CEIP PLURILINGÜE A LAXE

Ola familias!!

Aquí vos amosamos as actividades que realizamos a semana pasada.

O luns, para despedir o inverno, contruimos entre todos un iglú con terróns de azucre. Pero claro se fosen bloques de xeo estarían moi fríos, por iso empregamos unhas pinzas para coller os terróns, traballando así a nosa motricidade fina.

Despois situamos un pingüín en diferentes posicións con respecto ao iglú (diante, detrás, lonxe...) traballando así a orientación espacial.

Ademais estimamos cantos terróns empregamos para construir o iglú. Para iso nunha folla en branco anotamos o noso nome e a nosa estimación. Ninguén acertou o número exacto, pero moitos estiveron cerca.

Tanto nos gustou o de contruír que no recuncho do laboratorio experimentamos de forma libre con este material.

Como proposta de lóxica matemática tivemos que buscar nas fichas de dominó todas aquelas que sumando os seus puntiños tiveran o mesmo número que o que nos indicaba a casiña. Desta forma traballamos o conteo, a asociación de grafía- cantidade e a atención.

Ademais, relacionada coa Pascua, outra das propostas foi formar ovos de diferentes cores segundo unhas tarxetas. Isto conleva que estemaos moi atentos as cores indicadas e que as nosas mans sigan collendo forza.

O martes fixemos un experimento coa profe Lidia no que inchamos uns globos sen usar a boca e apagamos unhas velas facendo maxia.

Esta semana vivimos como a unha compañeira se lle caía un dente mentres merendaba. Qué emoción sentimos todos!!! Tivemos que gardalo ben para que non o perdese e o levase para a casa para deixarllo ao Ratonciño Pérez.

Como proposta de lectoescritura tiñamos que identificar a inicial duns debuxos para despois poder "ler" a palabra secreta que escondía cada tarxeta. Ademais os peques de 5 anos tamén a formaban en minúscula para seguir familiarizándose con elas.

A profe Begoña encargounos unha misión: decorar uns ovos de Pascua para que formasen parte do mural que está a facer, desenvolvendo así a nosa creatividade.

E como remate da semana, por equipos xogamos a diversos xogos de mesa fomentando así o respecto polas normas do xogo: ao memori para traballar a nosa atención e memoria.

O xogo dos tres porquiños para traballar a orientación espacial e resolver os diversos retos.

O dominó para seguir avanzando na lóxica- matemática.

E tamén estreamos un xogo da mesa da selva "Speed jungle" no que a atención e a memoria son as nosas ferramentas para salvar o maior números de animais posible antes de que o león se desperte.

Ata a próxima semana!! E estades moi atentos porque imos celebrar o fin de trimestre dunha forma especial.

Ola familias!!!

Aquí vos deixamos un resumo das actividades desta semana.

No recuncho da casiña estivemos traballando coas nosas mans cosendo as siluetas dalgúns animais da selva.

Tamén pintamos un tucán con ceras Manley que logos difuminamos con bastonciños.

Ademais pintamos as fichas do xogo de mesa: negra, verde e laranxa.

Levamos para a casa os nosos prismáticos de exploradores cos que podemos observar todo o que pasa ao noso redor.

Co xogo Logic city traballamos a orientación espacial, tan importante para outros aspectos como a lectoescritura e plasmar debuxos no papel.

Fixemos diversas operacións, diferenciando a suma da resta, o conteo e a grafía dos números.

Preparamos a portada dos nosos traballos decorando unha cometa con diversos grafismos creativos, tan importantes para a escritura.

Nesta ocasión tocounos preparar a ficha da receita que fixemos coa mamá de Roque e coa que, cando as teñamos todas, formaremos un libro de receitas saudables grazas ás familias.

Tivemos a sorte de contar coa visita de persoas que forman parte do Proxecto ENKI que nos falaron dos deportes que practican. Grazas!!!

Para traballar o esquema corporal, decoramos as nosas bolsas nas que levaremos os traballos deste trimestre. E que mellor que debuxarnos a nós mesmos.

Na clase de arte estampamos follas nunha cartolina branca que será o fondo do tucán que fixemos anteriormente.

E por suposto xogamos coa plastilina, para fortalecer as nosas mans e desenvolver a nosa creatividade.

Ata a próxima semana!!! Bicos!

Ola familias!!

Estas semanas estivemos realizando actividades moi diferentes coas que seguimos avanzando no noso desenvolvemento. Aquí as tedes:

No proxecto da selva seguimos coñecendo animais que viven nela e un deles é a hiena. Despois de coñecer un mouco máis dela fixemos unha actividade de buscar as 5 diferenzas para traballar a atención.

Ademais tamén seguimos avanzando na conciencia fonolóxica identificando a inicial dos animais da selva e realizando a súa grafía en arroz de cor, traballando así a motricidade fina. Os peques de 5 tamén identificaban a súa minúscula e a realizaban.

