Visita do alcalde de Santiago ao López Ferreiro
Enviado por admin o Mar, 01/17/2023 - 11:22Cando o alumnado de 6º de educación primaria participou na gravación do programa especial de Ponte nas ondas no pazo de Fonseca, propúxoselle ao alcalde de Santiago de Compostela que visitara o noso centro para coñecer as necesidades do CEIP López Ferreiro.
Exposición solidaria
Enviado por admin4 o Dom, 01/08/2023 - 16:28
Os Equipos de Actividades Extraescolares e de Dinamización da Lingua Galega do CEIP López Ferreiro realizaron, con alumnado de diferentes niveis, unha exposición fotográfica: “A mellor luz, a solidariedade”, co fin de colaborar co Albergue Juan XXIII na campaña de Nadal. Deste xeito, apóiase o grande labor que está a facer esta institución, ao ser refuxio e sustento de moitas persoas na nosa cidade.
Protagonizan as fotografías os distintos tipos de luz e os ollos do alumnado que as realiza ou está a ser retratado.
Ademais, cada unha das 30 imaxes están apoiadas con versos de grandes mulleres poetas galegas: Rosalía de Castro, María Mariño, Luz Pozo, María Victoria Moreno, Helena Villar, Ana María Fernández, María do Cebreiro Rábade ou Rosalía Fernández.
A exposición puido ser visitada os días 21 e 22 de decembro no claustro do Hotel Monumento San Francisco e, á volta do Nadal, as fotografías serán expostas no centro.
O motivo da exposición foi procurar diferentes produtos que precisan no Albergue: alimentarios, de hixiene persoal, de limpeza etc.
Presentación do Libro da Memoria no CSC Maruxa e Coralia
Enviado por admin4 o Lun, 12/19/2022 - 12:35O pasado 17 de decembro, presentouse no CSC Maruxa e Coralia o Libro da Memoria (2019-2022) das aulas Coralia e Maruxa do CEIP López Ferreiro.
Un conxunto de textos ilustrados polo alumnado e que son unha escolma da tradición oral das súas familias.
O acto, ao que asistiu arredor dun cento de persoas entre alumnado, familias, representantes do mundo da cultura e da política da cidade, estivo cargado de emotividade. Púxose de manifesto a importancia do texto lírico de tradición oral, porque nos conecta coa cultura e coa lingua propia e porque pon en valor a muller como principal transmisora.
Nesta presentación falaron Helena Villar, Encarna Otero, Cristina Trigo, Mari Carmen Montero, Fátima Rodríguez e Rosa Suárez.
Agradeceuse a Mercedes Rosón e a Lupe Rodríguez que propiciaran o encontro no novo CSC e a Benjamin Carter o ter desenvolvido o deseño e maquetación da obra.
DÍA INTERNACIONAL DAS PERSOAS CON CAPACIDADES DIFERENTES
Enviado por Anónimo o Dom, 12/04/2022 - 19:14
CREEPY CARD EXCHANGE WITH CEIP DE PEDROUZOS
Enviado por Anónimo o Mar, 11/29/2022 - 00:57Este curso intercambiamos experiencias con dous colexios, un deles é o CEIP de Pedrouzos. Estamos encantados e encantadas. Ordenando desde E.I a 6º de E.P no CEIP de Pedrouzos están o teacher Víctor, teacher Tania e teacher María José e no CEIP López Ferreiro a teacher Nía, teacher Mari, teacher Luis e teacher Sara.
Nesta ocasión o intercambio foi de megapostais de Halloween. Aquí vos achegamos un vídeo que vos dará unha idea do que se fixo.
Alumnado de 6º E.P na English Digital Week
Enviado por Anónimo o Xov, 11/24/2022 - 22:06Efectivamente, este domingo empezou a nosa quenda na Digital Week, actividade incluída na programación de Seccións Bilingües deste curso. Este domingo, o alumnado participante, nenas e nenos de 6º de E.P, iniciaron a estancia no albergue de Gandarío, onde van a desfrutar das actividades que se desenvolveran ao longo dunha semana. Alí convivirán con alumnado doutros centros escolares de Galicia. Algunhas das actividades planificadas son robótica, deseño dixital, impresión 3D, realidade aumentada, ..., tamén haberá tempo para actividades de exterior, que fomenten a convivencia e as relacións sociais. Todas as actividades serán levadas a cabo en inglés, por persoal nativo. Desexámoslles unha feliz experiencia :)
DÍA INTERNACIONAL DA ELIMINACIÓN DA VIOLENCIA CONTRA AS MULLERES
Enviado por Anónimo o Mér, 11/23/2022 - 20:31
DÍA INTERNACIONAL DA ELIMINACIÓN DA VIOLENCIA CONTRA AS MULLERES
Enviado por Anónimo o Mér, 11/23/2022 - 20:24
UN MAGOSTO CON PRESENTACIÓN ESTELAR NO CEIP LÓPEZ FERREIRO
Enviado por admin o Mar, 11/15/2022 - 14:00O día 11 de novembro, no que se honra a San Martiño, celébranse magostos en centos de lugares de Galicia.
E no CEIP López Ferreiro tamén se quixo recordar a festa por excelencia das castañas: as nenas e os nenos trouxeron unha presa de castañas que se asaron en Fornos por motivos de seguridade.
A partir das 12,30 h, a festa desenvolveuse no parque Xixón, onde ademais de comer as castañas asadas, tamén houbo tempo para a práctica de xogos tradicionais, e sobre todo para a presentación da Agrupación folclórica do López Ferreiro.
- « primeira
- ‹ anterior
- …
- 3
- 4
- 5
- 6
- 7
- 8
- 9
- 10
- 11
- …
- seguinte ›
- última »