Reapertura da Biblioteca Municipal do Barqueiro

A semana pasada o CEIP Francisco López Estrada foi convidado por parte do Concello de Mañón á reapertura da biblioteca municipal. Para celebrar o devandito evento contamos coa presenza do noso amigo Caxoto, que unha vez máis nos amenizou a xornada cunha estupenda selección de contos fantásticos e sobre todo co seu gran sentido do humor. Tanto pequenos como adultos pasámolo estupendamente e regresamos ao colexio con moitas ganas de volver visitar a biblioteca e de ler unha chea de libros. Queremos agradecer ao concello esta invitación así como a Caxoto polo seu bo facer e o seu gran sentido do humor. Pola nosa banda comprometémonos a ler moitos libros e visitar frecuentemente a biblioteca.