Para conmemorar o día de Rosalía de Castro fixemos unhas rosas con papel e palitos de brocheta que logo fomos a compartir cos maiores do cole que fixeron unhas con papel de xornais, ademais de visionar unha canción dun poema de Rosalía.

O luns 27 contamos coa visita de Pandoso e o doutor Neutronio que nos viñeron falar da celiaquía contándonos a historia de Mariña, ademais de realizar outras actividades moi divertidas.

Despois de coñecer un pouco máis sobre a piraña, na sesión de inglés tivemos que pescar con palliñas "pirañas" (gomiñas de cores). Tirábamos os dados, contábamos en inglés e pescabamos tantas gomiñas comos nos indicaba o número, ademais de clasificalas por cores.

Desta formas traballamos a lingua estranxeira, o conteo, a grafía- cantidade e a clasificación. Esta actividade tamén a fixeron os nosos compañeiros/as de 3 anos.

Cando coñecimos ao cocodrilo, decidimos que nos axudase a identificar o número máis grande entre dous, traballando a identificación de números e os conceptos maior que e menor que.

Chegou o mes de marzo e para despedir a febreiro realizamos o rexistro do tempo co que traballamos a motricidade fina ao pegar gomets, o conteo, a grafía dos números e tamén a lectoescritura ao escribir o nome do mes.

Por outra banda, seguimos traballando no noso taboleiro do xogo da selva que estamos a facer. Nesta ocasión coloreamos as casillas, identificando así números concretos.

Cando coñecimos ao hipopótamo, xogamos ao Tragabolas, xogo que xa coñecen moitos dos nosos compañeiros/as  e  que teñen na casa. Desta forma traballamos o respecto das normas dos xogos e que non se pode facer trampas.

Noutra sesión realizamos grafismos en zig-zag e ondas para construir o fondo do rinoceronte, traballando así a nosa motricidade fina.

Ademais, tamén realizamos espirais de cores repasando os seus nomes en inglés para que o camaleón tivese un fondo cheo de cor.

Durante a xornada tamén temos momentos de xogo libre, onde traballamos en equipo realizando construccións e traballando moito as habilidades sociais.

E por fin coñecimos ao rinoceronte, pero estaba todo en anaquiños, polo que tivemos que unir as súas partes para formalo, realizando un quebracabezas co que traballamos moito a atención e a orientanción espacial.

Vos acordades que fai unha semanas fixemos as siluetas das nosas mans en papeis de cores? Pois foron as plumas do loro. Quedaron xeniais!!!

Desde fai unhas semanas temos unha nova rutina na asemblea. Collemos unha palabra dunha caixiña, a lemos e colocámola no obxecto correcto, traballando desta forma a lectoescritura.

Cando coñecimos a pantera, esta nos dixo que estaba atrapada nun laberinto e que non podía atopar a saída, polo que, por suposto, lle botamos unha man indicándolle o camiño para saír, ao mesmo tempo que traballamos a orientación espacial.

Tamen nos pasou algo cando coñecimos á cebra. Estaba sen cor e non tiña raias, polo  que aí fomos nós a axudala: primeiro a coloreamos de negro e logo, con pincel lle fixemos as raias brancas, traballando así os trazos horizontais e verticais.

Na sesión de inglés, lembramos os membros da familia cun xogo de atención: observábamos quenes estaban, tapábamos os ollos, a mestra quitaba algún e nós tiñamosque saber quen faltaba.

Para celebrar a Semana da Prensa observamos un xornal en formato papel e coñecimos as súas partes e seccións, lendo algunha noticia que aparecía. Despois tamén vimos que hai xornais dixitais e limos as noticias publicadas sobre o 8M.

O 8M tivemos moitas actividades. Por un lado falamos da muller da nosa vida e a debuxamos, traballando así a representación do esquema corporal, e por outro, contamos coa visita de Gemola e Carolina Rubirosa que nos viñeron a presentar o seu proxecto "En clave de muller".

Non nos esquecemos do camaleón Rodolfo, que aínda que se sabe camuflar, nesta ocasión quería ser de cor verde e alí fomos nós a darlle cor con acuarelas.

Coa serpente fixemos unha actividade matemática moi interesante. Cada un tiñamos un número que tivemos que colocar na recta numérica no espazo que criamos que ía, ata que entre todos e traballando en equipo logramos completala. Desta forma traballamos a identificación de números e o anterior e posterior.

E seguimos co proxecto da selva: nesta ocasión tivemos que poñerlle nome a unhas fotografías de animais, avanzando así na lectoescritura.

As vindeiras semanas moito máis das nosas aventuras na clase de 4 e 5 anos dos peques de A Laxe.

Ata pronto!!