Título | Resumo |
---|---|
MÚSICA, POESÍA E ESTRELAS! ROSALÍA DE CASTRO - PODCASTS Nº 7 #DiadeRosalia #_rdc_2022 #Radionabiblio #bescolaresgal #bescolaresgalabertas |
Volvemos con outra marea de poesía co noso programa Música, poesía e estrelas! Un programa realizado coas aportacións de toda a comunidade educativa, adicando poesía a quen máis queremos. Aquí o noso séptimo podcast!
|
MÚSICA, POESÍA E ESTRELAS! ROSALÍA DE CASTRO - PODCASTS Nº 8 #Radionabiblio #bescolaresgal #bescolaresgalabertas |
A comunidade educativa agasalla con poesía a Rosalía! O fai a través do programa Música, poesía e estrelas! Hoxe imos co podcast nº 8. Aledade oídos e corazóns! |
MÚSICA, POESÍA E ESTRELAS! ROSALÍA DE CASTRO - PODCASTS Nº 9 #Radionabiblio #bescolaresgal #bescolaresgalabertas |
Gozade do penúltimo programa de Música, poesía e estrelas! Agradecemos a colaboración de todas e cada unha das persoas que fixeron que isto sexa posible. Poesía no ar! Rosalía no ar!
|
A poesía ten a palabra! #Clubsdelectura #bescolaresgal #bescolaresgalabertas |
No clube de lectura de 4º de primaria estiveron lendo dous marabillosos libros de poesía: Cacarabín, cacarabón de Antonio García Teijeiro e Dominicus, o dragón de Antón Cortizas.
Tras a lectura e o posterior faladoiro, traballaron nas súas propias creacións poéticas que ilustraron dun xeito fantástico. O resultado foi tan positivo que fixemos unha pequena exposición na entrada da biblioteca! Aquí vos deixamos algunhas imaxes pero non dubidedes en visitala!
|
DÍA MUNDIAL DA AUGA - FALADOIRO "O dereito á auga" #DíaMudialdaAuga #bescolaresgal #bescolaresgalabertas |
Polo Día Mundial da auga tivemos a visita de Miño Guerreiro, voluntario da ONGD Enxeñería sen Fronteiras. Realizou un faladoiro sobre o dereito do acceso á auga.
Quedamos con moitas ganas de saber da súa experiencia en Honduras, así que volveremos a velo.
|
Novidades recén chegadas! #colección #VoluntariadonaBE #bibliotecainclusiva #bibliotecacreativa #bescolaresgal #bescolaresgalabertas |
A nosa biblio non para de crecer e desta volta tivemos unha chea de novidades dentro dos fondos que o alumnado voluntario axudou a rexistrar e colocar. Traballaron arreo para que poidades desfrutar dun montón de novos títulos que estamos seguros que vos encantarán! Asique non dubidedes en pasar a botar unha ollada!
|
GRUPOS INTERACTIVOS - COMUNIDADES DE APRENDIZAXE #PlanLIA #Axenda2030 #FamiliasnaBE #bescolatesgal #bescolaresgalabertas |
Ramón Flecha, catedrático da universidade de Barcelona é o creador do proxecto das comunidades de aprendizaxe. Dentro delas, temos aos grupos interactivos, que pretenden reducir conflitos e o fracaso escolar. Apostando polo diálogo como forma de enriquecemento. Pero non son polvos máxicos é ciencia.
A investigación INCLU-ED, realizada en 15 países, entre eles España, demostrou que ante diversas formas de organización de aula, os grupos heteroxéneos con familias voluntarias dan os mellores resultados de aprendizaxe e convivencia (pese a que a pandemia estragou a súa presencialidade, pero volverán).
Os grupos interactivos:
- AUMENTAN O NIVEL DO GRUPO.
-REDUCEN CONFLITOS.
O potencial da familia no entorno escolar, é un recurso que non se pode desaproveitar. Fai uns anos que se realizan na biblioteca, dependendo do curso, semanalmente ou quincenalmente. E tamén se empezaron a incorporar na formación de usuarios da biblioteca do inicio do curso.
Hai uns 5 grupos cooperativos na biblio que rotan cada 20 minutos. En cada espazo da biblioteca hai 5 actividades diferentes organizadas. En cada espazo hai un familiar adulto voluntario que se asegura de fomentar o diálogo igualitario, asegurándose que todos dan a súa opinión. A súa función é dinamizadora e o mestre programa, organiza e está presente guiando e atendendo onde xorden dificultades. Os voluntarios son moi bos reforzadores e cada un pode aportarlle diferentes modelos ao alumnado.
