Enviado por admin o Lun, 30/03/2020 - 17:35
Prezadas familias e alumnado,
Segundo as instrucións recibidas da Consellería de Educación, Universidade e Formación Profesional, ao longo da presente semana procederemos á realización da segunda avaliación.
O venres, 3 de abril, ás 15:00 horas, publicaranse as cualificacións, a través da aplicación AbalarMóbil. En caso de que as familias ou o alumnado non dispoña deste medio, as persoas titoras achegaranas mediante correo electrónico.
Lembramos que o confinamento pola pandemia do coronavirus está prorrogado ata o vindeiro 12 de abril.
O centro atenderá á comunidade educativa, preferentemente, a través do correo electrónico.
Desexamos o mellor para toda a comunidade educativa, moita saúde e ánimo.
A dirección
