Iniciar sesión: Acceso

Eventos

« Outubro 2020 »
LunMarMérXovVenSábDom
1234
567891011
12131415161718
19202122232425
262728293031

Pais/Nais

EDIXGAL

25 DE NOVEMBRO

O pasado día 25 de Novembro conmemoramos o día internacional para a eliminación da violencia de xénero.

Na aula de 1º, 2º e 3º fixemos diferentes actividades para concienciarnos da problemática da sociedade na que vivimos.

Logo de falar da realidade, ler contos, ver noticias en internet... os nenos e nenas da aula mostramos un total rexeitamento a todo tipo de violencias; por iso decidimos facer esta montaxe na que mostramos o que nos gustaría que parase de ocorrer no mundo.....

 

 

Creamos unhas láminas baixo o lema "Agarraremos os nosos soños con forza" nas que fixemos unha proposta de cousas que nos gustarían que ocorresen e polas que nos comprometemos a loitar hoxe e tódolos días do ano.

Aquí podedes velo, se clicades nesta imaxe

 

NON Á VIOLENCIA

SEMANA DA CIENCIA EN GALEGO

A SEMANA DA CIENCIA EN GALEGO 

Durante esta semana, na aula de Infantil realizamos varios experimentos:

Decatámonos de como funciona a eletricidade estática e conseguimos que unha bolboreta de papel abrazase un globo e logo puxemos os pelos de punta a todalas /os compañeiras.

 

Outro día comprobamos como funciona a clorofila nas plantas e porque perden a cor verde moitas follas no outono.

 

 

Tamén observamos como diferentes líquidos disolvían os caramelos.

 

 

E, tamén, pintamos con leite e ao primeiro non se via nada de nada pero cando lle pasamos a plancha alí estaba o noso debuxo.

 

PASÁMOLO XENIAL!!

FACEMOS ADIVIÑAS

Os nenos e nenas da aula de Infantil, ao igual que o resto do alumnado do centro, pola Semana da Tradición Oral fixeron unhas adiviñas sobre o outono. 

Aquí vos deixamos o documento onde podedes ler as adiviñas.....

Animádesvos a lelas?

Clicade aquí

 

O MAGOSTO NA AULA DE INFANTIL

Aquí estamos... preparando as bolsas onde meteremos as castañas do MAGOSTO. Aquí gardarémolas e logo....

degustámolas... UHMM!!! QUE RICAS QUE ESTÁN!!!

O SAMAÍN NA AULA DE INFANTIL

Os nenos e nenas da aula de Infantil celebramos o SAMAÍN e decoramos a aula para que dera moito medo aos que entraran... porque nós xa sabíamos que todo era de mentira.

Tamén inventamos un conto terrorífico e ilustrámolo.

Cando vaiades á BIBLIOTECA poderedes lelo e pasaredes moito medo... pero non vos preocupar porque ao final todo se soluciona.

E por suposto o último día disfrazámonos e pasámolo de rechupete.

 

MAGOSTO

Boas a todas e todos! O pasado luns 18 de novembro celebramos no colexio a festa do Magosto.

O alumnado de 5º e 6º ás primeiras horas da mañá estiveron facendo o lume e picando as catañas para asar. No recreo, cando as castañas estiveron xa feitas, saímos todos os nenos e nenas a merendar as castañas.

Ao rematar, os máis pequenos xogamos libremente mentres o alumnado de 5º e 6º prepararon os xogos. Unha vez feito isto, repartímonos en grupos mixtos e xogamos a xogos populares!! Foi moi divertido!

Aquí podedes clicar e ver unhas fotiños do día tan fermoso que pasamos!

Até a próxima

IMOS DE VISITA Á CORUÑA

Bos días a todas e todos! O pasado venres 15 de novembro fomos de excursión á Coruña co gallo da SEMANA INTERNACIONAL DA CIENCIA. Visitamos a Casa das Ciencias, o Domus e o Acuario da Coruña.

Foi unha visita moi interesante, comezamos visitando a Casa das Ciencias e fomos ao planetario ver unha proxección sobre o espazo, gustounos moito! A continuación, fomos ao Domus a xantar e a visitar o museo onde gozamos das diferentes actividades interactivas. Para rematar, fomos ao Acuario; alí mergullámonos no fondo mariño, observamos os diferentes peixes e tamén atendemos ás explicacións que nos deu a guía do acuario para coñecer polo miúdo como é a vida no fondo do mar.

Foi un día fantástico! Se clicades aquí, podedes ver algunhas fotos da xornada!

CELEBRAMOS O SAMAÍN

Boas a todos e todas! A pasada semana celebramos no colexio o SAMAÍN.

Ao longo da semana tivemos no colexio unha exposición de cabazas terroríficas que fixo alumnado coa axuda das súas familias, e nas aulas fixemos diferentes actividades e creamos contos de medo.

Os máis pequenos fixemos un conto por aula, pero os nenos e nenas de 3º, 4º, 5º e 6º de primaria crearon cadanseu conto e fixemos un CONCURSO dividido en dúas categorías: A (para os nenos de 3º e 4º) e B (os nenos de 5º e 6º).

Aquí podedes ver os nosos contos:

AULA DE EDUCACIÓN INFANTIL

 

AULA DE 1º E 2º

 Os contos gañadores no concurso podedes velos abaixo en ficheiros adxuntos, e así poderedes lelos. Son ben interesantes!

 O mércores, 30 de outubro, a biblioteca convertiuse nun lugar moi terrorífico e alí tivo lugar a lectura dos contos e entrega de premios do concurso de CONTOS DE MEDO; onde o alumnado de Educación Infantil e 1º e 2º recibiron un agasallo para a aula, e logo os premiados levaron un agasallo individual. Os agasallos para os premiados foron uns contos fantántasticos, e os participantes recibiron uns caramelos terroríficos! Os nenos e nenas quedaron moi contentos.

Despois disto, para rematar, a profe INMA leunos un conto de medo: "O PAPÓN" que nos gustou moito e nos deu mooooooito medo.

Até a próxima

 

COMEZA O CLUB DE CIENCIA!!!!!

 

Este a partir de hoxe teremos:

Tódolos mércores Club de Ciencia

de 16.00h a 17.00h.

Podedes ver o que aprendemos pinchando no seguinte enlace CLIC

 

 

 

REUNIÓN INICIO DE CURSO

MARTES 10 DE SETEMBRO ÁS 12:30

 

Resultado de imagen de reunion familias