CEIP de Belesar

Bo día familias,

entendemos que o momento da saída do centro é complexo porque sodes moitas familias as que estades á espera, pero queríamos solicitarvos que intentedes evitar aglomeracións na porta de entrada e sobre todo, unha vez recollidos aos vosos fillos/as non vos quededes na zona e deixedes oco para os que aínda están esperando.

Ánimo, esta é unha situación excepcional e non podemos relaxar as medidas en beneficio de todos/as

Un saúdo e feliz día

Equipo directivo

Bo día familias,

a partir de mañá 1 de outubro no centro levaranse a cabo dúas actividades extraescolares organizadas polo pavillón de Baiona:

- Martes: fútbol e baloncesto

- Xoves: multideporte

A forma de apuntarvos é a través do correo electrónico, teléfono de contacto do pavillón ou asistindo o primeiro día de actividade ao centro; será o monitor o que teña as follas de inscrición e fagades a xestión con el.

O servizo de biblioteca non funcionará como habitualmente. Haberá un mestre de garda só para resolver posibles incidencias e se algunha familia non puidera recoller ao neno/a á hora de remate, durante todo o curso escolar por motivos laborais, deberá aportar un xustificante de traballo que o confirme para poder continuar coas medidas sanitarias especiais que temos este ano.

Lembrade que debemos ser conscientes de seguir o protocolo e as medidas marcadas por sanidade en beneficio de todos,

Moitas grazas pola vosa comprensión,

Un saúdo

Equipo directivo

Bo día familias,

anexamos a seguinte documentación:

- Plan de adaptación COVID

- Plan de continxencia

- Plan de acollida

Un saúdo e feliz día

Equipo directivo

Bo día familias,

Tras a experiencia do primeiro día imos facer unha modificación nas entradas xa que de momento hai poucos usuarios de autobús e queremos evitar aglomeracións.

De momento a entrada ao centro quedará da seguinte maneira:

INFANTIL: porta principal.

1º, 2º e 3º de EP: entran pola mesma porta que o alumnado transportado. No recinto pola porta de autobús e ao centro pola lateral traseira.

4º, 5º e 6º de EP: entran no recinto pola porta de autobús e ao centro pola segunda porta lateral traseira.

Estaremos todos os mestres/as atentos para axudarlles.

As saídas manteranse da mesma forma: todo o alumnado que vai para casa sairá pola porta principal.

Un saúdo e moitas gracias

Bo día familias,

axuntamos información enviada polo CIM:

Pola presente informáselle que o Concello de Baiona, abre o prazo para solicitar praza para participar na Escola de Verán que se desenvolverá durante todo o mes de agosto no CPI COVA TERREÑA e no CEP de SABARÍS . Pódese presentar a solicitude dende o xoves 9 de xullo ata o luns 20 de xullo . As bases que rexen a convocatoria poden descargarse da páxina web do Concello ou solicitalas no enderezo electrónico concelleria.igualdade@baiona.org