O xoves 24 de marzo o alumnado de educación infantil participou nun taller de colares para tapabocas que viñeron a facer dúas mamás, Celia e Silvia. Todas e todos estaban encantados cos seus colares, moitas grazas mamás!!

Nos recreos sacamos moitas veces a bolsa do aire, como lle chaman na aula, e que consiste nunha cesta con diferentes obxectos relacionados co aire que aportaron as familias, usan os abanicos, as cometas, cazan discos voadores, ventiladores,disparan foguetes,etc…

Na aula de natureza preparamos unha proposta con auga e barcos de papel para mover única e exclusivamente con obxectos que consideraran que podían facer vento, e cada quen buscou o que lle interesou dende un libro, a propia man, fuelle, inflador, abanicos ou un cartón.

Outra proposta que tiveron, foi elaborar unha cortina voadora, contaron as tiras,recortaron,dobraron, colocaron na corda  e tocou a hora de facer voar polo aire(festa rachada).

No ambiente das verbas estivo moi presente o inverno. Por iso, tivemos distintas propostas na aula: o vocabulario de inverno, creamos as nosas bufandas, fixemos copos de neve recortando e pegando sobre eles, pintando ao seu redor, con pedras, palliñas, pompóns… os animais da antártida, xogamos na mesa sensorial con temática de inverno, pintamos e poñémonos roupa adecuada para estas datas. Pero non queda aquí a cousa, tamén levamos a cabo actividades que xorden na nosa vida diaria: duchamos, peinamos, cambiamos de roupa e de cueiros as nosas e os nosos bebés, preparamos a comida, colgamos nas perchas a roupa e a dobramos, preparamos a comida…

Representación do aparello respiratorio en papel,plastilina e no seu corpo despois do visionado de varios vídeos e da disección. Recoñecemento das diferentes partes que participan na respiración no corpo humano da aula .Téñennos localizados no tórax debaixo das costelas e que temos un músculo chamado diafragma que está situado por debaixo con forma de paracaídas e que axuda a inspirar e espirar o aire.