Blogues

BENVIDOS E BENVIDAS A TINTURARTE!

Unha das últimas actividades que fixeron os nenos e as nenas de 5º curso foron estes simpáticos polos tan coloridos.

Foi unha actividade complexa e chegamos a pensar que algún deles non sobreviviría!

Velaquí o proceso:

1- Recortamos tira de xornal de 2cm aproximadamente e inchamos un globo.

2- Mesturamos cola branca con auga e pegamos coa axuda dunha brocha as tiras dende o nó ata o outro extremo. Debemos facer polo menos tres capas de xornal.

1ª capa:

2ª capa:

3ª capa:

3- Pintamolos con témpera. Debemos pintalos con dúas capas para tapar as letras do xornal.

4- Decoramos coa axuda de esponxas.

5- Enchemos a bola cun pouco de area para que faga que se quede de pé.

6- Decoramos con ollos, peteiro, cresta e patas empregando fieltro, cartolina e lá.

TACHÁNNNNNNNNNNNNNN!!

Uns verdadeiros artistas!!!

MOITOS AGARIMOS E A SEGUIR TRABALLANDO CON TANTA ARTE!

BENVIDOS E BENVIDAS A TINTURARTE!

Os nenos e nenas de 6º fixeron as súas iniciais empregando follas de revista.

Velaquí o proceso:

1- Debuxar a súa inicial nun cartón de caixa de cerais e recortala.

2- A continuación, enrolaron follas de revista facendo tubiños do mesmo grosor e pegáronas con cola sobre o cartón ata cubrir toda a letra.

3- Para rematar, co cutter afinamos as formas e pegamos a inicial sobre unha cartolina metalizada.

Faltan moitas por facerlle foto, pero non deu tempo coas presas.

Síntoo.

MOITOS AGARIMOS E A SEGUIR TRABALLANDO CON TANTA ARTE!

BENVIDOS E BENVIDAS A TINTURARTE!

Quedan escasos días para rematar o curso e imos amosarvos as últimas creacións.

Os nenos e as nenas de 1º curso elaboraron unha mandala moi orixinal empregando de base plastilina e como elementos de decoración diversos legumes e pastas.

Velaquí o proceso:

1- Facemos unha bola coa plastilina e aplastámola para facer a base.

2- Engadimos (seguindo unha orde) as legumes e pastas facendo unha especie de mosaico.

3- Para rematar, botámoslle unha capa de cola branca para que a plastilina quede brillante e dura.

Resultado:

Agardamos que vos encanten!

MOITOS AGARIMOS E A SEGUIR TRABALLANDO CON TANTA ARTE!

BENVIDOS E BENVIDAS A TINTURARTE!

Seguimos con máis flores!

Neste caso @s nen@s de 6º curso fixeron uns marcos de flores elaborados a partir dunha caixa de 12 ovos.

Velaquí o proceso:

1- En primeiro lugar, recortamos a caixa de 12 ovos empregando cada oco para unha flor.

Coa tapa da caixa facemos as follas.

2- A continuación, pintamos as flores e as follas con témperas.

3- Pegamos unha boliña de papel de seda no centro das flores.

4- Pegamos con silicona quente os paus de madera facendo un marco, e por último, decorámolo coas flores e as follas.

O resultado é fermoso!

Agardamos que vos encanten!

MOITOS AGARIMOS 

E A SEGUIR TRABALLANDO CON TANTA ARTE!

P.D: Quedan fotos do resultado final por engadir á publicación.

BENVIDOS E BENVIDAS A TINTURARTE!

Queremos que veña o verán para quedarse, así que fixemos estes floreiros tan coloridos para atraelo!

Empregamos unha bola de porexpán, un pau de madeira, témpera, cartolinas, ceras e alfiletes.

Foi unha actividade moi entretida de facer e o grupo traballou realmente ben, sincronizado e gardando as quendas.

Velaquí o proceso:

1- Recortamos flores de cartolina cunha plantilla.

2- Pegamos o pau á bola de porexpán.

3- Sombreamos os bordes das flores con cera e dámoslle forma aos pétalos.

4- Pintamos a bola con témpera.

5- Pinchamos as flores con alfiletes á bola.

(Traballando concentradísimos!)

6- Pintamos o pau de verde con témpera e engadimos as follas verdes de cartolina e limpapipas.

7- Como floreros empregamos botellas de cristal de auga ou cervexa.

Conseguiron unhas verdadeiras obras de arte!

MOITOS AGARIMOS

E A SEGUIR TRABALLANDO CON TANTA ARTE!

BENVIDOS E BENVIDAS A TINTURARTE!

Achégase fin de curso e aínda nos quedan algunhas cousiñas por ensinarvos!

Os nenos e as nenas de 1º curso fixeron estas macetiñas de barro do máis simpáticas.

Foi un pouco loucura porque son 23 nen@s modelando macetiñas con só 50 minutos de clase, pero conseguímolo!

Velaquí o proceso:

1- Modelamos a pasta de modelar branca coas mans e axudándonos cun pouquiño de auga.

2- Deixámola secar durante unha semana ao aire.

3- Pintamos con témperas.

4º- Decoramos con puntiños empregando un bastonciño de algodón.

5º Deixamos secar.

6º- Barnizamos con spray.

7º- Plantamos unhas semilliñas e listo!!!

Marcharon contentísimos para a casa!

Quedaron simpatiquísimos!!!!

MOITOS AGARIMOS 

E A SEGUIR TRABALLANDO CON TANTA ARTE!