As familias voluntarias reciben un par de tardes de formación e asinan un contrato de confidencialidade.
|
FLORENCIO DELGADO - VERBAS E RADIO #Radionabiblio #poéticasdiversasnabE #LetrasGalegas22 #florenciodelgadogurriaran #bescolaresgal #bescolaresgalabertas |
Este ano o homenaxeado nas Letras Galegas é Florencio Delgado Gurriarán, cronista, poeta e escritor que tivo que emigrar de Galicia na dictadura de Franco.
Marchou a México onde formou unha familia e continúo espallando as nosas verbas galegas, aínda que non foi fácil e tivo que traballar en mil oficios. Investigando nas súas creacións, atopamos unhas poesías moi creativas e ricas en verbas. E como este ano, a biblioteca escolar ten a palabra, pois decidimos propoñer á comunidade educativa a creación de poemas crioulos.
En que consiste un poema crioulo? Pois tedes que crear un par de versos ou estrofa, con algunhas palabras doutros países a onde emigraron moitos dos nosos avós/as e bisavoas/os e moitos outros familiares, pois todos temos alguén: México, Uruguai, Brasil, Arxentina, Cuba, Venezuela... e escoller un par de palabras típicas destes países, xunto con palabras galegas, creando un par de versos con rima.
Atopadas as palabras e feita a poesía, tedes que enviala nunha mensaxe de audio ao correo da biblioteca: biblio.nicolas.del.rio@gmail.com engadindo no texto o voso nome e apelidos e o país de onde escollestes as palabras. Engadimos a ligazón a unha páxina con información e xogos sobre Florencio Delgado. A primavera das Letras, onde atoparedes a biografía escrita por Ledicia Costas e ilustrada por Blanca Millán e adaptada a un público infantil.
|
38 CONCURSO ONCE #igualdade #ODS #Axenda2030 #bescolaresgal #bescolaresgalabertas |
O camiño que nos torna iguais é o lema baixo o cal o Grupo Social Once convidou a participar aos centros nunha actividade para traballar a inclusión e converter ao alumnado en axentes de cambio. O grupo de 4º C de Educación Primaria saíu gañador coa súa participación.
Dende a Biblioteca "Carlos Labraña" queremos darlles os parabéns! Dende este enlace podedes gozar todos do audio que enviaron.
|
VERBAS NAS AMÉRICAS #ABEtenapalabra #Radionabiblio #bescolaresgal #bescolaresgalabertas |
Viaxando polo mundo sen moverse da biblioteca o alumnado realizou unha investigación para recoller unha pequena mostra de palabras dos diferentes países onde emigraron os galegos na dictadura franquista. Unha vez máis solicitamos a colaboración da comunidade educativa para facer medrar as palabras.
Podedes enviar a vosa aportación ao correo: biblio.nicolas.del.rio@gmail.com
|
OBRADOIROS DO ALUMNADO -#bescolaresgal #bescolaresgalabertas |
Uxía agasallounos cun obradoiro de marcapáxinas! Ela cubriú a solicitude para levar a cabo un obradoiro voluntario, sen deixar ningún apartado. Posteriormente fixo o seu cartaz co asesoramento do equipo de biblioteca. Colgouno ca cortiza xunto a un cadro para apuntarse. Orgullo de rapazada que temos que amosa autonomía e bo facer! Parabéns Uxía!
|
Disfrutando nos recreos! #bescolaresgal #bescolaresgalabertas |
Os recreos son unha parte da xornada escolar con moito potencial e na biblio teñen unha chea de opcións para pasar un rato divertido cos amigos e amigas afianzando aprendizaxes case sen darse conta... Por mor dos protocolos COVID temos que organizar por grupos para respectar os grupos burbulla pero todos e todas están esperando con ganas cando lles toca e non é para menos!
|
FESTEXAMOS O DÍA DO LIBRO COA COMUNIDADE EDUCATIVA - LECTURA E FAMILIAS #LecturaeFamilias #FamiliasnaBE #DiadoLibro #bescolaresgal #bescolaresgalabertas |
Hai lugares tranquilos no medio do ruído. Son
illas, son oasis, son espazos entornados,
silenciosos, en que podemos camiñar entre o
pasado e o futuro. Espazos que acubillan os
artefactos perfectos que nos conectan coa
eternidade.
Desde os andeis das bibliotecas os lombos
chaman a nosa atención.
Chegaron os libros, de preto ou de moi lonxe,
nunha viaxe que comezou cunha palabra ou unha
imaxe. Despois xurdiron moitas máis, fervenza
creativa.
Con esa materia prima necesaria, o editor deulle
forma: alquimia.
Convocou forzas humanas e tecnolóxicas e
actuou: corrección, maquetaxe, deseño; elección
do papel, do tipo, do formato. E a maquinaria
gráfica dispuxo os ferros, as probas de cor, os
roletes de caucho e as catro tintas, para fusionar
imaxes e palabras sobre a pasta vexetal.
