Iniciar sesión: Acceso

Eventos

« Xullo 2019 »
LunMarMérXovVenSábDom
1234567
891011121314
15161718192021
22232425262728
293031

Pais/Nais

Infantil

galletas

AS GALLETAS

       Na aula de Educación Infantil estuvemos traballando os alimentos, así que probamos moitas cousas que se podían comer, pero antes de probalas tamén as ulimos e tocamos.Tamén miramos e lemos libros onde saían comidas e maneiras de alimentarse e o que máis nos gustou foi " GÚSTANME AS GALLETAS ", así que nós tamén quixemos facer galletas e de verdade que nos saíron moi ricas. Non sobrou nengunha. Para que na casa podamos facelas outro día apuntamos a receita:

 Necesitamos 2 ovos,un pocillo de café de aceite de xirasol, a mesma cantidade de nata líquida, 5 culleradas de azucre, unha culleradiña de levadura en pó e un chisquiño de sal. Todo isto batímolo todo xunto cun batidor e cando xa esté engadímoslle fariña ata que quede unha masa que se poda estirar cun rodillo.Temos que estirala ben senón quedan unhas galletas moi gordas, pero tampouco podemos estirala tanto que queden moi delgadas.Xa podemos cortar a masa cas formas que máis nos gusten e metelas no forno a 150 grados 15 minutos máis ou menos. Nós antes de metelas no forno puxémolle unhas pepidas de chocolate pero tamén lle podemos poñer froitos secos como amendoas, uvas pasas, piñóns ou outras cousas que nos gusten. Proba a facelas e xa verás como che gustan.

Excursion ao parque de San Roque

           

        O día 23 de maio as rapazas/es de Educación Infantil fomos en autobús de excursión ao parque de San Roque .      
        A profe contounos moitas cousas que íbamos ver: árbores, animais, paisaxes, e nós estuvemos moi atentos.

 

       Tamén plantamos unha árbore: un piñeiro manso  que vai dar unhas piñas que teñen piñóns que se poden comer.  
    Primeiro botamoslle terra entre todos.Usamos unhas palas grandes e outras pequenas.
       Despois pisamos para que a terra quedara ben apretada contra a planta e despois botámoslle agua cunha regadeira.
           Como estábamos moi cansos de traballar queríamos comer algo para repoñer forzas e fomos merendar.
  Despois de merendar xogamos un pouco polo parque.                          
         Vimos moitas cousas das que nos falaran antes, como bolboretas e outros insectos.
       Vimos tamén distintos tipos de árbores con distintos tipos de follas.
       Despois volvemos entrar no Centro de Interpretación do parque e unha monitora contounos moitas cousa dos nosos antepasados.
       Vimos varios petroglifos e xogamos a atopar cousas que nos decía a monitora como cervos de seis patas , espirais, cabras. 
       Tamén nos contou cousas moi interesantes sobre a vida dos castrexos, as súas costumes, os seus traballos, as súas casas.
       Logo saímos e pudemos ver as casas como as dos castrexos. Había tres , eran circulares e cadradas. Tiñan as paredes de pedra e os teitos de palla. 
       Entramos nelas e xogamos a ser castrexos, a facer a comida no chan, saír de caza, moer o gran.
       Foi un día de moito calor, parecía que había máis dun sol, pero nós pasámolo moi ben.  

letras galegas

DÍA DAS LETRAS GALEGAS

       O día 13 de maio os alumnos de Educación Infantil estuvemos traballando nun libriño sobre Lois Pereiro, o poeta a quen se lle adicaba este ano o día das Letras Galegas e aprendemos moitas cousas sobre el: onde naceu, onde estudou e o que estudou, por onde viaxou, que libros escribeu, e as causas da súa morte. Tamén aprendemos unha poesía súa e ti tamén podes aprendela, é a seguinte:

A man dereita á dereita do corpo

A man esquerda á esquerda

En plenas facultades

Teño a cabeza no centro do mundo

e voulle cambiando os argumentos

os meus soños escasos e profundos.

       Ese día tamén asistimos abraiados a unha exhibición de cetrería. 

Contacontos

            O día 5 de maio os alumnos e alumnas de Infantil, Primeiro , Segundo e Terceiro curso de Primaria fomos á biblioteca a escoitar e ver un contacontos que nos trouxo a editorial Xerais. Pasámolo moi ben ca historia que nos contou de Alba e participamos activamente na súa narración.