Visita do alcalde de Santiago ao López Ferreiro
Enviado por admin o Mar, 01/17/2023 - 11:22
Cando o alumnado de 6º de educación primaria participou na gravación do programa especial de Ponte nas ondas no pazo de Fonseca, propúxoselle ao alcalde de Santiago de Compostela que visitara o noso centro para coñecer as necesidades do CEIP López Ferreiro.
O venres 13, recibimos a visita de Xosé Antonio Sánchez Bugallo. As nenas e os nenos actuaron de guieiros polo centro, e así, tanto o Alcade como o Concelleiro de Educación, Rubén Prol, escoitaron a necesidade de que nos pinten as paredes; que nos arranxen as pingueiras en diferentes zonas do edificio, e moi especialmente no comedor; que se limpen as pistas exteriores e se habiliten os baños; que se coloque céspede sobre o cemento das pistas...
Toda unha serie de peticións das que o Alcalde tomou nota, e que segundo o propio alumnado lle comentou, agardan ver realizadas, ou cando menos encamiñadas, antes de marchar para o instituto...E xa non queda tanto!
