Actividades da biblioteca |
|
|||
[...] que ela, a vida, non ten partes, senón lugares e rostros. María Zambrano
O IES Nº 1 da Estrada proponvos unha actividade de RECUPERACIÓN DA NOSA MEMORIA COLECTIVA. |
|||
O venres, 24 de novembro, participamos os tres institutos da Estrada nunha concentración conxunta contra a violencia de xénero. O noso IES, que se sumara á campaña "En negro contra a violencia", colocou carteis en distintos lugares do centro e animou a toda a comunidade educativa a participar, traendo ese día una prenda negra. O día comezou coa chegada a Radio Estrada, onde dúas alumnas de 4º de ESO do noso IES leron o manifesto que elaboraran. Déixovos abaixo o enlace para que o vexades. Paga a pena ver como a conciencia prende na rapazada! Na concentración estaba previsto cantarmos todos xuntos una canción contra o maltrato, pero as condicións meteorolóxicas o impediron. Tras a concentración silenciosa, o alumnado do 2º ciclo acudiu á Academia de seguridade para escoitar una charla de Inés Vidal, profesora do IES Losada Diéguez con ampla formación no tema do maltrato á muller e no maltrato entre adolescentes. Tras proxectar uns vídeos, provocouse un interesante debate. Por outra banda, o alumnado do 1º ciclo desenvolveu no instituto diversos talleres de concienciación sobre a violencia machista: vídeos na biblio, xogo de rol, mensaxes con globos... En definitiva, foi un día intenso!
|
|||
|
|||
|
|||
|
|||
|
|||
Un ano máis, queremos recibir ao novo alumnado na nosa Biblioteca e por iso convidámosvos a vir o luns, 24 de outubro, a un acto que celebraremos alí para todos vós.
|
|||
|
|||
O día 24 de febreiro celebramos o Día de Rosalía. Durante toda a semana o Centro organizou actividades para conmemorar a autora. Para comezar, o Equipo da Biblioteca, en colaboración cos outros IES da Estrada, participa no concurso fotográfico baseado en textos da escritora, que se desenvolverá durante todo o mes de febreiro. O martes 23 o alumnado de 1º ESO realizou unha ofrenda a Rosalía, no Panteón dos Galegos Ilustres, onde un grupiño de rapaces e rapazas interpretaron “Adiós ríos, adiós fontes”. O mércores, xa no Centro, inauguramos a Mesa de Rosalía, cun menú rosaliano formado por versos, estrofas e libros da escritora. O alumnado foi convidado a degustar o menú, recitando poemas de Rosalía. Ese mesmo día un grupo de rapaces do noso IES colaborou na actividade organizada polo Concello en recoñecemento a Rosalía, e interpretaron no MOME o poema “Miña Santiña, miña Santasa”.
|
|||
|
|||
Un ano máis, o noso IES sensibilízase ante un tema que constitúe xa unha verdadeira lacra na nosa sociedade; por iso realizamos unha serie de actividades que tratan denunciar situacións de violencia de xénero, así como concienciar a todo o alumnado da necesidade de loitar contra ese grave problema. Velaí estamos todos e todas, unidos co resto dos institutos da Estrada, para manifestar a nosa repulsa ante as mortes que se produciron neste ano.
|
|||
Que representa unha muller para ti? Para algún babecos, muller significa: Obxecto, cousa miña, da miña propiedade, escrava da casa, sexo débil, persoa á que se lle pode berrar, escrava sexual, estorbo… Para nós, alumn@s do IES Nº1, muller significa: Persoa e libre, pomba de luz. Estrela e Sol, porque as mulleres brillamos con luz propia. Piar, pedra angular, que terma de todo para que nada se derrumbe. Nai, nai túa,miña…sen máis explicacións. Forza impetuosa, loita sen tregua. Intelixencia e sensibilidade, man a man. Cariño e sorriso, sempre e mais despois. MULLER…SIMPLEMENTE…MULLER! |
|||
|
|||
Comeza o curso un ano máis e, como non podía ser doutro xeito, a Biblioteca abre as súas portas para toda a comunidade educativa. O xoves 1 de outubro abrimos simbolicamente, nun acto no que o escritor e ex-compañeiro David Otero nos agasallou cunha fermosa charla arredor da lectura, dos libros e das bibliotecas escolares. Ademais, o equipo da biblio aproveitou para recibir de maneira especial ao alumnado de 1º de ESO, a quen entregou os carnés e agasallou cun bonito. Queda, por tanto, aberta a Biblio! Agardámosvos!
|
|||
O martes, día 29 de setembro, o alumnado e o profesorado que o curso pasado desenvolvemos o Proxecto Interdisciplinar realizamos un roteiro polo val do Vea. Visitamos o castro de Barbude, a igrexa de Santeles, as burgas de Teo, a igrexa de Requián e a área recreativa do Xirimbao. Como se movía a ponte colgante e canto nos picaron os fentos do castro! Agradecemos a todos os que colaboraron con nós e nos permitiron gozar dun día tan fermoso.
|
|||
Velaí a emotiva despedida ao mestre. Rapaces e rapazas emocionados agradecen as leccións do NOSO PROFESOR |
|||
|
|||
O pasado venres, día 27 de marzo, o alumnado de 1º ESO celebrou unha actividade a partir do libro de lectura, Escarlatina, a cociñeira defunta, na que se elaboraron receitas de cociña inspiradas no libro. A partir de aquí, o IES Nº 1 realizou un concurso entre os participantes no que se concederon tres premios.
|
|||
O pasado día 4 visitounos Ledicia Costas autora da obra “Escarlatina, a cociñeira defunta”, obra de lectura para o alumnado de 1º da ESO. Neste encontro os rapaces e rapazas foron descubrindo certos enigmas que non quedaran ao descuberto coa lectura. Así mesmo asinoulle no libro como mostra da súa presenza.
|
|||
No acto organizado polo Concello da Estrada no MOME para conmemorar o aniversario de Rosalía de Castro participamos recitando por diversos membros da comunidade educativa un texto de David Otero que gaba a figura da autora.
Baixo o lema 24F de R o alumnado leu e interpretou diversos poemas da autora.
|
|||
|
|||
|
|||
|
|||
Os alumnos de 3º ESO participan na Charla sobre DOAZÓN E TRANSPLANTES que organiza o departamento de Ciencias Naturais e o de Orientación do centro. A charla e levada a cabo pola OCT (Oficina de coordinación de trasplantes do Servizo Galego de Saúde). A charla é impartida por Marta Álvarez da OCT e por Dolores unha muller que foi transplantada de fígado fai 12 anos, e que ven a contar a súa experiencia aos alumnos.
|
|||
