AS FAMILIAS E O ALUMNADO DO LÓPEZ FERREIRO, LERON CON ROSALÍA
Enviado por admin o Mar, 03/21/2023 - 10:21Dentro do programa de Bibliotecas Escolares de Galicia, “Lectura e familias”, programouse unha ruta para coñecer os lugares máis significativos onde viviu Rosalía de Castro.
En cada unha das cinco paradas que se realizaron, as nenas e os nenos, e tamén as familias, leron un poema da escritora galega por excelencia.
Nas fotos que se achegan, obsérvase como as nenas e os nenos colocaron os seus pensamentos na tumba de Rosalía, así como a descuberta da casa de Antonio López Ferreiro, onde vivía a poeta cando se publicou Cantares Gallegos.
En definitiva, unha tarde que serviu para reforzar os vínculos afectivos entre a nosa comunidade educativa por medio da motivación pola lectura.
O ALUMNADO DO CEIP LÓPEZ FERREIRO APRENDE EDUCACIÓN VIAL DE FORMA PRÁCTICA
Enviado por admin o Mar, 03/21/2023 - 10:148M no CEIP López Ferreiro
Enviado por admin4 o Lun, 03/13/2023 - 14:27O Equipo de Dinamización da Lingua Galega do noso centro, está a coordinar a proposta MULLERES IMPRESCINDIBLES NA VIDA DE COMPOSTELA,que se desenvolve a partir do Programa Donas de Si, no que estamos a participar.
A través desta proposta achegámonos ao coñecemento e divulgación da figura e o labor de mulleres relevantes na historia da nosa cidade: Rosalía de Castro, Maruxa e Coralia Fandiño Ricart, Ramona Vaamonde Fernández, Helena Villar Janeiro, Encarna Otero Cepeda, Margarita Ledo Andión e Verónica Boquete Giadáns.
Pretendemos que este traballo sexa unha maneira máis de romper coa invisibilidade das mulleres.
Tivemos a sorte de poder contar para a conmemoración do 8M con Helena Villar e Encarna Otero que desenvolveron encontros con alumnado de distintos ciclos. Ademais, e en colaboración co Equipo de Extraescolares, visitounos Marisa Vidal, que nos acercou a Exeria, un dos referentes femininos da nosa historia, a través do seu traballo: Eu son Exeria.
Este mes tamén recibiremos a Margarita Ledo.
Visitade o blog do EDLG, para obter máis información: https://edlglopezferreiro.blogspot.com/
PRIMEIRO VENRES CREATIVO DO CEIP LÓPEZ FERREIRO
Enviado por admin4 o Mar, 03/07/2023 - 13:11
O pasado venres 3 de marzo, arrancamos cos Venres Creativos, unha proposta novedosa no noso centro, que busca estimular a creatividade do alumnado a través de obradoiros internivel.
O alumnado mesturouse en 3 bloques, o bloque inicial (educación infantil), o bloque medio (1º-2º-3º primaira) e o bloque avanzado (4º-5º-6º primaria) e estes son os obradoiros polos que pasarán ata final de curso:
- BLOQUE INICIAL: Xogar a Ser (xogo simbólico); Facer e desfacer (construcións); Beebots; Esculturas colosais (con cartón e arxila); Xogos de magnetismo; Move move (xogos de motricidade grosa e fina); Descubrindo co corpo (experimentación sensorial); Máis que puntadas (iniciación á costura).
- BLOQUE MEDIO: Melloramos o horto escolar; Plastilina caseira condutora; Escritura creativa; Principio de Arquímedes (experimentos); Menuda experiencia aprender ciencia (experimentos); Gravado; Luz e cor (experimentos); Misterio na biblioteca (escape room).
- BLOQUE AVANZADO: Ondas creativas (podcasts na radio escolar); Iniciación ao macramé; Papiroflexia; Maxia nos teus ollos (matemaxia); Crea música co ordenador; Ola, neuronillas! (programación en CODE); Paracaídas colaborativo; Canto coral; Máis que puntadas (iniciación á costura).
O primeiro venres foi todo un éxito e estamos agardando que chegue o seguinte!
Plan Estratéxico de Mellora - Enquisas Escola Inclusiva
Enviado por admin o Mér, 03/01/2023 - 11:22No CEIP de Prácticas López Ferreiro continuamos elaborando o Plan Estratéxico de Mellora (co obxectivo de mellorar os resultados educativos de todo o alumnado do centro) para desenvolver nos tres vindeiros anos.
