CURSO 6ºA 6ºB 6ºC

ENTREVISTA Á ESCRITORA GALEGA VICTORIA GARCÍA

Enviado por Anónimo o Lun, 15/11/2021 - 01:00

Este ano, no que temos por proxecto o 50 ANIVERSARIO do cole, decidimos convocar a una antiga mestra do noso centro, que ademais, é escritora galega.

Tivemos a sorte de poder facerlle unha entrevista sobre a súa faceta como autora.

Grazas, Victoria, por compartir con nós a túa experiencia.

Aquí vos deixamos o enlace para escoitala:

https://www.ivoox.com/entrevista-a-victoria-garcia-6-b-audios-mp3_rf_78276361_1.html

blogue de

FORMACIÓN "SAÚDE NA ESCOLA"

Enviado por Anónimo o Dom, 14/11/2021 - 23:25

O alumnado de 6º de Primaria participou un ano máis nas charlas formativas da asociación Érguete: "Saúde na escola".

Con elas promóvese un estilo de vida saudable e a concienciación sobre os riscos que conleva o consumo de substancias.

blogue de

GOZANDO COA RADIO

Enviado por Anónimo o Mér, 10/11/2021 - 01:00

Con todo o investigado e traballado no días das escritoras galegas, a rapazada de sexto, elaboramos guións para gravar na radio algúns podcasts sobre elas.

Animámosvos a escoitar as nosas producións, quedaron programas moi divertidos e interesantes.

Velaiquí os enlaces:

https://www.ivoox.com/boas-noites-paula-carballeira-6-a-audios-mp3_rf_77685277_1.html

https://www.ivoox.com/quiz-sobre-escritoras-galegas-6-a-audios-mp3_rf_77685907_1.html

blogue de

O ANIVERSARIO DE PAPIRUS, DÍA DAS BIBLIOTECAS ESCOLARES

Enviado por Anónimo o Mar, 02/11/2021 - 11:58

Como o día das Bibliotecas escolares este ano coincidiu en domingo, o luns 25 celebramos este día, conmemorando tamén o aniversario da nosa mascota, Papirus.

Os alumnos e alumnas de sexto aproveitamos este día para coñecer un pouco máis a fondo algunhas posibilidades que nos ofrece a nosa biblioteca, da que estamos moi orgullosos, e fixemos, en equipos, unha boa selección de libros para as nosas mochilas viaxeiras e para ampliar a biblioteca de aula.

blogue de

DÍA DAS ESCRITORAS

Enviado por Anónimo o Lun, 25/10/2021 - 11:00

CURSO 6ºA 6ºB 6ºC

O 18 de outubro celebramos o día das escritoras.

Foi moi interesante investigar sobre dita conmemoración: o seu obxectivo, quen promove a iniciativa, o lema deste ano...

Ademais, o alumnado de sexto púxose mans á obra para darlle un pulo ás nosas escritoras galegas, lendo, pescudando, e elaborando algúns podcast de radio que en breve publicaremos.

blogue de

FESTIVAL INTERNACIONAL DE CURTAMETRAXES

Enviado por Anónimo o Sáb, 25/09/2021 - 22:22

O martes 14 de setembro, o alumnado de 6º tivemos a sorte de ser convidados, un ano máis, á sesión infantil do Festival de Curtametraxes de Bueu.

Estabamos ansiosos de ver as curtas deste ano e, dende logo, non nos defraudaron, gustáronnos moitísimo!

Foi unha actividade inesquecible!!

blogue de

EXPLORANDO A NOSA CONTORNA

Enviado por Anónimo o Lun, 28/06/2021 - 12:35

este ano tan atípico, non queriamos rematar o curso sen facer algunha pequena excursión.

Aproveitando que temos unha paraxe tan espectacular, fixemos unha fermosa ruta polos nosos montes ata chegar ao Liboreiro e coñecer alí, ao seu pé, os petróglifos das Abelairas.

Velaiquí algunhas fotos.

blogue de

OS NOSOS PRIMEIROS PODCASTS

Enviado por Anónimo o Lun, 28/06/2021 - 11:27

A pesar deste ano tan especial, puidemos levar a cabo o noso proxecto da RADIO ESCOLAR.

Por equipos, puxémonos mans á obra e pensamos en diferentes propostas, investigamos, elaboramos guións... E aquí tendes o resultado final desta emocionante experiencia na VOZ DA PEDRA.

CLICADE EN CADA UN DOS CURSOS PARA ESCOITARNOS.

PODSCASTS 5ºA

PODCASTS 5ºB

blogue de

CATA GONZÁLEZ CABODEVILA, de 6º A, FINALISTA NO CONCURSO DA EDITORIAL COMBEL CO SEU DESEÑO DO EX LIBRIS DO Sr. FLAT !!

Enviado por Macu Rodríguez o Ven, 18/06/2021 - 20:14

HOXE ESTAMOS DE CELEBRACIÓN E

CATA É A PROTAGONISTA!!!

Hoxe estamos contetísimxs e queremos compartilo con vós! CATA GONZÁLEZ CABODEVILA, de 6º A, quedou finalista nun concurso da Editorial Combel. O seu deseño foi un dos dez finalistas seleccionados entre varios miles de traballos presentados .

Hai algún tempo, a profe Silvia propúxonos que participásemos nun concurso organizado pola Editorial Combel en relación coa colección de libros de banda deseñada "AGUS Y LOS MONSTRUOS". Trátase dunha serie de libros que temos na nosa biblio e que nos gusta moito.

A tarefa consistía en deseñar o “ex libris” do Sr. FLAT, un dos personaxes da colección de AGUS Y LOS MONSTRUOS. Para levala a cabo tivemos toda a axuda da profe Silvia que nos aconsellou e orientou, ademais de encargarse de inscribirnos no concurso, enviar os noso traballos e manterse en contacto coa editorial. MOITAS GRAZAS, PROFE!!!!

Participaron moitísimos os centro de ensino de toda España. Non queremos equivocarnos, pero cremos que nos dixeron que presentaron os seus deseños algo así como uns 10000 alumnxs.

Esta mañá veu un representante da EDITORIAL COMBEL a facerlle entrega do agasallo en nome do xurado que escolleu o deseño do seu selo.

Aquí vos deixamos a imaxe do deseño de CATA e algunhas fotos da celebración.