Día Internacional dos Dereitos Humanos 2020

Hoxe 10 de decembro celébrase o Día Internacional dos Dereitos Humanos. Conmemórase o día no que a Asemblea Xeral das Nacións Unidas aprobou a Declaración Universal dos Dereitos Humanos, o 10 de decembro de 1948. Este documento histórico, traducido a máis de 500 idiomas, proclamou os dereitos inherentes a todos os seres humanos sen importar a súa raza, cor, relixión, sexo, idioma, opinións políticas ou doutra índole, orixe nacional ou social, propiedades, lugar de nacemento, nin ningunha outra condición.

Neste curso traballouse o día nas horas de titorías, creando o alumnado de ciclos formativos e ESO unha representación artística Redes Polos Dereitos Humanos e e un mural para a expresión das súas opinións.

Ademais, nas aulas traballáronse os dereitos humanos e avaliáronse noticias do xornal para atopar os dereitos humanos que nelas se vulneran.