

E agora, a proposta de actividade de hoxe: 

Preme na imaxe para xogar.

FALTAN 2 DÍAS!

Gracias a todos os que participástedes na actividade de onte, resulta moi agradable ver que vos gustan os contos. Resultou unha maneira divertida de recoller retallos de historias.

E falando de retallos…

Moitas veces atopamos pedaciños nas historias que nos gustan tanto se quedan gravados na nosa memoria, ou mesmo contos enteiros que os nenos e nenas máis pequenos son capaces de lembrar e reproducir sen fallar nin unha soa palabra…

Parece sinxelo, pero…canto tempo lle puido levar ao escritor dese conto, dese libro, desa fábula…escribir ese pedaciño? E canto tempo todo o conto? e…ocorréuselle facilmente, ou por casualidade? Sería se cadra nunha viaxe?…

Hai veces que os contos tamén van acompañados dalgún tema musical. Aquí poderiamos aplicar o mesmo que cos textos. Hai cancións de contos que se nos quedan gravadas e ao escoitalas se nos veñen á cabeza os contos que as conteñen.

Sucederá o mesmo coa música que cos textos?

Amigos e amigas…cada historia é un mundo e cada autor ten os seus, pero nosoutros estes días tivemos unha conversa con Quique Vázquez, e desa conversa saíu este vídeo. Igual nos pode axudar un pouquiño.

E agora, a actividade para o día de hoxe:

Seredes capaces de adiviñar a que contos pertencen os seguintes fragmentos?

 Pincha na imaxe

Gustaríanos adicar o día de hoxe a todos os artistas das palabras… aqueles que as enfían con tanto agarimo e precisión que fan que sexamos capaces de enfundarnos nas historias coma nun traxe perfectamente cosido e rematado.

 FALTAN 3 DÍAS…

Seguro que a moitos vos gusta o recendo a libro novo…

É posible que alguén dos que estades lendo este blog algunha vez mercárades, ou vos regalaran, ou vos trouxeran os reis un libro. Pode ser que abrírades ese libro, que lle botárades unha ollada e despois tomárades a decisión de poñervos a ler, ou pedir que volo leran. Que lindo atopar historias novas!… Historias das que roubar palabras para facer outras historias…a veces incluso esas historias pasan a formar parte das nosas vidas, e contámolas, ou puidera ser que ata as cantáramos. 

Pode ser que algunha vez aquel libro novo pasara a ser o noso libro preferido…

 Puidera ser…

 Hoxe, por ser o primeiro día da Semana do Libro e os dereitos de autor, a nosa proposta é a seguinte:

Seguramente a Percebiño lle guste saber cales son as vosas preferencias para adquirir fondos para a biblioteca e por iso nos gustaría que nolas fixérades chegar.

 Cómo?

• Facendo unha fotografía co libro que máis vos guste, caracterizados coma o voso personaxe favorito.
• Facendo un pequeno vídeo no que representedes a vosa escena preferida.

Deixamos varios exemplos: 

https://www.facebook.com/bibliotecacarloslabranha/

@beCarlosLabrana

biblio.nicolas.del.rio@gmail.com

Gracias

FALTAN 6 DÍAS…

Estes días recibimos un díptico da Asesoría de Bibliotecas Escolares de Galicia, no que se convidaba a celebrar o Día do Libro.

Dende a biblioteca escolar “Carlos Labraña” queremos dar a esta celebración unha importancia especial, porque temos algo moi importante que publicar este ano o 23 de abril…

E pensando todo isto, pasóusenos pola cabeza aquilo de decir cal é o noso libro preferido, se é que temos un…ou varios. Pero non só iso, ás veces a ese libro marabilloso que descubrimos un día por casualidade, adicámoslle unha foto. Seguimos pensando…cantas persoas andan detrás deses libros marabillosos que fotografamos nunha instantánea o Día do Libro? 

Despois de moito pensar, chegamos a unha conclusión:

Non nos valía facer unha foto, e o certo é que non nos chegaba un día de celebración, por iso este ano imos adicar a semana enteira a vindicar algunhas das profesións que están dentro deses libros marabillosos. Así, a vindeira semana faremos un espacio especial no noso blog para aquelas persoas que se adican a escribir, a darlle mil voltas ás súas letras antes de deixalas nun libro e para aqueles ilustradores e ilustradoras que pintan e borran e repintan antes de que as imaxes fagan visible o significado daquelas palabras.

Día a día propoñeremos actividades nas que todos e todas estades convidados a participar.

A biblioteca queda na casa, pero abre a súa porta virtual para quen queira entrar. Non tedes que chamar…sodes sempre benvidos…

Gracias