Presentación | Horarios | Oferta educativa | Secretaría | Contacto
Infantil
BENVIDOS/AS A VERBAS
Comezamos un novo curso no ambiente de verbas. Levamos a cabo unha morea de actividades para iniciarnos neste ambiente, que os nenos e nenas que comezaron
este ano o curso coñeza un novo espazo cheo de diversas posibilidades, que exploren e sobre todo que gocen das novas experiencias. Todas as actividades
que presentamos teñen un fin pero, neste caso, deixámonos levar por propostas novas que xurdían co fin de que as nenas e nenos exploraran sen negacións ate coñecer,
pouco a pouco, as normas deste ambiente.
Na zona de motricidade fina cosimos cogomelos e follas, cunha agulla de punta redonda e fio de cores fixemos as nosas propias creacióms, traballando a motricidade fina, a coordinación óculo-manual e traballamos a espera e perseverancia cando tíñamos que coser e descoser se era necesario.
Na zona de grafomotricidade traballamos a través da natureza, fixemos grafismos partindo de elementos naturais (tronco, madeira, cuncha, piña...)
Na zona de vida práctica comezamos trasladando cunha culler en forma de pinza castanas dun bol a outro. Tamizamos fariña mezclada con lentellas para intentar separar así as lentellas da fariña. E por último, desgranamos o millo.
Na zona de lectoescritura, traballamos vocabulario de outono repasando as letras e rodeando a imaxe correspondente a cada palabra. Formamos palabras co pop-it e
completamos o taboleiro do alfabeto con letras de madeira.
Na mesa de transvases xogamos e gozamos con boliñas de xel e na mesa sensorial construimos unha cidade deixando voar a nosa imaxinación.
Limpamos o espello, recollimos os armario dos bebés, cociñamos e sobre todo, comimos todos xuntos/as, cambiamos os cueiros os bebés, os peinamos e vestimos pero non só os bebés, se non tamén a nos mesmos/as.
Descansamos na cama, xa que sabemos que é importante traballar pero tamén descansar sempre que se necesita.
Aquí tedes un video con pequenos momentos.
DETECTIVES DE NÚMEROS
O pasado mércores, as nenas e os nenos de catro e cinco anos foron detectives en busca de números.
Polo patio estaban agochados distintos números que tiñan que atopar. Unha vez atopados os tiñan que escribir na cuadrícula ata completala. Para iso, tiñan 10 minutos. E de súpeto...3,2,1 ¡lápices en alto! rematou a conta atrás.
É unha actividade emocionante e motivadora, na que traballamos así matemáticas ao aire libre. O exterior é un espazo diferente e estimulante. Exploran os números dende o seu contexto cotidiano e sobre todo, traballan en equipo, onde todas e todos colaboran para atopar os números ocultos pero o máis importante é que aprenden mentres xogan.
VOS DAMOS A BENVIDA
Xa estamos de volta coas pilas cargadas do verán, esperamos que vós tamén.
Gustaríanos convocarvos para unha reunión o xoves día 7 de setembro ás 11:00 para contarvos un pouco como vai a ser este novo curso no que nos embarcamos.
Contamos con vós!
Equipo de educación infantil.
Grazas familias
Agora que este curso xa chega ao seu fin gustaríanos agradecervos infinitamente todo o que facedes por e para o cole.
Todas as persoas que estamos aquí formamos parte desta comunidade educativa e a nosa labor resulta infinitamente máis sinxela grazas á vosa disposición, entrega e colaboración sempre desinteresada e dispoñible!
É por isto que non podíamos deixar pasar estes últimos días sen dicirvos GRAZAS e desexarvos un bo verán de moitas risas, momentos de alegría e de descanso.
Vémonos en setembro!
VERBAS EN XUÑO
Xa rematamos as propostas do ambiente de verbas deste curso.
Levamos a cabo propostas relacionadas co verán tanto en motricidade fina, grafomotricidade, lectoescritura e xogo simbólico. E sobre todo, disfrutamos moito da auga e da area que nos espera durante todo o verán.
Unha moi boa despedida. En setembro volvemos á carga!
NOITE NO COLE
Que noite pasamos… Chea de momentos inolvidables, de achegamento, de moito agarimo, risas, diversión e equipo.
A etapa de infantil xa remata e para pechala que mellor que pasar unha noite enteIra no cole onde poder xogar, cantar, bailar, cear todas e todos xuntos, compartir conversas, abrazos e moitos bicos, coñecer o cole baleiro, desfrutar das estrelas e durmir soñando os mesmos soños.
Esperamos que fose unha noite inolvidable!
Ata outra bolsas de xogos!
Ata aquí chegou a viaxe das bolsas de xogos!
Como sabedes ao longo deste trimestre estivemos levando para as casas algúns xoguetes e xogos tradicionais para dar peche ao PDI deste curso "A maxia do xogo". Esperamos que os disfrutarades moito e vos trouxesen algúns recordos.
Que a maxia do xogo nos acompañe sempre!
AMBIENTE DE NATUREZA XUÑO II
Ata aquí os ambientes de aprendizaxe deste curso escolar,as derradeiras propostas no ambiente de natureza foron:
-Cortar sandía en vida práctica.
-Reto de Lego facer unha piscina.
-Seguir instruccións para construir uns transformers.
-A praia de Seselle na aula.
-Canicas imantadas.
-Pezas construcción para construir unha casa.
-Observación con lupa dun insecto disecado.
-Resaques metálicos Montesori.
-Carpintería con martelo e puntas para cravar.
-Fontanería con tubos,codos,roscas e por suposto auga.
-Taller de arranxos electrónicos.
AMBIENTE DE ARTE NO MES DE XUÑO
E chegamos a xuño!
Este mes foi especial porque experimentamos nos ambientes a libre circulación, de xeito que podiamos ir cambiando de ambiente e de propostas cando queriamos. Foi moi ben.
No ambiente de arte tivemos diversas propostas como unha zona para facer esculturas, unha proposta de recortado, un espazo para experimentar coas texturas de globos e asocialos á imaxe que representaba o que tiñan dentro, un xogo de pescar con pinzas e así poder mollar as mans e outro de conformar familias de animais.
Ademais mantivemos as propostas de cabalete, as construccións, os disfraces e a xeadería e puidemos xogar coas tarxetas 3 partes de monumentos do mundo, que nos deron moitísimo xogo!
Esperamos con ansias o próximo curso e por este despedímonos ata setembro!
AMBIENTE DE NARUREZA:XUÑO I
E xa case no remate do curso as propostas seguen sendo moi interesantes e motivadoras:
-Elaborar pasta de sal para crear.
-Óptica Fene para vender gafas de sol.
-Unha limonada fresquiña na vida práctica.
-Resaques metálicos Montessori.
-Bloques de construccións de emocións.
-Tarxetas tres partes de dinosaurios.
-O reto de Lego foi crear unha casa árbore.
-Construir e xogar con pezas Bloxels.
-Areeiro con utensilios de cociña para desenvolver habilidades psicomotrices.
-Crebacabezas das partes dunha árbore.
-Asociar grafías de número con tarxetas escritas co nome do número.
-Taller de carpintería ou arranxos.
Todas e cada unha destas propostas para ser máis competentes na vida diaria.
- « primeira
- ‹ anterior
- …
- 2
- 3
- 4
- 5
- 6
- 7
- 8
- 9
- 10
- …
- seguinte ›
- última »
