Recíclate con Sogama

O ENTROIDO este curso levouse a cabo baixo o lema "No CEIPP de Artes coidamos do planeta". Unha campaña de sensibilización sobre o coidado do planeta Terra.

Na aula de infantil decidiron distrazarse de planetas Terra e a súa mestra de Capitán Planeta, e terán o reto de coñecer os seus problemas medioambientais e intentar solventalos entre todos.

A aula de 1º/2º/3º decidiron velar polo coidado das nosas árbores autóctonas, os carballos, contanto coa axuda da sua mestra a Capitana Anti-Tala.

O alumnado da aula de 4º/5º/6º preocupalles os mares e océanos, invadidos de plásticos, latas,... polo que xunto coa mestra Aquawomen, buscarán solucións e medidas para conseguir a limpeza nas nosas augas.

Ao longo da mañán do 14 de febreiro, celebramos o entroido coas familias, realizamos:

• un obradoiro de Danzas do Mundo (Pesdelán),
• un desfile para mostrar os distraces e lemas.
• merenda con produtos típicos galegos.

Aquí unha pequena mostra das danzas...

 https://youtu.be/I1IdE0BPSNw

Pasámolo moi ben! Podedes ver as fotos clicando aquí na GALERÍA.

Boas a todos e todas!

Queremos compartir con todos e todas vós que o noso colexio ven de participar nun concurso de refugallo organizado por Sogama. Propuxéronnos facer unha obra artística con materiais de refugallo e así nos puxemos mans á obra, foi un traballo ben agradable e gustounos moito facer unha obra conxunta dende os maís pequenos aos máis maiores. Empregamos tapóns de botellas, chapas, botes de deterxentes, suavizantes, cápsulas de café, latas, redes vellas, cartón... e aquí podedes ver o resultado! Puxémoslle por nome "COIDAMOS DO QUE COMEMOS" tentando concienciar á xente da importancia de coidar do medio natural, neste caso do mar para así coidar tamén a nosa saúde.

Non sabemos se gañaremos ou non, pero pensamos que iso non é o importante, posto que nos gustou moito o resultado que obtivemos e pasámolo xenial facendo todo isto todos xuntos!

Agardamos que a vós vos guste tanto ou polo menos, unha parte do que nos gustou a nós.

Até a próxima

Nesta entrada queremos amosarvos unha novidade que temos no colexio. Alá polo mes de febreiro, o día 24 conmemoramos o día do nacemento dunha gran escritora galega ROSALÍA DE CASTRO. Nas aulas traballamos cos seus textos, lemos, recitamos e ilustramos poesías que colocamos nunha exposición no corredor do centro. Ademais decidimos acompañar a exposición co seu rostro feito de materiais de refugallo.

Logo de facer isto, coincido co día da muller pensamos en decorar o corredor do colexio cunha muller importante para nós e decidimos que esta sería Rosalía de Castro.

Para facer o debuxo contamos coa axuda de dúas nais que viñeron facer a silueta e logo nós fomos enchendo de cor! Moitas grazas por axudarnos, estamos moi agradecidos e agradecidas!

Aínda non está rematado, pero achégase o final....

QUE VOS PARECE?

Nesta entrada, queremos compartir con todos e todas vós como creamos os instrumentos musicais para "A comparsa do Entroido". Nas aulas, o alumnado foi deseñando, construíndo e elaborando diferentes instrumentos de percusión con materiais de refugallo; con rolos de papel de cociña, botellas de plástico, botes.....materiais que fomos traendo da nosa casa e cos que fixemos uns instrumentos ben bonitos!

Aquí, neste vídeo mostrámosvos como levamos a cabo o proceso e agardamos que vos guste!

 Até a próxima

Ola a todos e todas! Queremos compartir con vós a saída que fixemos por Artes, arredor do colexio. Nesta saída o que fixemos foi observar as diferentes especies vexetais e animais que había, monumentos e construccións....

Ademais de observar o entorno, tamén fomos recollendo todo o lixo que atopamos polo chan e logo ao chegar ao colexio, botámolo nos colectores que temos nós aquí.

Aquí podedes ollar como nos foi a saída!

Nesta ocasión queremos mostrarvos o que estamos a elaborar na aula: PAPEL RECICLADO!

Traballamos coas instruccións e así fomos facendo todo o proceso da fabricación do papel

Aquí podedes ver unha mostra do que fixemos, agardamos que vos guste!

Os nenos e nenas de 5º e 6º na materia de plástica estivemos reutilizando diferentes materiais para facer uns espellos. Cortamos rolos de papel en tiras máis finas, pintamos as tiras e logo, cada un de nós, fomos pegando e dándolle diferentes formas á nosa creación artística.

Este foi o resultado! Clicade neste espello para ver algúns dos resultados!

Que vos parecen?

Boas a todos e todas! O pasado venres, 18 de xaneiro, os nenos e nenas de Educación Primaria, tivemos a sorte de levar a cabo no colexio, unha actividade dos Bolechas  sobre a reciclaxe de aparatos electrónicos; que leva por nome     "O que se enchufa, recíclase".

Foi unha actividade moi interesante e divertida. Aprendemos como colaborar na reciclaxe de aparatos eléctricos que xa non usamos: teléfonos móbiles, lavadoras, lámpadas, ordenadores.....

Pasámolo xenial, até creamos un rap sobre a reciclaxe dos mesmos, mirade mirade as nosas fotiños..... 

<iframe