Hoxe escoitamos un conto precioso,nun espazo precioso como é o noso patio e dunha moza preciosa como é  Andrea a curmá de Eire.O título do conto "Yo iré a la escuela por tí" aporta maxia para viaxar a mundos fantásticos a través dunha árbore e descubrir o divertido que pode ser ir á escola.

A miúdo Abel prepara circuitos no ximnasio  e failles mover o esqueleto con exercicios para fortalecer a motricidade grosa e desenvolver unha imaxe corporal axustada.

Así de ben o fan, e así de ben o pasan nas clases de psicomotricidade!

Hoxe tivemos a sorte de escoitar a Ledicia, a nai de Aroa,contar o conto "Unha pantasma cobarde".Foi un verdadeiro conto de boca porque non trouxo ningún libro ,nada máis que a súa cabeciña  e a voz que saía pola súa boca para contalo.

Con esta historia aprendimos que debemos encararnos aos nosos medos para conseguir superalos e  que temos que apoiarnos nas nosas amigas e amigos para poder vencelos.

Para este venres as actividades levadas a cabo en grupos interactivos foron os xogos de mesa: 

• " A dibujar" de Hervé Tullet que tivo moitísimo éxito no que tiñan que coller cartas ao chou para ler as instruccións e crear debuxos (por petición da maioría volveremos a xogar no vindeiro taller)
• "Burble" traballamos vocabulario e rapidez para pensar e dicir unha palabra que empezara polo mesmo son ca tarxeta.
• "ABC MIAM!"xogo con monstros que comen letras de nomes de animais.
• Bingo clásico con vocabulario dunha receita de puré de pataca.