O 14 de xaneiro e o 1 de febreiro, o alumnado de 1º da ESO A, 2º da ESO B e 4º da ESO B disfrutou dunhas sesións de fútbol gaélico a través do club KeltoiVigo Gaelic Academy. A actividade resultou ser moi divertida e foi unha forma de coñecer esta modalidade deportiva orixinaria de Irlanda.
O 21 de decembro, coincidindo co día de entrega de notas do primeiro trimestre e organizado polo Departamento de Educación Física, celebráronse varias actividades deportivas en horario de 9.00 a 11:00 no pavillón. Entre elas, as semifinais e finais de bádminton individual ( categorías masculina e feminina) así como partidos de brilé.
O venres 16 de novembro celebrouse no Instituto o tradicional Magosto. Ademais das castañas asadas, os profesores de Educación Física organizaron diversos xogos tradicionais para todos os alumnos e alumnas que quiseron participar: carreiras de sacos, zancos, tiro de corda...