Propostas varias as que durante este mes de maio nos acompañaron no ambiente de arte e coas que desfrutamos desenvolvendo o noso espírito máis creativo e artístico: modelaxe en plastilina de animais, trazado de siluetas de flores e follas guiándonos polas sombras reflectidas polo retroproxector, debuxos coa lámpada máxica, seguimento de titoriais gráficos para o debuxo de distintos elementos primaverais, trazos e creación de esculturas sobre area na mesa de luz, pintura de flores, construcións coas pezas do kapla….

Xunto con elas, durante este mes, na nosa zona de arquitectura estivemos a descubrir distintos monumentos famosos como a Torre Eiffel, a Torre de Pisa ou a Estatua da Liberdade. Algúns xa eran coñecidos para eles, outros non tanto, pero rápido os identificamos e aprendemos moitas cousas deles grazas o xogo coas tarxetas tres partes. E mesmo nos animamos a reproducir algúns coas pezas de construcción variadas que temos na clase ( ladrillos, madeiras, rolos de cartón, …).

A zona do hospital, da biblioteca e dos desfraces, por suposto, seguen a ocupar un lugar importante dentro deste ambiente.  

Neste video podedes ver algunhas das propostas nas que traballamos durante o mes de abril no ambiente das verbas.

Creación de flores con diferentes grafos e plastificados, tamizado de area, creación de nomes a partir de letras de flores, buscamos obxectos que comecen por...  descubrimos os nosos nomes pintando sobre pintura branca, fixemos bolboretas seguindo patróns,  xogamos a ruleta para crear palabras, fixemos os nosos propios árbores de primavera, clasificamos macarróns según as suas cores, e comezamos a traballar con vocabulario de primavera, ademais de cambios de roupa e baños dos bebés, pero sen dúbida a cocinita e a biblioteca son un éxito total, quizais os mas concurridos no día a día. 

O xoves foi unha xornada especial, pois contamos coa visita de Óscar, o papá de Eva, a nosa compi de 6º de EI.

Entre os dous ensináronnos a facer distintos experimentos relacionados coa agua.

Comenzaron demostrándonos o efecto espello que fai a agua vendo como cambiaba de dirección a frecha debuxada no papel cando a colocaba detrás do vaso con agua.

Tamén nos amosaron como inflúe o sal na flotación dos obxectos. Para iso encheron dous vasos con auga (un con auga doce e outro con auga salgada) e metemos en cada vaso un ovo para ver cal flotaba e cal quedaba afundido. 

Outro dos experimentos que nos realizaron foi co que nos demostraron que a agua quente non se mistura coa  quente. Enchemos dous vasos de auga, un con auga ben fría e outro con auga ben quente. Para recoñecer ben cal era cada  vaso ao de agua fría botámoslle unhas gotas de colorante azul e ao de auga quente de vermello. Feito isto xuntamos os vasos, colocando un enriba do outro e tachán… a auga quente non se misturaba coa fría. Pero non se trataba de maxia, todo ten unha explicación científica que Óscar nos explicou moi ben.

O último dos experimentos consistiu en encher un vaso con auga, poñerlle un papel enriba e darlle a volta de tal xeito que a auga non caese.

A verdade que foi unha sesión moi enriquecedora coa que desfrutamos moito á vez que aprendimos moitas cousas novas sobre a auga.

Moitas grazas pola vosa colaboración familia, foi unha actividade estupenda!!

Continuamos co PDI e en infantil imos enfocar este terceiro trimestre á auga. Para comezar fixemos unha visita ao museo de historia natural de Ferrol, onde observamos moitos animais mariños. Unha vez alí aproveitamos para visitar os maios de Canido, as Meninas e ata un parque!