Volveu o Entroido ao IES Nº 1! Por fin recuperamos esta festa tan querida polo noso alumnado. Volveron as vosas actuacións, volveron os disfraces e volveu a irreverencia propia desta festividade, en que se relaxan os costumes e se invirten os roles! Parabéns a 1º C e 2º C, os grupos gañadores desta edición, segundo o fallo do noso xurado máis popular: as Tanxugueiras, que nos visitaron no Centro e logo dunha sesuda deliberación, decidiron os triunfadores desta edición. Ademais retomamos un concurso de mecos, e vós mesmos escollestes o gañador: O Ulla! Parabéns a Breixo, Pedro, Éric e Brais, que argallaron ese fantástico meco. E moitísimas grazas a profes e persoal non docente, que cos seus mecos contribuíron a adornar o noso IES. Non puideron participar no concurso, pero sen dúbida terían tamén agasallo.
|
|||
Por fin o IES Nº1 recupera unha das súas celebracións máis emblemáticas: o Entroido! Aínda resoan ecos da pandemia, e non puidemos agasallarnos cos sabores da época, pero imos indo, por fin, cara á normalidade. Grazas a todos e todas pola vosa colaboración!
Se queres ver as fotos nunha presentación a ritmo de AS TANXUGUEIRAS:
|
|||
|
|||
Castelao retrata a actualidade do seu tempo en Cousas da vida. Seguro que, se tivese móbil, había facer unha chea de memes, porque a ironía e o humor son algúns dos seus sinais de identidade. Olla as viñetas orixinais e crea despois, na versión cómic, un meme adaptado ao noso tempo. |
|||
Fase de reserva de prazas en centros de adscrición O 11 de xaneiro abriuse o prazo para presentar as solicitudes de reserva para cursar 1º ESO no noso centro o vindeiro curso, coas seguintes particularidades:
|
|||
O IES Nº 1 da Estrada deséxalles unhas Boas Festas e un Feliz Ano Novo. Ademais, queremos agradecer o labor da alumna Uxía Seoane, que aínda quita tempo para agasallarnos con este vídeo de felicitación, cheo de esperanza e de bos desexos para estes tempos de incertezas. Moitas grazas e parabéns, Uxía. Voltamos o 10 de xaneiro! |
|||
|
|||
O IES Nº 1 foi galardoado co 1º Premio na Categoría de Centros e con dous premios individuais no concurso organizado pola Deputación de Pontevedra para homenaxear a figura de Xela Arias.
A nivel individual, concedéronnos un 1º premio para a alumna Helena Castaño e un accésit para Hiba Lajouad.
Parabéns a estas magníficas rapazas e tamén a todos os mozos e mozas que participastes no concurso coas vosas creacións, dunha calidade excelente, merecedora tamén de premio.
A poesía de Xela Arias late nestas novas voces que entrelazaron maxicamente a palabra e a imaxe, como xa fixera noutrora a ousada poeta no seu libro máis transgresor Tigres coma cabalos.
Se picades aquí, poderedes ler a noticia do xornal Faro de Vigo, que recolle a entrega do galardón.
E moito máis importante, aquí tedes a montaxe que recolle todas as vosas creacións.
Desfrutade delas!
|
|||
|
|||
Aquí tedes o cartel informativo sobre a charla que se desenvolverá mañá no noso IES, organizada pola ANPA. |
|||
08/11/2021
Publícase a seguir a convocatoria de eleccións ao Consello escolar, que renovará os seus membros nos distintos sectores: pais/nais/titores legais; alumnado; profesorado, e persoal de administración e servizos. Nos distintos arquivos adxuntos atoparán a información relativa a cada un dos sectores. |
|||
|
|||
O IES Nº1 o martes 26 conmemorou O DÍA DAS BIBLIOTECAS ao pé da casa de MARCIAL VALLADARES, celebrando así o bicentenario do seu nacemento, aló polo ano 1821. Logo de máis dun ano sen saídas, no Nº1 procuramos de novo o vento e a luz en Berres, na súa parroquia natal, para agasallar a un dos grandes, señor de Vilancosta e señor das Letras Galegas. Pilar Bernárdez, alma máter deste proxecto e de tantos outros, guiou os mozos e mozas do IES a través dun roteiro no que puideron sentir e valorar todo o que pasaba nesa parroquia de Berres, hai xa 200 anos, grazas ao labor dos Valladares. O roteiro foi percorrendo distintos recunchos relevantes na vida e obra do autor. Comezamos ás 12:30, na igrexa de Berres, ao pé da pía bautismal, continuou cara ao cemiterio e de aí seguimos o percorrido cara a Vilancosta. Xa no Areal, os nosos mozos e mozas de 2º de ESO realizaron lecturas colectivas e interpretacións de cantigas de Valladares ao son das pandeiretas. Este acompañamento musical completouse coa colaboración de dous músicos, veciños de Berres, un deles ex-alumno do propio IES Nº1. Parabés a todos os que fixestes posible este fermoso e solleiro día!
