Itmaxina

O día 2 de marzo o alumnado de 1º e 3º da ESO asistiron á XII Semana Matemática ITMAXINA na fundación Barrié, organizada pola Fundación Escola Rosalía.

Durante dúas horas, repartidos en grupos, participaron en diferentes obradoiros: azar e probabilidade, pentominós, cubos soma, a calculadora, simetrías, ilusións ópticas, resolución de problemas,….

Os obxectivos destes obradoiros son, entre outros:

• Sacar as matemáticas das aulas e achegalas á sociedade dende un punto de vista manipulativo e participativo.
• Favorecer o uso de materiais didácticos para o tratamento dos programas curriculares.
• Amosar a través destas tarefas que todos os cidadáns poden facer matemáticas, é dicir: argumentar, analizar, decidir, demostrar, descubrir, razoar.
• Aprender a traballar en equipo valorando e respectando as opinións propias e ás dos demais e fomentando a imaxinación e a creatividade.

En todo momento os rapaces e rapazas amosaron moito interese, respecto e participaron activamente en todos os obradoiros.

Deixámosvos coas fotos do evento

Galería de imaxes do evento

 

Ver galería externa