Velaí o libro: unha faísca da memoria do mundo.
Este texto é de Xosé Ballesteros para celebrar o Día do Libro.
Nós na nosa biblioteca, somos inmensamente afortunados pois temos un autor: Quique Vázquez
e un ilustrador: Diego Cheda, os pais de A viaxe de Percebiño. Un conto sobre a Educación Vial
que naceu con nós confinados, pero que tivo un gran traballo detrás.
Hoxe tíñamos que ter moitas cousas, pero as veces, esa maquinaria da que fala Xosé Ballesteros
complícase e manda auga cando se quere gravar un video clip ou deixa libros sen tapas. O caso é que,
aínda que teñamos que esperar para iso uns días, hoxe é o Día do Libro e os dereitos de Autor, e iso
o temos na vila e moi orgullosos que estamos. Así que tivemos a sorte de escoitar o libro da boca
do seu autor, destapar un agasallo de Diego, e colorear as súas fantásticas ilustracións con acuarelas.
Por suposto, mentres demos cor puidemos preguntarlle todas as nósas dúbidas sobre A viaxe de Percebiño!
Gracias Quique e Diego por unha tarde xuntos en comunidade!
|
LECTURA E FAMILIA - PABLO OTERO #LecturaeFamilias #FamiliasnaBE #bescolaresgal #bescolaresgalabertas |
Este ano a Asesoría de Bibliotecas convocou a primeira edición do programa "Lectura e familias", que ten por obxectivo estimular o deseño e desenvolvemento de iniciativas que favorezan a participación das familias en actividades da biblioteca escolar. Na biblioteca sempre pensamos en comunidade, cada vez que deseñamos un proxecto ou actividade. Este ano, estamos no proceso de crear unha Biblioteca Humana coa participación das nosas xentes, un proxecto entre as bibliotecas escolares e o Concello de Cedeira. Comezaremos cunha proposta de formación. Se aínda non estás apuntado podes facelo!
Este venres, imos ofertar un recurso de formación e disfrute en familia, a actividade ten por nome "Libros de familia" e estará a cargo de Pablo Otero.
Pablo Otero, naceu en Ourense en 1970, é un escritor, ilustrador e pintor galego. Estudou na Facultade de Belas Artes de Pontevedra. De seguro será unha gran oportunidade para asistir coa familia á biblioteca!
|
BIBLIOTECA CREATIVA CON PABLO OTERO #bibliotecacreativa #bibliotecainclusiva #bescolaresgal #bescolaresgalabertas |
O alumnado de 3º de primaria xogou coas palabras. Baixo o lema das bibliotecas escolares "A biblioteca escolar ten a palabra", realizou dúas experiencias creativas co escritor e ilustrador Pablo Otero.
Está actividade está enmarcada na biblioteca creativa, é unha formación para o alumnado que temos que agradecer á asesoría de bibliotecas. Unha experiencia onde se evidencia que a biblioteca escolar acolle todo tipo de linguaxes (oral, artística, escrita...). Este ano afondamos nas verbas e as súas posibilidade estéticas e creativas.
Pablo Otero, estudou na Facultade de Belas Artes de Pontevedra. É disléxico, pero isto en ningún momento foi un impedimento, senón ao contrario, un reto para profundizar no poder creativo das letras, da súa contorna, da súa estética. Podedes consultar na biblioteca diversos libros ilustrados ou escritos polo autor. Unhas fotografías e un vídeo para ilustrar a xornada.
|
EXPERIENCIAS CREATIVAS CON PABLO OTERO #bibliotecacreativa #bibliotecainclusiva #bescolaresgal #bescolaresgalabertas |
Baixo o lema das bibliotecas escolares "A biblioteca escolar ten a palabra", o alumnado de 4º de primaria brincou coas verbas e realizou dúas experiencias creativas a cargo do escritor e ilustrador Pablo Otero.
Pablo Otero, estudou na Facultade de Belas Artes de Pontevedra. É disléxico, pero isto en ningún momento foi un impedimento, senón ao contrario, un reto para profundizar no poder creativo das letras, da súa contorna, da súa estética. Podedes consultar na biblioteca diversos libros ilustrados ou escritos polo autor. Está actividade está enmarcada na biblioteca creativa, é unha formación para o alumnado que temos que agradecer á asesoría de bibliotecas.
