Admisión de alumnado

PRAZO DE PRESENTACIÓN: do 1 ao 22 de marzo.

O formulario poderá cumprimentarse na aplicación “admisionalumnado”, ou ser descargado e cumprimentado de forma manual. Tamén se poderá descargar e/ou cumprimentar da Sede Electrónica da Xunta de Galicia (no procedemento con código ED550B).

Aínda que o xeito de tramitación preferente é a través da sede electrónica da Xunta de Galicia (acceso coa Chave365 ou co certificado dixital), na secretaría da escola tamén se poderá recoller e presentar a documentación.

Premendo aquí pódese descargar unha guía que pode ser de axuda para cubrir a solicitude.

 DOCUMENTACIÓN A ENTREGAR:

1.Anexo II e II (bis) con código ED550B: solicitude de admisión asinada polos dous proxenitores.

2.Copia do DNI do/s proxenitor/es ou titor/es, aínda que non vos opoñades á consulta dos datos.

3.Documento acreditativo da idade do/a alumno/a: Fotocopia do DNI ou da folla do libro de familia.

4.Fotocopia completa do libro de familia.

5.Sentenza xudicial de separación ou divorcio e/ou convenio regulador onde conste a custodia do menor, de darse o caso.

6.Certificación académica expedida pola secretaría do centro anterior (só para o alumnado procedente doutros centros).

7.De darse o caso, documentación que acredite a solicitude dunha praza para alumnado con necesidades específicas de apoio educativo (derivada de discapacidade física, psíquica ou sensorial, de sobredotación intelectual ou de trastornos graves da conducta). No caso de alegarse situación desfavorecida como consecuencia de factores sociais, económicos ou culturais, achegarase informe dos servizos oficiais competentes que acrediten as circunstancias alegadas.

8.Modelo de elección de materia. Pode descargar aqui

ANTE CALQUER DÚBIDA, PODE POÑERSE EN CONTACTO CON NÓS:

Télefono 881866358/59

Correo: ceip.artes.ribeira@edu.xunta.gal

RESERVA DE PRAZA NO CEIP PLURILINGÜE DE ARTES

De acordo co disposto na Orde do 12 de marzo de 2013 pola que se desenvolve o proceso de admisión do alumnado en centros docentes sustentados con fondos públicos, na Orde do 25 de xaneiro de 2017 pola que se modifica a Orde do 12 de marzo de 2013 e a orde do 18 de decembro de 2020 pola que se modifica a Orde do 12 de marzo de 2013 informamos que:

O alumnado que pretenda iniciar os seus estudos no noso centro, en calquer curso, deberá presentar o formulario ED550B, na secretaría do centro, ou ben a través da sede electrónica da xunta coa chave 365.

O prazo de presentación comprende do 1 ao 20 de marzo do 2021.

Para máis información podedes ponervos en contacto coa escola a través do correo electrónico ou dos teléfonos.

RESERVA DE PRAZA PARA O CENTRO ADSCRITO: IES LELIADOURA

De acordo co disposto na Orde do 12 de marzo de 2013 pola que se desenvolve o proceso de admisión do alumnado en centros docentes sustentados con fondos públicos, na Orde do 25 de xaneiro de 2017 pola que se modifica a Orde do 12 de marzo de 2013 e a orde do 18 de decembro de 2020 pola que se modifica a Orde do 12 de marzo de 2013 informamos que:

O alumnado de 6º curso de Educación Primaria que pretenda continuar estudos nun centro de adscrición, no noso caso é o IES LELIADOURA, para os efectos de reserva de praza neste, deberá presentar o formulario normalizado (ED550A)na nosa escola, a través de calquera rexistro válido ou a través da aplicación “admisionalumnado” (https://www.edu.xunta.es/admisionalumnado/), sendo esta a canle preferible de tramitación e para a que se precisa a Chave 365 ou o certificado dixital.

O prazo de presentación comprende do 11 de xaneiro ao 8 de febreiro do 2021.

O alumnado que vaia a asistir a un centro distinto ao adscrito, IES Leliadoura, deberá presentar a solicitude de admisión no centro elixido, do 1 ao 22 de marzo. 

Para máis información podedes poñervos en contacto coa escola a través do correo electrónico ou dos teléfonos.

No día de onte finalizou o prazo de presentación de solicitudes de admisión para novo alumnado.

Coma o  número de solicitudes tramitadas non superou o número de prazas ofertadas non é preciso baremar e TODO O ALUMNADO que presentou SOLICITUDE DE ADMISIÓN na escola ESTÁ ADMITIDO/A e terá que FORMALIZAR a MATRÍCULA do 1 ao 10 de xullo.

Pola lei de protección de datos, as listaxes provisionais de admitidos/as soamente se poderán consultar no tableiro de anuncios da escola.

Tendo en conta a RESOLUCIÓN do 5 de maio de 2020, da Secretaría Xeral Técnica da Consellería de Presidencia, Administracións Públicas e Xustiza, pola que se dá publicidade a diversos acordos do Centro de Coordinación Operativa da situación de emerxencia sanitaria no territorio da Comunidade Autónoma de Galicia (Cecop), do 5 de maio de 2020, informamos dos seguintes prazos:

1. Solicitude de admisión do 11 ao 18 de maio (modelo ED550B)
2. Publicación das listaxes provisionais de admitidos antes do 9 de xuño
3. Publicación das listaxes definitvas de admitidos antes do 26 de xuño
4. Formalización de matrícula do 1 ao 10 de xuño.

Estimadas familias, os prazos de admisión son do 1 ao 20 de marzo. Recordade que pode ser no propio centro ou a través da plataforma online.

Deixamos enlace da páxina da xunta de xestión da admisión online así como aqueles documentos para facela presencial.

https://www.edu.xunta.es/admisionalumnado/

Calquera dúbida, preguntádenos!!!

Unha pequena mostra da nosa andaina:

https://www.youtube.com/watch?v=-QJwZfCUVmQ

Comeza o proceso de admisión de alumnado e a aquí iremos informando dos pasos a seguir.

O primeiro paso é a reserva de praza nos IES do alumnado de sexto nivel de primaria. O IES ao que está adscrito o noso Centro é IES Leliadoura.

Até o 17 de febreiro deberán entregar á titora do colexio a reserva de praza ao IES adscrito. Aqueles que vaian a solicitar matrículo nun IES distinto, deben deixar unha copia na direción do centro e entregar o orixinal no IES que desexen.

Poden descargar este impreso ou realizalo online en https://www.edu.xunta.es/admisionalumnado/

A listaxe que aquí presentamos é definitiva e correspóndense co seguinte curso:

• 4º de infantil

A matricula pódese formalizar, dende o 20 ao 30 de xuño

A listaxe que aquí presentamos é provisional e correspóndense co seguinte curso:

• 4º de infantil

Durante a primeira quincena de maio publicaranse as listaxes definitivas.

AGARDÁMOSVOS!

Poden descargar o anexo II para a solicitude.