Xa se vai o mes de febreiro! 

Neste mes fixemos moitas cousas no ambiente de arte, algunha delas para celebrar o Entroido, como as caretas ou a confección de disfraces, e outras diferentes como os resaques, os murais ou os collages. 

Desfrutamos tamén de espazos polivalentes como o noso cubo, no que poder ter un espazo de luz, un espazo de creación libre con ladrillos; a mesa de minimundos, a biblioteca, que nalgunhas ocasións convertiuse nun espazo secreto, a mesa de construccións ou a nosa Centi-consulta.

Ademais preparamos unha pequena sorpresa para o Día de Rosalia en colaboración cos outros ambientes.

Pasámolo moi ben e xa estamos preparadas e preparados para a chegada de marzo!