Estimadas familias. Como xa sabedes, mañá celebraremos o venres de antroido e volvémolo sacar fóra do centro.

Este ano tócalle  ao barrio da Almáciga. Sairemos do cole sobre ás 10:40 e voltaremos sobre ás 11:30. O percorrido será polas rúas Proxecto Vagalume,Teo,Touro,Pino,Betanzos e Proxecto Vagalume.

Utilizaremos a beirarúa dereita e as familias que queirades acompañarnos pedímosvos  que utilicedes  a esquerda. 

Para manter os grupos burbulla é fundamental que o alumnado de cada curso permaneza en todo momento co seu grupo polo que vos rogamos que non separedes as crianzas do seu grupo nin vos metades vós a formar parte del.

Esperemos que para o curso que vén teñamos oportunidade de xuntarnos no centro unha vez que remate o desfile.

Un afectuoso saúdo.

A Equipa Directiva

Estimadas familias, trala aparición de 4 casos positivos na aula de 6ºA EP (18 alumnos) nos últimos 7 días, superando o 20% establecido no protocolo, considérase necesario corentenar como contactos estreitos ao resto de alumnado da aula agás o alumando que:

1.-Teña a pauta de vacinación completa anterior ao 26 de xaneiro de 2022 .Se foi positivo nos últimos 6 meses e ten unha dose da vacina anterior a esa data actúase como se tivese a dose completa .

2.- Pasara a enfermidade nos últimos 6 meses ( se foi positivo nos últimos 3 meses non ten que facer nin corentena nin vixianza e se foi positivo entre 3-6 meses non fará corentena pero si vixiancia sen poder acudir ao comedor) 

A corentena domiciliaria é de 7 días a contar dende a data de contacto co último caso positivo (día 10 de febreiro) se se realiza PDIA (PCR ou test de antíxenos en sitio homologado), non en domicilio entre o 5º-7º día, ou de 10 días si non se realiza PDIA.

Achegase a información de contactos con corentena e contactos en vixianza.

Un afectuoso saúdo.

A Equipa Directiva

Na seguinte dirección http://www.edu.xunta.gal/portal/node/35621 tedes a información sobre o reparto de máscaras para o alumnado de Educación Primaria. Teñen dereito ás mesmas aquelas persoas que foron beneficiarias de axudas de material no curso 21/22.

As familias que non foron beneficiarias e cumpren os requisitos de renda establecidos na Orde do 28 de outubro de 2021 poden presentar unha nova solicitude no prazo establecido.Adxuntamos os Anexos I e II para presentar a solicitude.

Un cordial saúdo.

A Equipa Directiva

Estimadas familias: Hoxe constituiuse a Xunta Electoral encargada de regular o proceso de renovación de compoñentes do Consello Escolar do centro.

Como sabedes este é o Órgano Colexiado no que están representadas  as persoas que compoñen a Comunidade Educativa e ten vital importancia que todos os sectores conten coa representación completa.

Os censos de familias están expostos no centro na cristaleira interior. Hai dez días de prazo para a súa revisón.

Na documentación adxunta  tedes a información para a elección de representantes das familias e o modelo de presentación de candidatura.

Continuaremos informado do proceso.

Un afectuoso saúdo.

A Equipa Directiva.

Achegamos información actualizada proporcionada polo Concello sobre  o servizo de comedor e madrugadores.