O pasado 9 de abri, pola tarde, o mesmo grupo de 1º de Bacharelato e as profesoras que visitáramos o Hospital Clínico, realizamos unha visita guiada ao Museo de Historia Natural da USC.
Guiados polo biólogo encargado da visita, Tino, percorremos as distintas salas, nas que se encontran as exposicións permanentes sobre biodiversidade terrestre, biodiversidade mariña, o solo ou a xeodiversidade. As súas explicacións axudáronnos a non perdernos ante a cantidade e variedade de especímenes expostos.
Ao rematar a visita guiada, descendemos á planta baixa, para participar nun taller de taxonomía. Chegamos a unha sala na que se mesturaban os modelos anatómicos tridimensionais e os moblese coleccións típicas dun museo do século XIX, coas claves dicotómicas en tablets que nos recordaban que seguiamos no XXI.Alí, seguindo as valiosas indicacións de María, unha experta entomóloga, os nosos alumnos e alumnas, tiveron aoportunidade de identificar varios mamíferos.
Saímos do museo coa sensación de ter feito unha viaxe no tempo que nos permitiu saber máis sobre as orixes das Ciencias Naturais e experimentar o traballo dos naturalistas.
