Exposición micolóxica no IES de Teis

Os días 16, 17 e 18 de novembro realizouse unha exposición de cogomelos no patio cuberto do noso centro, a cal puido ser visitada por toda a comunidade educativa.

Como actividade previa á mesma, o alumnado de 1º e 2º da ESO recibiu unha charla no salón de actos do instituto, impartida por Gabriel Pérez, antigo alumno do instituto e a día de hoxe biólogo de profesión. Nela explicou como é a estrutura dun cogomelo, as especies existentes en Galicia, a súa forma de reprodución, o modo de recolección e cales son as máis utilizadas para consumo humano.

Ao remate do relatorio houbo un tempo para resolución de dúbidas.