O CEIP Francisco López Estrada está situado en O Barqueiro, localidade que pertence ao concello de Mañon. 

Mañón é un municipio situado na parte oriental da comarca de Ortegal, na provincia da Coruña (Galicia). En plena costa da punta de Estaca de Bares, Mañón limita cos municipios coruñeses de Ortigueira e Pontes de García Rodríguez, e cos municipios lucenses de Muras, Ourol, e O Vicedo.

Este termo municipal forma unha estreita e longa franxa de terreo entre as provincias de Lugo e A Coruña, ocupando a vertente occidental do río Sor, que marca o límite entre ambas as entidades. A principal vía de comunicación é a estrada C-642, que arrinca en Xubia, ao fondo da ría de Ferrol, e percorre a costa norte galega ata Ribadeo.

      Amplíase provisionalmente o prazo de presentación telemática e presencial de solicitudes de admisión que finalizará 1 semana despois do reinicio das clases.

     Recoméndase a utilización preferente da modalidade telemática para a presentación das solicitudes

Para coñecer os distintos prazos e a documentación necesaria consultade no seguinte enlace:ADMISIÓN E MATRÍCULA

ADMISIÓN DO ALUMNADO PARA O CURSO 2020-2021

O proceso de admisión do alumnado para o curso 2020/2021 estará  aberto do 01 ao 20 de marzo do 2020.

    Amplíase provisionalmente o prazo de presentación telemática e presencial de solicitudes de admisión que finalizará 1 semana despois do reinicio das clases.

    Recoméndase a utilización preferente da modalidade telemática para a presentación das solicitudes.

NORMATIVA REGULADORA DO PROCEDEMENTO:

• Decreto 254/2012, do 13 de decembro, polo que se regula a admisión de alumnado en centros docentes sostidos con fondos públicos que imparten as ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei Orgánica 2/2006, do 3 de maio, de educación.

• Orde do 12 de marzo de 2013pola que se desenvolve o procedemento para a admisión do alumnado en centros docentes sustentados con fondos públicos que impartan as ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei Orgánica 2/2006, do 3 de maio, de educación.

• Orde do 25 de xaneiro de 2017pola que se modifica a Orde do 12 de marzo de 2013 pola que se desenvolve o procedemento de admisión en centros sustentados con fondos públicos que imparten ensinanzas de 2º ciclo de Educación Infantil, de Educación Primaria, de Educación Secundaria Obrigatoria e de Bacharelato reguladas na Lei Orgánica 2/2006, do 3 de Maio, de educación.

POSTOS ESCOLARES OFERTADOS PARA O CURSO 2020-2021

SOLICITUDE DE ADMISIÓN E DOCUMENTACIÓN REQUERIDA

    O prazo para presentar a solicitude de admisión será durante os días 1- 20 de Marzo, ambos os dous inclusive. A solicitude será única e de carácter vinculante, presentándose no centro que se solicite praza en primeiro lugar.

    As solicitudes de admisión realizaranse mediante o modelo ANEXO II ( procedemento ED550B galego, castelán ). Os formularios poderán cumprimentarse na aplicación admisionalumnado ou ser descargados e cumprimentados de forma manual. Aquelas familias que o desexen poden recoller o modelo no centro educativo.

    O alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, no centro de orixe.

    O alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión.

    Deberá presentarse a seguinte documentación:

1. Solicitude de admisión (Anexo II, procedemento ED550B) debidamente cumprimentada e asinada por ambos proxenitores. 
2. DNI da persoa solicitante e do resto dos membros da unidade familiar (se non permiten a consulta).
3. Documento acreditativo da idade do alumno/a (Fotocopia do DNI do alumno/a ou do Libro de Familia)
4. Convenio regulador ou resolución xudicial de separación ou divorcio, se é o caso.
5. Certificación de matrícula, se é traslado doutro centro.

• Toda a documentación deberá ser orixinal ou copia cotexada; bastará para iso co selo de centro.

PUBLICACIÓN DE ADMITIDOS/NON ADMITIDOS

• Listaxe provisional: antes do 25 de Abril. As reclamacións resolveranse no prazo de cinco días hábiles, contados a partires do día seguinte á publicación desta listaxe.
• Listaxe definitiva: antes do 15 de Maio.

