As propostas desta quincena foron :

-Barra de equilibrio para trasladar dúas pelotas en línea recta.

-Contrucción da alfombra de foam  para o chan  da escaleira numérica do 1 ata o 10.

-Areeiro e manipulación da peneira  e embude para cribar as follas do pino e as pinas.

-Xogo de transvasar e cazolear  separando os diferentes elementos como o arroz,pipas de cabaza e palillos.

-Taboleiro do 100 con pedras preciosas e a pinza para traballar a motricidade fina e a secuencia numérica.

-Taller de carpintería e o de arranxos facendo uso e familiarizándose coa chave de parafusos.

-Trazo de números coas tarxetas de borrado en seco tipo Velleda.

-Utilizar o resaque do círculo utilizando o botón e así traballar a motricidade fina para unha creación artística.

-Trazo dos números na bandexa sensorial de área.

-Policubos para reproducir un lobo seguindo a plantilla.

-Montaxe dun transformer  seguindo as instruccións como tarea de vida práctica.

-E como non o reto de Lego para construir unha ponte para cruzar o río e unha lancha para pasar por debaixo.

-Mesa sensorial  de tufftray con pezas soltas para pegar e despegar coa man ou a pinza.

-Dossier de outono para asociar e pegar as tarxetas  fixándose nas letras ou palabras.

-Abrir ou  pechar coas chaves os  cadeados e as súas fechaduras.

-Xogo heurístico na mesa sensorial  para descubrir de forma libre e segura obxectos cotiás (corchos,palillos,caixas e tarros)para desenvolver as súas habilidades perceptivas,motoras e cognitivas.

Dende o noso centro estamos impulsando un proxecto sobre sostenibilidade e medioambiente. 

O día de todos os santos é unha das datas que máis flores se venden. Todas estas flores ían ser descartadas, polo que decidimos darlle unha segunda vida, creando así, novos ramos ou centros florais para agasalllar a nosa comunidade eliminando os plásticos e utilizando papel.

É importante inculcar a compra de flores de proximidade e tempada que aseguran unha elecciçon sostible e axuda a conectarnos coa natureza e a propia beleza das flores.

Unha vez feitos os ramos nas titorías repartímolos entre as aulas e profes do cole e tamén nos achegamos ao centro de día Xuntanza para levarlles un.

Grazas á Floristería Ángela Garrote de Pontedeume e ao Centro de día Xuntanza por acollernos.

COMEZOU A SEMANA TERRORÍFICA NO AMBIENTE DE VERBAS. Chegou o SAMAÍN!

Encontramos na mesa sensorial moitas teas de arañas que recubrian moitísimos obxectos de samaín (arañas, ollos, cabazas, ratas, cucarachas...) cunhas pinzas intentamos rescatar todo isto das teas de araña que non os deixaban escapar.

Na mesa de lectoescritura escribimos palabras terroríficas nos mesmos e con letras de madeira, repasamos vocabulario e incluso fixemos un tarro de medos, escribindo aquí todas as cousas que nos dan medo.

Fixemos o percorrido das letras lixa con figuras temáticas (arañas, pantasmas, bruxas, etc) é unha forma moi divertida de achegarnos as grafías das letras.

Na mesa de transvases o pasamos xenial! Encontrámonos arroz cheo de ollos e arañas para poder crear así pócimas moi divertidas.

Na biblioteca desfrutamos de contos de todo tipo, tanto coa temática de samaín como os de sempre, estando así ao gusto de todos/as.

Decoramos cabazas de grafomotricidade, recortamos ata chegar as cabazas, bruxas, etc. 

Na mesa de motricidade fina cosimos as patas dunhas arañas. Tamén cunhas tarxetas de series de distintas cabazas para representar así coas pinzas e decoramos con chinchetas a cabaza e o morcego. 

Limpamos a aula sempre antes de marchar, sobre todo recoller o arroz que caía o chan. Dobramos, limpamos cristais e descansamos na cama. Pero sobre todo, traballamos en equipo.

Aproveitando a "Semana de..." que estamos levando a cabo ao redor das mazás, hoxe fomos de visita ao supermercado Eroski para coñecer algunhas das variedades de mazás que existen.

Eva explicounos que podiamos atopar mazás como a Golden, a Reineta, a Smith, a Giga, a Royal Gala ou a mazá Roja e que cada unha delas tiña un sabor diferente, máis doce ou ácido. 

De volta ao cole levamos unha bolsiña de mazás con todas as variedades. Teremos que facer unha degustación!