Hoxe as nenas e nenos de 5 anos quixeron compartir con todos nós imaxes do que están facendo estes días nas súas casas.

Temos a Iria facendo un precioso mural da primavera, preparando unhas deliciosas receitas e tamén plasmando figuras no xeoplano, ó igual que fixo Marcos. Ademais, el debuxouse aplaudindo a todos os sanitarios e sanitarias que velan pola nosa saúde e traballou a primavera cun fantástico mapa conceptual convertido en flor e unha secuencia do crecemento dunha planta. Zoé aproveitou materiais de refugallo para facer un terrorífico tiburón e o castelo de Rapunzzel. Pablo e Noemí aproveitan este confinamento para cantar e tocar instrumentos en familia, para plantar legumes e para debuxar o que xa é un símbolo de toda esta situación: un arco da vella. Enzo animouse a facer diferentes propostas, entre elas o mapa conceptual da primavera que lle quedou ben chulo!!! E Carlos fixo no xeoplano un debuxo ben bonito.

Grazas familias por compartir estas fotos con todos nós, alegrámonos moito de poder vervos aínda que sexa por esta ventaniña virutal.

Un saúdo para todos e todas!!!!! Seguide traballando así de ben!!!