Primaria

As nenas e nenos de quinto de Belesar aproveitamos o precioso sol de inverno de onte para saír a plantar. Reutilizamos garrafas de plástico como macetas e

plantamos amorodos, leitugas e patacas. Que medren rápido, que hai fame!

A ver se coa chegada da primavera chegan novas sorpresas ó noso pequeno horto!

O pasado xoves 9 de xaneiro, os alumnos de segundo e terceiro ciclo asistimos, en Vigo, á unha actividade sobre o plástico e os seus perigos. Aprendemos divertíndonos e, por se fora pouco, aínda nos quedou tempo para un paseíño pola cidade. Nós si que sabemos!

Este luns, Diego Fernández, o pai de Tomás, que é un excelente cardiólogo, veu a ensinarnos unha morea de cousas sobre o corazón e o aparello circulatorio. Arterias, aurículas, capilares, válvulas semilunares...canto nos queda por saber do noso querido corpo!

Moitas grazas Diego por vir, por ensinarnos dunha forma tan entretida e por todas as cousas chulas que nos mostraches!

Onte os alumnos de quinto de primaria tiveron a gran sorte de aprender máis sobre poesía visual. Para iso, o mestre David ensinoulles caligramas, poemas visuais e poemas obxectuais e, por suposto, axudoulles a interpretalos e a pensar sobre eles.

Saíron achegas preciosas e incribles e, sobre todo, gozaron coa poesía! Foi un obradoiro estupendo!

Este venres realizamos a Excursión cos actores e actrices do Musical ,polo seu fantástico traballo. Pasamos unha mañá de probas e actividades en Humor amarillo, onde gozamos un montón. Grazas pola vosa participación no musical e polo voso enorme traballo!!!