CONVOCATORIA DE BOLSAS PARA COMEDOR ESCOLAR - CURSO 2020-2021

O Concello de A Coruña, abriu a Convocatoria para a solicitude de bolsas para comedores escolares de alumnado, que acuda a centros educativos sostidos, total ou parcialmente, con fondos públicos. Pulsando na imaxe tedes toda a información.

Para resolver dúbidas, pódese chamar ao 010.

Para solicitar o certificado de matrícula no colexio, é preciso chamar antes.

OS NOSOS MAIOS

SEMANA DAS LETRAS GALEGAS 2020

A celebración do día das Letras Galegas, cada 17 de Maio, foi instituída no ano 1963 pola Real Academia Galega para conmemorar a publicación do libro de Rosalía de Castro " Cantares Gallegos", un 17 de Maio de 1863 e homenaxear a algún escritor ou escritora en lingua galega.

A primeira escritora homenaxeada, no ano 1963, foi a mesma Rosalía de Castro seguíndolle en anos posteriores: Alfonso Castelao, Eduardo Pondal, Francisco Añón, Curros Enríquez, López Cuevillas...

Este ano 2020 está adicado ao escritor Ricardo Carvalho Calero.

O escritor, filólogo e lingüísta Ricardo Carvalho Calero naceu na cidade de Ferrol o 30 de outubro de 1910. Foi membro do Seminario de Estudos Galegos, da Real Academia Galega, da Associaçom Galega da Lingua... e primeiro catedrático de Lingua e Literatura Galega na Universidade de Santiago de Compostela. Do seu traballo literario cómpre destacar a súa extensa obra de poesía, novela, teatro así como no campo da crítica literaria e no da lingüística galega. Carvalho Calero está considerado o ideólogo do reintegracionismo lingüístico galego, que defende que o noso idioma é unha variante da lingua portuguesa. Faleceu en Santiago de Compostela o 25 de marzo de 1990.

ACTIVIDADES INFANTIL

Biografía

ANOS

ANOS

ANOS

ACTIVIDADES PRIMARIA


BIOGRAFÍA	1º e 2º	BIOGRAFÍA	3º e 4º	BIOGRAFÍA	5º e 6º
Actividades en liña	Actividades en liña	Actividades en liña	Actividades en liña	Actividades en liña	Actividades en liña
Fichas	Fichas	Fichas	Fichas	Fichas	Fichas

Vídeo sobre Ricardo Carvalho Calero elaborado polo colexio San Pío X de Ourense

O XOGO DAS LETRAS GALEGAS

DESENVOLVEMENTO DO TERCEIRO TRIMESTRE DO CURSO 2019-2020

Segundo as Instrucións do 27 de abril de 2020, da Dirección Xeral de Educación, Formación Profesional e Innovación Educativa para o desenvolvemento do terceiro trimestre do curso académico 2019/20, nos centros docentes da Comunidade Autónoma de Galicia.

Durante o terceiro trimestre desenvolveranse actividades de recuperación, repaso, reforzo e, no seu caso, ampliación das aprendizaxes anteriores que resulten necesarias para todo ou parte do alumnado.

A ampliación das aprendizaxes tomará como referentes aqueles obxectivos e competencias clave máis necesarios para a adecuada progresión do alumnado e que para a súa asimilación requiran a mínima intervención docente.

Avaliación e cualificación do alumnado: a avaliación e cualificación adaptarase, tendo en consideración que se realizará sobre as aprendizaxes desenvolvidas durante os dous primeiros trimestres do curso, así como sobre as actividades de reforzo, recuperación ou ampliación de aprendizaxes realizadas dende a declaración do estado de alarma polo Real Decreto 463/2020, sempre e cando beneficie ao alumnado. Para a concreción dos criterios de avaliación e cualificación teranse en conta as aprendizaxes e competencias imprescindibles anteriormente identificados.

A avaliación das aprendizaxes desenvolvidas a partir da suspensión das actividades lectivas presenciais será continua e acentuará o seu carácter diagnóstico e formativo en todas as etapas, ciclos e ensinanzas, para valorar os avances realizados e os atrasos que se puidesen producir, con obxecto de planificar as medidas de recuperación que sexan necesarias e programar o vindeiro curso. En todo caso, a avaliación das actividades realizadas na fase non presencial so poderá ter valor positivo para a cualificación do alumnado.

A avaliación final das aprendizaxes do alumnado durante o curso 2019-2020 considerará en conxunto as avaliacións de todo o curso, valorando especialmente o grao de desenvolvemento das aprendizaxes e das competencias imprescindibles previamente definidas. Realizarase sobre as aprendizaxes desenvolvidas nos dous primeiros trimestres así como as actividades de recuperación, repaso, reforzo e, no seu caso, ampliación das aprendizaxes anteriores que se desenvolvan durante o terceiro trimestre sempre e cando se beneficie ao alumnado.

OS MAIOS

ACTIVIDADE DOS MAIOS

Os maios son unha celebración tradicional de Galicia que se soe celebrar entre finais de abril e primeiros de maio.