FORMALIZACIÓN DA MATRÍCULA

O prazo para a formalización da matrícula será entre os días 20 - 30 de Xuño.

Deberase presentar a seguinte documentación

1. Solicitude de matrícula (ANEXO III-1) debidamente cumprimentada, a cal se poderá solicitar na dirección do centro.
2. Catro fotos tamaño carné do alumno/a.
3. Fotocopia do boletín de vacinas do alumno/a.
4. Certificado de empadroamento dos membros da unidade familiar.

 De non facer esta formalización entenderase que o alumno/a renuncia á praza

CENTROS ADSCRITOS E DE ADSCRICIÓN

• Adscritos: non temos.

• De adscrición: I.E.S. De Ortigueira

ÁREA DE INFLUENCIA DO CENTRO

Abrangue as parroquias do concello de Mañón:Grañas, Mañón, As Ribeiras do Sor, Santa Mª de Mogor ( O Barqueiro) e Bares. As áreas limítrofes serían os concellos de O Vicedo, Ourol, Muras, As Pontes e Ortigueira.

SERVIZOS COMPLEMENTARIOS

    O centro oferta de maneira complementaria os seguintes servizo

• Transporte escolar
• Comedor escolar

    O alumnado que desexe facer uso destes servizos deberá expresalo debidamente tanto na súa solicitude de admisión como na conseguinte formalización de matrícula.

    Asimesmo, segundo a Disposición adicional segunda da Orde do 12 de marzo de 2013 o alumnado con garantía de permanencia no centro docente que non teña que formalizar matrícula, deberá manifestar expresamente mediante escrito dirixido a este, ao longo do mes de maio de cada ano, que solicita utilizar os servizos complementarios de comedor e/ou transporte escolar.

    Calquera dúbida ao respecto, será aclarada na dirección do centro.

Xa podedes participar no Concurso fotográfico  "Eusonpilabot"

O prazo  remata o 8 de marzo

É un concurso de fotografía artística individual

Tedes as bases do concurso no seguinte enlace: EUSONPILABOT

• Lei Orgánica 2/2006 do 3 de maio de Educación
• Lei Orgánica 8/2013, do 9 de decembro, para a mellora da calidade educativa
• Decreto 330/2009, do 4 de xuño, polo que se establece o CURRÍCULO DA EDUCACIÓN INFANTIL na Comunidade Autónoma de Galicia.
• Real Decreto 1630/2006, do 29 de decembro, polo que se establecen as ENSINANZAS MÍNIMAS DO SEGUNDO CICLO DA EDUCACIÓN INFANTIL.
• ORDE do 25 de xuño de 2009 pola que se regula a implantación, o desenvolvemento e a AVALIACIÓN DO SEGUNDO CICLO DA EDUCACIÓN INFANTIL na Comunidade Autónoma de Galicia.
• Decreto 105/2014, do 4 de setembro, polo que se establece o CURRÍCULO DA EDUCACIÓN PRIMARIA na Comunidade Autónoma de Galicia.
• Real Decreto 126/2014, do 28 de febreiro, polo que se establece o currículo básico de Educación Primaria.
• Orde do 9 de xuño de 2016 pola que se regula a AVALIACIÓN E PROMOCIÓN do alumnado que cursa a Educación Primaria  na Comunidade Autónoma de Galicia.
• DECRETO 229/2011, do 7 de decembro, polo que se regula a ATENCIÓN Á DIVERSIDADE do alumnado dos centros docentes da Comunidade Autónoma de Galicia nos que se imparten as ensinanzas establecidas na Lei orgánica 2/2006, do 3 de maio, de educación. 
• DECRETO 8/2015, do 8 de xaneiro, polo que se desenvolve a Lei 4/2011, do 30 de xuño, de CONVIVENCIA e participación da comunidade educativa en materia de convivencia escolar.
•  DECRETO 132/2013, do 1 de agosto, polo que se regulan os COMEDORES ESCOLARES dos centros docentes públicos non universitarios dependentes da consellería con competencias en materia de educación.