Co gallo da Semana da Tradición Oral, o pasado 6 de novembro invitamos a avós e avoas a vir pasar con nós un ratiño. Contáronnos cousas do máis interesante: a que xogos xogaban de cativos, que costumes tiñan, como era o día a día nas súas casas... incluso como facían para desenvolverse sen empregar a cantidade de plásticos aos que estamos acostumados hoxe en día. Foi un día moi especial e ao final, entregámoslles un diploma a cada avó/a para que nos lembren con tanto cariño coma nós a eles. Grazas pola visita!