Precisamos de novo da colaboración de toda a comunidade educativa.No día de hoxe enviouse as familias, profesorado, persoal de administración e servizos unha enquisa sobre Escola Inclusiva que estará aberta ata o mércores 8 de marzo ás 09:30h.
É moi importante para o centro contar coa vosa opinión polo que vos pedimos que participedes.
ALUMNADO DO LÓPEZ FERREIRO CELEBRA O DÍA MUNDIAL DA RADIO.
Enviado por admin o Ven, 02/24/2023 - 19:19O 13 de febreiro celebrouse o Día Mundial da Radio. Por ese motivo, Ponte nas Ondas organizou unha gran conexión á que responderon máis de cen centros educativos de toda Galicia e do norte de Portugal.
En representación do CEIP López Ferreiro, e da nosa emisora www.lulunasondas.com, un grupo de nenas e nenos de 6º acudiu á Facultade de Xornalismo para expoñer a historia do noso centro e algunhas das actividades que se desenvolven co obxectivo de fomentar o respecto polo medio natural e a súa biodiversidade.
Ademais, contouse con colaboracións especiais, como a do alumnado das aulas Coralia e Maruxa, así como as opinións sobre o colexio dalgunhas nenas e dalgúns nenos que nese momento estaban a gozar do recreo no colexio.
Pero como a radio se centra na escoita, premede na imaxe: veredes, e escoitaredes, a nosa produción.
Día do AMOR!
Enviado por admin4 o Mar, 02/14/2023 - 09:39Este 14 de febreiro, dende as aulas do CEIP López Ferreiro, queremos romper co mito do amor romántico e falar de AMOR (en maiúscula): amor cara á vida, amor cara á familia, amor cara ao que nos enche de felicidade e, por suposto, amor cara a nós mesmas/os.
Moitas grazas por compartir con nós as palabras fermosas que empregades para relacionarvos nas vosas casas. Dende hoxe darán vida aos corredores e abrirán portas a novas maneiras de entender as relacións, os afectos e as celebracións sociais, principalmente as máis capitalizadas.
FELIZ DÍA DO AMOR!
Plan Estratéxico de Mellora - Enquisas
Enviado por admin o Lun, 02/13/2023 - 10:59No CEIP de Prácticas López Ferreiro estamos empezando a elaborar un Plan Estratéxico de Mellora (co obxectivo de mellorar os resultados educativos de todo o alumnado do centro) para desenvolver nos tres vindeiros anos.
Para poñer a primeira pedra precisamos da vosa colaboración de toda a comunidade educativa.
A pasada semana enviouse a familias, profesorado, persoal de administración e servizos un breve enquisa que estará aberta ata o venres 17 de febreiro ás 09:30h.
É moi importante para o centro contar coa vosa opinión polo que vos pedimos que participedes.
O CEIP López Ferreiro loita pola Paz
Enviado por admin o Lun, 02/13/2023 - 10:45A celebración do Día Escolar pola Paz é unha boa ocasión para a formación de actitudes e comportamentos que favorezan a convivencia nun entorno cada vez máis diverso e fomentar un desenvolvemento integral das persoas basado na igualdade de dereitos e oportunidades.
Ademais, tendo en conta que os conflitos do futuro terán como orixe a loita polos recursos naturais, este ano todo o centro participou de diferentes propostas dinamizadas desde o Equipo de biblioteca, o Equipo de medio ambiente e os de Seccións bilingües. Un ha mostra dos seus resultados pódense ver no seguinte enlace: https://bibliolulu.blogspot.com/2023/01/dia-da-paz.html
Por outra banda, este ano o alumnado de 5º e 6º de primaria deseñou un mural cooperativo dentro dunha actividade proposta por Asamblea de Cooperación pola Paz, e coordinado polo Equipo de actividades complementarias e extraescolares do centro. De todo o que falaron e aprenderon, quedou un fermoso testimonio gráfico nunha parede do colexio.
En definitiva, diversas propostas para desenvolver, asemade, os obxectivos de desenvolvemeneto sostible da Axenda 20/30.
- « primeira
- ‹ anterior
- …
- 2
- 3
- 4
- 5
- 6
- 7
- 8
- 9
- 10
- …
- seguinte ›
- última »