Para rematar o mes traémosvos unha actividade que nos fixo moita ilusión levar a cabo.

Conectamos as diferentes actividades coas que desde o colexio incidimos na importancia da muller na sociedade e a conmemoración do Día Internacional da Muller, co proxecto da biblioteca deste anos, os Xogos Olímpicos,

Unha entrevista moi especial feita polo noso alumnado a unha das persoas máis ilustres da nosa cidade. Foi alumna do noso colexio e logo converteuse na mellor atleta do país. Ademais estamos ante unha muller empoderada que ten un papel clave como transmisora de valores e que sempre estivo en loita por alcanzar os seus soños: Ana Peleteiro Brión.

Grazas pola túa colaboración Ana e moita sorte no xogos!!! Vémonos pronto polo cole!

Moi boas!

Comeza o período de admisión de alumnado no Colexio Plurilingüe de Artes coas prazas que se ofertan a continuación: 

Hoxe, ao igual que a semana pasada, gozamos dos contos lidos polo noso alumnado para fomentar a lectura e a adquisición de novas aprendizaxes.

Aquí un anaquiño do contacontos.

Moi boas!

Hoxe tivemos a actuación de Luis Vallecillo, artista multidiscplinar que ensinou ao alumnado distintas obras de Rosalía de Castro a través de cancións ritmo diverso.

Podedes ver máis fotos premendo AQUÍ

O alumnado conmemorou o Día de Rosalía dunha forma diferente e moi divertida!

Un saúdo!

Boas familias!

Como xa sabedes este ano o a temática do noso entroido foi a dos Xogos Olímpicos. Por este motivo vimos a nadadores,patinadores, tenistas,tenistas....

Podedes ver as fotos premendo AQUÍ

E despois tocou o desfile e a degustación de orellas e melindros. Coma sempre riquísimas!!

En resumo, un día especial e de moita diversión para as nenas e nenos!

Un saúdo!

Moi boas!

Desta volta o Clube de Ciencia recordou e conmemorou a esas mulleres e nenas que fixeron tanto polos avances científicos.

O alumnado experimentou e aprendeu  cos seus descubrimentos e fazañas  dunha maneira moi amena!

Ata a próxima!

Moi boas queridas familias!

Comunicámosvos que as xornadas de portas abertas do noso centro serán  o 15 e o 16 de febreiro de 11:45 a 12:30 e o 20 de febreiro de 16 a 18 horas.

Esperamos con entusiasmo que vos animedes a visitarnos e coñezades o noso centro educativo!!

Un saúdo!

Onte celebramos o Día da Paz na escola lendo os mensaxes relacionados coa educación e a súa aportación cara uns comportamentos pacíficos. Compartimos mensaxes de amizade, de cariño....

Tamén aproveitamos para comezar este curso os contacontos cos que o alumnado fomentará o hábito lector preparando os distintos contos e así poder compartilos cos seus compañeiros e compañeiras.

 Un saúdo!

Esta semana comezamos neste curso unha nova tempada do Clube de Ciencia coa axuda de #cienciadivertida.

O alumnado gozou cos distintos experimentos e experiencias que lles brindou manipular distintos materiais e as reaccións que provocaban ao interactuar entrre sí.

Vémonos na seguinte!

Un saúdo!