|
|||
O vindeiro venres 29 de outubro, ás 10:25 horas, terá lugar na Secretaría do Centro o sorteo público para a composición da Xunta Electoral
|
|||
|
|||
Selección de fotos do MARATÓN fotográfico 30x30 do curso 2020/21 no IES Nº1
(30 fotos en 30 días)
Dura algo mais de 6 minutos (é unha selección de 90 fotos entre mais de 4.000) pero vale a pena dedicarlle ese tempo xa que o resultado realmente é moi bo.
Parabéns a todos e todas as participantes (alumnado dende 1º a 4º de E.S.O.)
|
|||
Hai 2 anos, cando esta rapazada estaba cursando Paisaxe e Sustantibilidade en 2º ESO, tiñamos organizada unha excursión de 2 días a Porto como parte dun programa chamado Proxecto Terra, pero a pandemia da COVID - 19 chamou á nosa porta e tivemos que adiala. Ao ano seguinte intentamos outra excursión á Costa da Morte, pero tampouco puido ser; así que, ano e medio despois, cando a pandemia parece amainar e podemos de novo desenvolver algunhas actividades extraescolares no IES Nº 1, por fin conseguimos gozar dun paseo polo Parque Natural de Carreirón, na Illa de Arousa. Un día fantástico cuns rapaces encantadores que souberon agardar pacientemente. Velaquí as imaxes destes mozos e mozas que ben mereceron, cando menos, este pequeno desagravio. Oxalá de aquí en adiante poidamos recuperar a normalidade e organizar moitas saídas máis!
|
|||
Bo día, a semana que vén terán lugar as reunións iniciais coas familias. Se premen no arquivo adxunto, poderán consultar o día e a hora en que están convocados, en función do curso ao que pertence o seu fillo ou filla. Para garantir o Protocolo Covid, só poderá asistir un único membro da familia.
|
|||
Todo o alumnado e persoal do centro realizará a autoavaliación diaria que se adxunta antes de saír da casa para comprobar que non existen síntomas de infección por SARS-CoV-2 (febre maior de 37.5 ºC, tose seca, dificultade respiratoria...). Achégase enquisa de autoevaluación clínica do COVID-19.
Modelo declaración responsable de autoevaluación. |
|||
|
|||
O IES Nº 1 de A Estrada incorpórase no curso 2021/2022 ao programa de libro dixital E-Dixgal. A partir do día 15 de setembro os pais, nais ou titores legais poden pasar polo centro a recoller os equipos para os seus fillo/as e asignar o compromiso de cesión. Na seguinte ligazón poden ver vídeos e un folleto informativo con todo o relacionado co equipamento E-Dixgal
|
|||
Se preme no arquivo adxunto, poderá informarse dalgunhas medidas a ter en conta no inicio de curso. |
|||
Aquí poderán consultar as listaxes de alumnado por grupos. Para axustarse á Lei de protección de datos, tan só figura o NIF. No caso que non figure, aparece o número de expediente. Se non ten ese número pode chamar a Secretaría do centro e facilitaranlle a información. Prema nos enlaces para ver os grupos:
|
|||
Publicado no taboleiro de anuncios do centro a listaxe definitiva de libros en préstamo do Fondo Solidario da Xunta cos libros asignados ao alumnado. A partir do 15 de setembro os pais, nais ou representantes legais poden pasar polo centro para recollelos e asinar a recollida. |
|||
Debido á situación sanitaria provocada pola Covid-19, a incorporación ás aulas farase de forma progresiva.
Ao día seguinte estes alumnos e alumnas incorporaranse ás aulas no horario habitual, ás 8:45 h.
A saída do centro, tanto o día 15 como o 16, será no horario habitual, ás 14:25 h.
|
|||
- « primeira
- ‹ anterior
- …
- 6
- 7
- 8
- 9
- 10
- 11
- 12
- 13
- 14
- …
- seguinte ›
- última »