Ceip Mestre Manuel García |

AXUDAS LIBROS DE TEXTO E MATERIAL ESCOLAR

FONDO SOLIDARIO LIBROS DE TEXTO, AXUDAS PARA

ADQUIRIR LIBROS DE TEXO E MATERIAL ESCOLAR

Informamos que está aberto o prazo de solicitude para a participación no fondo solidario de libros de texto para os cursos de 3º e 4º de Educación Primaria, axudas para adquirir libros de texto para 1º e 2º e axudas para adquirir material escolar para 1º, 2º, 3º, 4º, 5º e 6º de Educación Primaria, para o curso que vén.

O prazo de presentación das solicitudes remata o 21 de xuño de 2024.

FORMA DE PRESENTACIÓN

1. A través da aplicación Fondolibros (https://www.edu.xunta.gal/fondolibros)

- No centro

- Sede electrónica (https://sede.xunta.gal)

2. Presentación presencial no centro. (Formulario ED330B)

ORDE do 7 de maio de 2024 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/25 (códigos de procedemento ED330B).

1 adxunto

CARREIRA SOLIDARIA UNOENTRECIENMIL

Vimos anunciar a carreira solidaria do próximo venres día 24 de maio para recadar fondos a favor da investigación da leucemia infantil. As familias que queiran colaborar poderán facelo a través de doazóns nos sobres que se enviarán a casa. A recadación será recollida e depositada pola ANPA. Contamos co voso apoio!

SEMANA DO LIBRO 2024

Álbum: CURSO 2023-24 -> SEMANA DO LIBRO 2024

VISITA AO MOSTEIRO DE OIA

O pasado luns, 15 de abril, o alumnado do colexio saíu a explorar a contorna. Nesa exploración parámonos no MOSTEIRO DE OIA. É o patrimonio máis representativo do noso pobo e non podíamos deixar de visitalo.

Acompañadxs por guías fomos descubrindo os seus segredos, beleza e historia. Este mosteiro, onde nace Oia, trátase do único mosteiro cisterciense situado ao carón do Atlántico. E dende 1931 goza da maior protección legal en materia de patrimonio histórico.

Sin dúbida será unha visita que repetiremos tódolos anos para por en valor o noso pobo. Aquí tedes algunhas fotos e un enlace onde atopar información desta fantástica visita.

Clica na imaxe para saber máis sobre o mosteiro

Álbum: CURSO 2023-24 -> VISITA AO MOSTEIRO

PROGRAMA DE PRIMAVERA

Neste programa o alumnado de quinto traballou en grupo e cada un deses grupos elaborou o seu propio podcast. Aínda que van todos xuntos, falan de temas diferentes e foron gravados con diferentes técnicas.

Atoparedes entrevistas, actividades do colexio, lecturas recomendadas. celebracións do mes de marzo e por suposto, o concurso!!!
Agora toca disfrutar da fin de semana escoitando a RADIO ARRABAL!!!

EXPLORANDO A AGRICULTURA EN OIA

Xa temos a horta do cedo en marcha. Despois de preguntar aos máis experimentados do lugar (pais, nais, avos e avoas, veciñxs e demáis) tomamos nota dos seus consellos e puxémonos a traballar. Ainda que a meteoroloxía non é moi boa as plantiñas van crecendo, temos que seguir estudando para que ao final teñamos unha boa produción de verduras e hortalizas.

IMOS ALÓ!!!