Obradoiros co CEE Navalón: Unha aprendizaxe baseada na experiencia

A educación non só se produce mediante a adquisición de coñecementos, senón que tamén pode (e debe) estar presente en calquera experiencia.

Iso foi o que aconteceu no López Ferreiro o 30 de novembro entre o alumnado de 5º e de 6º de primaria e o do CEE Navalón. Mediante obradoiros de carpintería, de construcción, de cerámica, de restauración e de costura, o alumnado do Navalón, que actuou como persoal monitor dos talleres,  amosoulle ao noso que todas e todos posuímos características, habilidades e potencialidades que nos fan únicas  e únicos.

En definitiva, unha mañá de traballo baseada na socialización, no respecto, na empatía e na colaboración mutua. Pode haber mellor aprendizaxe?

Obradoiro: Cambio climático.

O alumnado de 5º e 6º de primaria participou en dous obradoiros organizados por CEIDA (Centro de Extensión Universitaria e de Divulgación Ambiental de Galicia) no que traballaron sobre as consecuencias ambientais, sociais e económicas do cambio climático que condicionarán o noso desenvolvemento.

Os obradoiros complementáronse coa exposición “Cambio climático. O noso mundo, o noso futuro, a nosa opción”. Esta exposición pretende dar a coñecer a todos os galegos e galegas o problema ambiental do cambio climático, informando sobre as súas causas e consecuencias a nivel global e tamén en Galicia.

O ano da cabaza

O Samaín deste curso celebrámolo ao redor dun froito típico do outono: a cabaza. Buscamos a inspiración en artistas de diversos ámbitos (Andy Warhol, Yayoi Kusama, Kandinsky, Mondrian, Irma Stern,...) e nas súas obras pictóricas, fotográficas, de receitas de cociña, de tradición oral, musicais,...

Un Samaín con moito arte!!

O CEIP López Ferreiro no Portal da Lingua Galega

Nestes días previos á conmemoración do Samaín e á celebración dos magostos, o EDLG do CEIP López Ferreiro compilou, en colaboración coas familias, esta selección de refráns e ditos da tradición oral relacionados con estas datas. Algúns deles tamén se presentan en linguaxe pictográfica para que os poida entender o alumnado con dificultades de comunicación.
 
 

O CEIP López Ferreiro participa no programa 21 días co galego e +

A pasada semana presentamos no centro o programa 21 días co galego e +, promovido pola Secretaría Xeral de Política Lingüística. Nesta sexta edición participan por primeira vez centros só de Educación Infantil e Primaria. Seremos dez escolas en total de toda Galicia, o que é unha honra!

 Despois dunha primeira sesión formativa e informativa das persoas que coordinamos os Equipos de Dinamización da Lingua Galega nos centros, con Pilar Ponte e Roxelio García que, á súa vez, coordinan o programa, teremos unha xuntanza presencial na nosa escola con todo o claustro, o día 2 de novembro. 

Mentres achegamos un resumo da información que recibimos. Só tedes que premer na imaxe.

Comezan as actividades na Biblioteca Helena Villar

A auga, elemento esencial da vida, sempre estivo e está presente na vida da xente galega, no seu vocabulario, nas súas tradicións, nas crenzas, na literatura…

Este curso, o proxecto documental integrado da biblioteca Helena Villar do López Ferreiro, basearase neste constituínte vital. Así, compartiremos experiencias co colexio Le petit Paris” de Brest, en Francia, e desenvolveremos entre o noso alumnado os obxectivos 6 (Auga potable e saneamento), 11 (Acción polo clima) e 14 (Protexer a vida mariña) da axenda 2030 aprobada pola ONU.

Como unha misteriosa regadeira do cantar de Rosalía, as tarefas do proxecto deixarannos o seu orballo en forma de ideas creativas que animarán ás nenas e aos nenos a buscar información e a difundila en diversos formatos.

Mentres, hai que potenciar o hábito lector, polo que as mochilas viaxeiras xa empezaron  os seus percorridos e, a partir do 25, comezaremos as actividades fóra do horario lectivo para alumnado e familias.

 


Obradoiro contra o discurso de odio

O alumnado de 6º de primaria participou nunha iniciativa de Compostela Solidaria na que afondaron sobre o discurso de odio, a súa orixe e sobre todo, as súas consecuencias.

Para concretar o aprendido gravaron un pequeno programa de radio, dirixidos por Rocío Cadahía, xornalista da asociación Agareso coa que o noso colexio colabora habitualmente.

Programa Donas de si

A semana pasada desenvolveuse no centro un contacontos pola igualdade, unha das actividades que nos ofreceu o Programa Donas de Si (Plan Proxecta +), no que participamos o pasado curso.

Nesta proposta, narrativa e plástica, o escritor Enrique Mauricio e a ilustradora Tania Solla presentaron ao alumnado de 3º de Primaria a obra: Un ronsel de Ardora. Pequena biografía de Ángeles Alvariño. Nesta actividade púxose en valor o traballo da zoóloga e oceanógrafa galega Ángeles Alvariño.

Revista Pegada 19

A nosa veterana publicación cumpre 19 anos! 

Este ano, ao igual que o pasado, realizamos a revista en formato dixital e xa está albergada na barra dereita da web la escola.

 

Nela achegamos as “pegadas” máis relevantes deste curso.

Desfrutádea!

 

Saída ás Fragas do Eume

O alumnado de 5º de EP desfrutou de 2 días nas Fragas do Eume.

Un parque onde non hai verde, senon paisaxes de mil verdes. Auga por todas partes, muíños, fontes...

E, agochado no corazón do bosque, o mosteiro de Caaveiro. Alí estivemos descubrindo a súa historia.

Distribuir contido