Seccións bilingües

O pasado 21 de marzo levamos a cabo unha actividade de concienciación sobre a importancia da auga para o planeta.

É unha actividade que se realiza en moitos colexios de distintos países, a longo do mapa. Participamos na actividade por invitación do colexio co que temos o intercambio en Lingua Inglesa, Petite École de Paris, de Brest, que nos visitará en breve.

Deixamos imaxes dos traballos realizados polo noso alumnado de 6º e imaxes dos traballos realizados por distintos cursos do colexio bretón.

O enlace á páxina onde podedes informarvos máis sobre o tema é https://www.lagrandelessive.net/avec-ou-sans-eau/

Como cada curso, desde Seccións Bilingües tentamos destacar este día dalgún xeito.
O alumnado traballou de forma colaborativa en dous carteis para os corredores do centro e repartiron mensaxes para as aulas. 
Pequenos xestos que esperamos consigan grandes cousas :)

O alumnado de 6º de E.P escribiu tarxetas de felicitación de Aninovo, como actividade de intercambio de Seccións Bilingües co alumnado do colexio bretón Petite École de París.

Xunto co desexo dun feliz 2024, achegaron citas sobre a importancia da auga e do uso responsable da mesma:

● Save blue. Live green.

● Preserve water, preserve life.

● Conserve water. Save a million lives.

● Save water. Save Earth.

● Save water, before it’s too late.

● Water is essential. Treasure it.

● Save our water bodies. Save our planet.

● Save water. Make it a habit.

● Conserve water. The future is in your hands

Trátase dun proxecto iniciado no 3º trimestre do curso pasado e desenvolvido dende Seccións Bilingües co alumnado de 4º de E.P.

Empezamos coa planta de sementes nos “invernadoiros” das ventás do corredor.

Despois, a profesora Ana Leyes, encargada do horto escolar, e o alumnado axudante, transplantaron os brotes de xudías galegas e doutras variedades de Europa ao horto escolar.

Veremos que tal se da a colleita :)

O Reading Club do libro “Pebbles on the Beach”, de Alex Raynham, levouse a cabo con alumnado de 6º de primaria. Tras a lectura, desenvolvéronse actividades escritas, tamén houbo unha parte plástica.

Trátase dunha proposta do Equipo de Extraescolares. Este curso Halloween xirou en torno a distintas maneiras de interpretar artisticamente a cabaza.

Os proxectos de 3º a 6º de primaria, inspirados en distintos estilos e/ou artistas, quedan plasmados no seguinte collage.

Este curso, o Proxecto Documental integrado de centro xira arredor da auga. Dito proxecto deu comezou o 26 de setembro (European Day of Languages / Día Europeo das Linguas) e busca compartir experiencias co colexio bretón co que estamos a facer intercambios desde o curso pasado: Petite École de París. Recibiremos a súa visita no mes de maio.

Mostramos un anaco da parte plástica do proxecto.

Aínda que xa teña pasado o día, queremos compartir con vós un pouco da experiencia da actividade do teatro en inglés.

Esperamos que teña sido do agrado de todo o noso alumnado. A impresión que tivemos foi que desfrutaron moito do espectáculo.

A compañía Face 2 Face, representou para o alumnado de E.I e 1º de ciclo de educación primaria a obra “Jack and the Giant” e para o alumnado de 3º a 6º de educación primaria, “Trouble in the Jungle”.

Chega o momento dos agradecementos: ao alumnado por participar de forma tan activa, ás familias por confiar na proposta da actividade, ao persoal docente e non docente do centro por colaborar e axudar na organización do evento (titoras e titores especialmente) e ao persoal da Escola de Maxisterio, que nos facilitou a utilización do Salón de Actos.

O Equipo de Dinamización de Seccións Bilingües propón para este mes de xuño un

 Concurso de postais para celebrar o Mes do Orgullo 

Pride Month Card Contest

Unha oportunidade para mostrar a diversidade e promover

a cultura de tolerancia, inclusión e igualdade.

Como facer as postais? E ata cando?

• Poden ser do tamaño e material que decidades.

• A mensaxe (no caso de alumnado que escriba) será en inglés (“Happy Pride Month”, “Happy Pride!”, “Respect!”, “June is Pride Month”, “June is LGBT Month”, “All Different, All Wonderful”, “Happy Rainbow Month” ...).

• Levarán nome e apelidos pola parte traseira.

• Poderán entregarse ata o 14 de xuño.

Exporemos todas as postais que recibamos.

Todos os/as participantes recibirán un diploma acreditativo de ter participado no concurso.

Haberá 4 premios, un por cada grupo de participantes, por ciclos:

• Postal gañadora de alumnado de E.I.

• Postal gañadora de alumnado de 1º ciclo de E.P.

• Postal gañadora de alumnado de 2º ciclo de E.P.

• Postal gañadora de alumnado de 3º ciclo de E.P.

As postais entregaranse á titora ou titor

para que as faga chegar ao/á profesor-a de Lingua Inglesa.

 Animádevos a participar!!

Unha representación de alumnas do colexio percorreron corredores e dependencias do centro, deixando unha tarxeta que sirva de recordatorio cada vez que a vista tope con ela.