try another color:
try another fontsize: 60% 70% 80% 90%
CEIP de Rebordáns
Centro Abalar

Normalización Lingüística

O Apalpador visita o colexio

 Quen é o apalpador?

      O vello Apalpador é  unha figura lendaria galega que achega os agasallos ás nenas e aos nenos polas datas de Nadal. Até os nosos días amósase coma un xigante que baixaba das devesas e apalpaba as súas barriguiñas. Se estaban cheas dicía: «Así, así esteas todo o ano» e deixáballes unha presa de castañas. Senón calaba, pero deixáballes tamén as castañas.

 

Para tranquilizar aos rapaces, bulideiros pola inquedanza da chegada do Apalpador, os pais cantáballes.

 

 Vaite logo, meu meniño (miña meniña)

marcha agora para a camiña.

Que vai vir o Apalpador

a apalparche a barriguiña.

Xa chegou o día grande

día do noso Señor.

Xa chegou o día grande

e virá o Apalpador.

Mañá é dia de cachela,

que haberá gran nevarada

e há vir o Apalpador

cunha mega de castañas.

Por aquela cemba

xa ven relumbrando

o señor Apalpador

para darvos o aguinaldo.

 

Hai moitos personaxes polo mundo adiante que traen agasallos aos nenos polo Nadal. Uns están representados como boa xente e outros como “os malos” mais case que todos teñen un tronco común, ben seguro que precristián.

Para saber máis sobre estes personaxes navega por este sitio no que atoparás cousas moi curiosas.

Fonte: https://www.apalpador.gal/quen-e-o-apalpador/orixes/

Letras galegas 2019

A Real Academia Galega, propuxo a Antón Fraguas Fraguas como o homenaxeado no Día das Letras Galegas de 2019.

Fraguas Fraguas (Loureiro, Cotobade, 1905 - Santiago de Compostela, 1999) foi historiador, profesor e director e presidente do Museo do Pobo Galego, así como un dos fundadores da Sociedade de Lingua e membro das Irmandades da Fala e do Seminario de Estudos Galegos. Compaxinou o ensino coa investigación en contacto con institucións como o Instituto Pai Sarmiento ou a RAG, na que ingresou en 1956 no sitio que deixou Castelao. Recibiu, entre outros galardóns, o Pedrón de Ouro, a Medalla Castelao, o Premio Trasalba e o Premio das Letras e das Artes da Xunta.

A RAG creou o Día das Letras Galegas en 1963, ano que se lle dedicou a Rosalía de Castro por cumprirse o centenario da publicación da súa obra 'Cantares Galegos'. Fonte: Faro de vigo

LAUDA SEPULCRAL DE REBORDÁNS

No museo de Pontevedra podemos comtemplar unha lauda pétrea, atopada en Rebordáns e que  pertencente ao tipo denominado de estola, así chamado por compoñer ese esquema ou figura o baquetón que marca as aristas das catro vertentes da tapa. A súa presenza é moi frecuente nas necrópolis altomedievais da antiga Gallaecia.

 

Lauda sepulcral de Modesa

Granito. Séculos V-VI

San Bartolomé de Rebordáns. Museo de Pontevedra

" HIC REQUIESCIT MODESA"

" AQUÍ DESCANSA MODESA"

 

 

Correlingua 2018

Co lema "  A LINGUA NON PARA" , o alumnado de 1º, 2º e 3º de EP, participaremos no Correlingua que se celebrará en Tomiño o xoves 10 de maio.

 

Semana do entroido

Semana do entroido on PhotoPeach

Preparando o Entroido

Durante a semana do entroido o alumnado participou en talleres para coñecer elementos típicos do entroido en Galicia, este ano eleboraron caretas e capas do loro Ravachol de Pontevedra.

De viaxe por Galicia

Aquis Querquennis, foi un campamento romano situado no concello ourensán de Bande, a carón do río Limia no encoro do Crebado das Cunchas.

    

O campamento foi construído sobre os anos 69-79 d.c. e abandonado sobre o 120 d.c.

O campamento ten forma rectangular e está rodeado dun groso muro. En cada lado do recinto poderemos ver os restos das portas de entrada. Unha vez dentro poderemos ver unha extensa rede de muros e canles, zonas destinadas a soldados, cabaleiría, hórreos,... Na actualidade o campamento aínda se está excavando e cerca podemos visitar o centro de interpretación.

        Vista aérea do campamento romano Aquis Querquennis

 

Distribuir contido