O Samaín chegou un ano máis ao noso instituto, e o alumnado de 1º e 2º ESO protagonizou toda unha sesión de narración oral que prestou a adultos e pequenos. A actividade comezara xa días atrás coa preparación da sesión de contos, escollidos desde o departamento de Lingua Galega e o equipo de DLG, para dar a coñecer e traballar relatos enraizados na nosa tradición. Xa logo, desde as titorías, artellouse a dramatización das historias, a caracterización e a posta en escena. En relación a isto, hai que destacar o papel do voluntariado da Biblioteca Escolar que fixo unha ambientación moi creativa no multiusos do instituto: unha grande arañeira pendurada do teito que co xogo de lucesvestiu todo un espectáculo cheo de lápidas, follas de outono, cirios e cheiro a castaña.
Parabéns a todo o alumnado e profesorado que colaborou activamente para facer posible a nosa primeira actividade conxunta!
