Para o remate dos grupos interactivos xogamos dúas partidas ao bingo co ordenador. Foi moi exitoso,prestaban atención para cubrir o cartón e incluso se axudaban. As familias unidas nun único grupo nesta ocasión levaban conta do bingo do alumnado por se precisaban que lles botaran unha má.

Quedamos con gañas de máis polo que intentaremos contar co alumnado de primaria para as próximas partidas.

GRAZAS FAMILIAS!

Tivemos a sorte de contar con Susa, a avoa de Martiño,que veu a escola e xogou con nós aos xogos que xogaba ela de pequena.Xogamos ao Pasemisí pasemisá,Blo,blo,blo ,pero o que máis nos gustou foi "El florón" que é un xogo de máns.Pasámolo moi ben,ademáis Susa ten moita man cos peques.

Grazas por participar no noso PDI "A maxia do xogo"achegando os xogos da túa infancia a nós.

Hoxe estivo de aniversario Uxía,cumpríu 6 anos e como sempre fan,borrouse do listado de 5 anos para apuntarse de novo no de seis.Os tiróns de orellas foron repartidos entre as súas dúas orellas pensando na descomposición do 6 porque sempre lle buscamos aplicación matemática as cousas.Houbo festa rachada de gusanitos e unha presentación de vídeo preciosa dende que naceu ata hoxe en día no que nos enteramos que pasa moito tempo na casa dos seus avós e co seu primo Asier.Por certo,e que ten moto!

Parabéns Uxía, bicos do teu grupo.

Hoxe xogamos ao aforcado que tanto nos gusta coa temática de animais,buscamos o intruso entre un grupo de palabras pola sonoridade coa lectura das mesmas e pegar onde correspondía,escribimos palabras según a tirada da ruleta e traballamos a palabra "centro" dentro de todos os seus contextos para despois pegar o símbolo de interrogacións no centro das caixas dun xogo que estamos a preparar e é sorpresa.

Coma sempre a avaliación é positiva,encántanos que veñan as familias,somos moi afortunadas e afortunados.Grazas de novo.