Unha experiencia onde se evidencia que a biblioteca escolar acolle todo tipo de linguaxes (oral, artística, escrita...). Nesta ocasión, Ideogramas e Falsas noticias falsas foron os divertimentos escollidos. Unhas fotografías e un vídeo para ilustrar a xornada.
|
OBRADOIRO CLUB I LOVE ANIMALS - DÍA DAS NAIS #STEAM #bibliotecacreativa #bescolaresgal #bescolaresgalabertas |
O clube I love animals organizou un obradoiro con motivo do Día da Nai. Realizaron esta fermosa creación. Dende a biblioteca "Carlos Labraña" queremos desexarlle hoxe e tódolos días, Feliz día!! a tódalas nais.
|
FORMACIÓN EN CREATIVA CON PABLO OTERO #bibliotecacreativa #bibliotecainclusiva #bescolaresgal #bescolaresgalabertas |
O alumnado de 6º de primaria xogou coas palabras. Baixo o lema das bibliotecas escolares "A biblioteca escolar ten a palabra", realizou dúas experiencias creativas co escritor e ilustrador Pablo Otero.
Está actividade está enmarcada na biblioteca creativa, é unha formación para o alumnado que temos que agradecer á asesoría de bibliotecas. Unha experiencia onde se evidencia que a biblioteca escolar acolle todo tipo de linguaxes (oral, artística, escrita...). Este ano afondamos nas verbas e as súas posibilidade estéticas e creativas.
Pablo Otero, estudou na Facultade de Belas Artes de Pontevedra. É disléxico, pero isto en ningún momento foi un impedimento, senón ao contrario, un reto para profundizar no poder creativo das letras, da súa contorna, da súa estética. Podedes consultar na biblioteca diversos libros ilustrados ou escritos polo autor. Unhas fotografías e un vídeo para ilustrar a xornada.
|
TEATRO DE SOMBRAS #bibliotecacreativa #bescolaresgal #bescolaresgalabertas |
O alumnado dos clubs de 5º están preparando un teatro de sombras para compartir co alumnado a final de curso. Aquí os temos preparando o cartaz.
|
OBRADOIROS DOS CLUBS #bescolaresgal #bescolaresgalabertas #bibliotecacreativa |
Os dous clubs I love Animals e Sylvanian Families continúan amosando autonomía e bo facer. Organizan, preparan, difunden e levan a cabo toda clase de obradoiros. Esta é unha pequena mostra dos seus traballos.
|
FORMACIÓN RADIO NA BIBLIO #Radionabiblio #bescolaresgal #bescolaresgalabertas |
O voluntariado de biblioteca de 4º de primaria recibiú formación de radio para mellorar as súas competencias neste medio.
Laboratorio de radio foi o encargado da formación. O alumnado aprendeu a importancia da respiración, os distintos tons, creou, engadiú sons de creación propia, gravou e locutou...
Foi unha formación intensa e gozada da que deixamos aquí constancia.
|
LECTURA E FAMILIAS "Libro de familia" #LecturaeFamilias #FamiliasnaBE #bescolaresgal #bescolaresgalabertas |
Este curso escolar, as bibliotecas escolares (BE Punta Candieira e BE "Carlos Labraña) xunto co Concello de Cedeira, aunamos esforzos para poñer en marcha o proxecto: Biblioteca Humana. Este proxecto foi seleccionado dentro da convocatoria de "Lectura e familias".
A BE "Carlos Labraña" é unha biblioteca LÍA e entre outras actuacións incide no desenvolvemento de experiencias de lectura para toda a comunidade escolar. A experiencia creativa "Libros de familia" a cargo de Pablo Otero, permitiú traballar historias cunha inmensa carga emotiva e crear un libro obxecto.
|
EXPOSICIÓN LETRAS GALEGAS #LetrasGalegas2022 #bescolaresgal #bescolaresgalabertas | |
VIDEOCLIP " Ua, ua, ua! A viaxe de Percebiño " LECTURA E FAMILIAS #LecturaeFamilias #FamiliasnaBE #bibliotecacreativa #Radionabiblio #bescolaresgal #bescolaresgalabertas |
A viaxe de Percebiño, unha historia escrita e musicada por Quique Vázquez e Tonino, e ilustrada por Diego Cheda. Un videoclip no que canta e participa toda a rapazada da escola e por suposto a nosa comunidade escolar: familia, mestras/es, persoal non docente, axentes sociais... Porque a escola somo todos, unha gran comunidade.
Esta viaxe non sería posible sen todas e todos. Celebramos a Semana Mundial das Nacións Unidas sobre a Seguridade Vial coa canción "Ua, ua, ua" de A viaxe de Percebiño!
Gracias á todos/as os que o fixeron posible!
Canción, conto e ilustracións para colorear.
|
PERSOAS LIBRO - 23 DE MAIO - PROGRAMA "LECTURA E FAMILIAS" #LecturaeFamilias #FamiliasnaBE #aBEtenapalabra #bescolaresgal #bescolaresgalabertas |
|
- « primeira
- ‹ anterior
- …
- 28
- 29
- 30
- 31
- 32
- 33
- 34
- 35
- 36
- …
- seguinte ›
- última »