Posto que esta festividade celebra a chegada da primavera, o que se soen facer son estruturas con elementos propios desta estación como son follas, froitos e flores. As estruturas nun inicio tiñan forma de árbore pero pouco a pouco foron aparecendo outras formas.

Ademais das estruturas tamén se elaboran coplas e bailes arredor desta festa popular.

Polo tanto, xa que estamos a piques de comezar o mes de maio, propoñemos elaborar de forma voluntaria nas vosas casas un maio. Podedes empregar material de refugallo: envases, cartóns, tapóns, papeis, fíos, teas.... ou se nos vosos paseos atopades material natural, tamén o podedes empregar.

Deixade voar a vosa imaxinación!!!

E se ademáis queredes inventar unha copla tamén podedes.

Lembrade enviar aos vosos titores e titoras o traballo feito.

Exemplos:

DÍA DA EDUCACIÓN FÍSICA NA CASA 2020

O CEIP José Cornide Saavedra segue activo na casa.

+EF!

2 comentarios

Día do libro 2020

Mirade a publicación que tedes sobre esta data en Pasapáxina:

DÍA DA EDUCACIÓN FÍSICA NA CASA 2020

O día 28 de abril iamos celebrar no Parque de Vioño, o II Día da Educación Física na rúa do Colexio Cornide. Convertemos ese día, no Día da Educación Física na casa #DEFC

Propóñovos que me enviedes un vídeo facendo actividade física, despois farei unha montaxe con todos e publicareino na web do cole o día 28 de abril.

- Simplemente tes que gravarte facendo un exercicio.

- Faino coa cámara en vertical.

- Duración do vídeo: Son catro exercicios que duran 4 tempos cada un. Tedes abaixo o enlace a un vídeo de demostración no que tiven un gran axudante.

- NON MOVER a cámara durante a gravación.

Envía o vídeo ao enderezo: ratocornide@gmail.comou por Whats App ao móvil do cole

Prazo de entrega: Do 22 ao 26 de abril

Estes son os exercicios que podedes facer:

Infantil 3-4 anos

Infantil 4-5 anos

1º e 2º Primaria

3º e 4º Primaria

5º e 6º Primaria

5 adxuntos

TITORÍAS VIRTUAIS

Bo día a todas as familias!

Espero que sigades estando todos ben e que o levedes o mellor posible dadas as circunstancias.

Levamos xa moito tempo sen ver aos nosos alumnos e alumnos, polo que decidimos propoñervos unha reunión virtual para poder falar e pasar uns bos momentos con eles. Pero sobre todo, para que o alumnado poida verse e estar xuntos de novo por un momento, aínda que sexa na distancia.

INSTRUCIÓNS PARA ACCEDER Á REUNIÓN:

Utilizaremos a aplicación WEBEX, proposta pola Consellería de Educación.

1. Recibiredes un correo electrónico co nome de Patricia ao email que lle destes aos titores (se alguén non ten contacto cos titores polo correo, por favor enviádeme a min o voso correo)

2. Nese correo irá toda a información que necesitades:

a. A URL da reunión.

b. Un número de reunión que teredes que introducir.

c. Un contrasinal para acceder á reunión.

Aconséllovos ver este vídeo para acceder sen ter que instalar ningunha aplicación:

https://www.youtube.com/watch?v=sP-mgFQk7kk&feature=emb_logo

3. Unha vez esteades conectados xa poderedes ver ao resto de participantes.

4. Eu serei a moderadora. É importante que se respecten os turnos na medida do posible. Vai ser un pouco caótico pero ao mesmo tempo divertido. Eso esperamos!

5. AVISO IMPORTANTE: Temos que ter paciencia coas conexións xa que ás veces van lentas ou desconéctanse pero imos intentalo.

Día e hora da reunión: Xoves 23 de abril

ás 18:00 para os de Infantil (clase María)

ás 18:30 para os de Infantil (clase Rafa)

ás 19:00 para os de 1º e 2º

ás 19:30 para os de 3º e 4º

ás 20:00 para os de 5º e 6º

Cada reunión terá o seu código. Se necesitades calquera aclaración, non dubidedes en preguntar

Benvidos e benvidas

á páxina Web do Colexio Público José Cornide Saavedra!

Instrucións en relación coa COVID19

Suspensión das actividades lectivas e extraescolares a partir do luns 16 de marzo.
O profesorado facilitará propostas de actividades para que o alumnado continúe co seu proceso educativo nos seus domicilios. Estas actividades estarán dispoñibles nesta páxina web.
A comunicación co centro e o profesorado realizarase a través do correo electrónico e o Whatsapp como ata o de agora pero intentarase empezar a empregar a plataforma abalar.
O centro comunicarase coas familias, a partir de agora, a través do servizo abalarmóbil e desta páxina web.

ACTIVIDADES PROPOSTAS PARA O ALUMNADO

(Pincha na imaxe correspondente)

1º EP

2º EP

3º EP

4º EP

5º EP

6º EP