NOVAS:

Cada Nadal séguense usando mascotas como agasallo. Unha de cada tres acaban sendo abandoadas semanas despois. Este venres 18, o noso alumnado de 4ºESO será destinatario dunha charla (tantas como grupos) de concienciación e defensa dos dereitos dos animais con Sandra , exalumna e voluntaria desde hai anos da Protectora de Animais de Tui Aloia, que vén facendo un traballo espectacular neste ámbito.

Acompañamos estas charlas con 3 oportunidades de colaboración:

1. Recollida solidaria de alimentos para os cans da protectora. Só ata martes 22. Admítense patés, latas, salchichas e aros, que poderanse depositar na caixa habilitada na entrada, ao lado de Conserxería, só ata martes 22.
   
2. Mercado solidario. Estará só este vernes 18 nos intermedios das charlas: en 4º A (1º recreo) e 4º C (2º recreo): calendarios, chaveiros, pulseiras, camisetas... os cartos recadados destínanse integramente para financiar os gastos necesarios para o coidado dos animais refuxiados na protectora.
3. Panel de animais acollidos. Hai máis de sesenta cans agardando en Aloia por unha familia que os queira e os coide, e tedes os seus retratos na entrada do IES. Con foto, nome, idade e esas virtudes que fan único a cada un deles. Que non podedes adoptar? Sempre se pode amadriñar, pasear ou pasar pola protectora a dar uns aloumiños ou botar unha man.
   
   

Como escribiu Lord Byron para a tumba do seu can: “tiña todas as virtudes humanas e ningún dos seus defectos”. 

Durante este mes de decembro traballaremos co noso alumnado de 1º e 4º ESO acerca dunha das enfermidades máis graves e con maiores secuelas (físicas, emocionais e sociais) da actualidade: as adiccións. Farémolo por medio de charlas obradoiro de entre unha e dúas horas de duración, con cada un dos grupos por separado, organizadas desde o departamento de Orientación e da man dos Servizos Sociais do concello e da Asociación cidadá de loita contra a droga: Alborada.

Dunha parte, en 1º ESO, trataranse todos eses mitos e crenzas que acabaron por facer socialmente admisible (e aparentemente inocente) o consumo de alcohol e tabaco.

E da outra, co alumnado de 4º ESO, abordarase o gravísimo problema das condutas aditivas sen substancia; é dicir, da adicción ao xogo, ás apostas e ao teléfono móbil (nomofobia).

Segundo a Orde do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes da Consellería de Cultura, Educación e Universidade, onte enviamos ás familias (a través do alumnado) nota informativa na que recollemos estes criterios, así como (de ser o caso) se podería solicitar o dereito á distribución de máscara. Tedes os criterios e a forma de solicitalas na imaxe desta publicación. O prazo para entregar a solicitude remata o 27 de novembro. A listaxe provisional e definitiva colocarase nos taboleiros do centro. Comunicaremos dita publicación a través da nosa páxina web.