Física e química

Unha forza pode provocar dous efectos nun corpo: estático e dinámico. No primeiro dos casos a forza é quen de deformar un corpo pero éste recupera a súa forma inicial ao deixar de actuar a forza, sempre e cando non se supere o chamado límite de elasticidade. Os corpos que se comportan deste xeito dicimos que son elásticos e cumpren a lei de Hooke .

Xa vimos que as reaccións químicas, segundo a teoría de colisións, ocorren polas colisións EFICACES entre as partículas de reactivos no que se rompen uns enlaces químicos e fórmanse uns novos para formar os produtos. A reorganización dos átomos para formar novas sustancias pode ocorrer de diferentes maneiras, e iso será o que dea lugar aos diferentes tipos de reaccións. Visualiza o video e fíxate en como ten lugar o proceso, así como o axuste das diferentes reaccións.

Como xa vimos na clase, hai unha gran diversidade de mesturas, polo que tamén se requiren distintos métodos de separación. O primeiro que temos que analizar é se se trata dunha mestura homoxénea ou heteroxénea, e, en función das propiedades que presente, elixiremos o método máis eficaz para separar os diferentes compoñentes que forman a nosa mestura.

Podes ver un exemplo neste vídeo dos realizados polo alumnado de 2º da ESO nas  prácticas do laboratorio de química do noso centro.

Todos sabemos da importancia de non tirar lixo para manter os nosos espazos en boas condicións, porén non está de máis lembrar que algúns dos residuos que xeneramos teñen un período de degradación  moi longo. Por poñer un exemplo, unha bolsa de plástico tarda 450 anos en degradarse. Isto debe levarnos a pensar o que pode supor deixar diferentes envases plásticos tirados nas nosas plaias, pois son arrastrados polo mar, ocasionando un grave perigo para o ecosistema marino. De aí a importancia que sempre recordamos da reciclaxe dos nosos residuos.