Informática

 Christmas Card Exchange 2020

Os alumnos de 1º de Ciclo Medio e 2º de FP Básica participan  nos módulos de “Aplicacións Ofimáticas” e “Operacións auxiliares para a configuración e a explotación”  nun proxecto eTwinning chamado  "Christmas Card Exchange 2020"

Neste proxecto eTwinning, os alumnos realizaron felicitacións de nadal que intercambian coas realizadas por outros centros europeos. Participan outros centros de España e doutros países como: Albania, Croacia, Eslovaquia, Finlandia, Francia, Grecia, Italia, Lituania, Malta, Polonia, Portugal, Reino Unido, República Checa, Rumanía, Serbia, Turquía e Ucrania.

Este ano debido as circunstancias que estamos a vivir en todo o mundo, faremos o intercambio sen enviar as felicitacións. Creamos unha páxina no Twinspace para dar a coñecer o noso centro e publicar as felicitacións de nadal realizadas polos alumnos.

Este mércores 18 de novembro tivo lugar ás 9:00 unha charla dirixida a Ciclo Medio e Formación Profesional Básica sobre o emprendemento. O poñente, Simón Cabarcos, da empresa Blindaxe Sport S.L. [https://www.blindaxe.com] explicou como emprendeu dende os inicios ata hoxe.

Simón Cabarcos, foi futbolista e actualmente é emprendedor. Fundou a súa empresa adicada á fabricación de proteccións de fibra de carbono hai máis de 10 anos. A idea era innovadora: Facer proteccións cómodas de fibra de carbono que ata ese momento non facía ningunha empresa.

Coñecendo o mundo do deporte e o proceso de fabricación con fibra de carbono, logrou posicionarse no sector de xeito notable. Tanto é así, que a súa pequena empresa situada en As Pontes, surte a futbolistas de primeira división e deportistas ao redor de todo o mundo sendo unha referencia galega a nivel mundial.

Os estudantes tiveron oportunidade de preguntar, a través de videochamada co poñente, as súas inquedanzas tanto sobre a empresa, o funcionamento, fabricación e cuestións relacionadas co emprendemento.

A través de este caso de éxito, os estudantes puideron coñecer de primeira man aspectos importantes a ter en conta de cara a montar unha empresa.

A actividade foi organizada a través de eduemprende [http://www.edu.xunta.gal/fp/eduemprende].

A realización de actividades por videochamada ven a tratar de suplir as dificultades de organización das mesmas neste curso no contexto da pandemia do COVID19.

Aos alumnos e á profesora de 1º de Ciclo Medio e 1º de FP Básica concedéronlles o Selo de Calidade de eTwinning polo proxecto «Letras Galegas 2020 - Ricardo Carvalho Calero».

Este premio supón un recoñecemento do traballo realizado nos módulos de Aplicacións Ofimáticas e Ofimática e Arquivamento de Documentos durante o curso 2019-2020.

O alumno de 1º FPB Kevin Rodríguez Martínez de Lagrán ven de gañar un premio no 10º Concurso Europeo de Marcapáxinas . Este concurso está enmarcado dentro do proxecto eTwinning “Letras Galegas 2020. Ricardo Carvalho Calero” no que están a traballar os alumnos de 1º de Ciclo Medio e 1º de FP Básica nos módulos de "Aplicacións Ofimáticas" e "Ofimática e Arquivamento de documentos" ao longo deste curso.

Podedes ver o traballo gañador no seguinte enlace .

No seguinte documento pódese consultar o calendario de exames do terceiro trimestre para o curso 2019-2020

Publicada a Orde do 20 de xaneiro de 2020 pola que se convocan probas de acceso aos ciclos formativos de grao medio e de grao superior de formación profesional do sistema educativo para o ano 2020.

   1- CICLOS MEDIOS 

•  PRAZO DE INSCRICIÓN: Entre o 2 e o 13 de marzo de 2020, ambos os dous incluídos
•  REALIZACIÓN DA PROBA: 28 de maio de 2020.       

   2- CICLOS SUPERIORES

• PRAZO DE INSCRICIÓN:  Entre o 10  e o 19 de febreiro de 2020, ambos os dous incluídos.
• REALIZACIÓN DA PROBA:  23 de Abril de 2020

Máis información: 

• Probas de acceso a ciclos formativos de grao medio
• Probas de acceso a ciclos formativos de grao superior

A continuación podedes ver o vídeo seleccionado entre varios realizados por alumnos de 1º de Ciclo Medio e 1º de FP Básica para a presentación do noso centro no proxecto eTwinning no que están a participar

“Letras Galegas 2020. Ricardo Carvalho Calero” nos módulos de "Aplicacións Ofimáticas" e "Ofimática e Arquivamento de documentos" ao longo deste curso.

O vídeo foi realizado por Georgi, alumno de 1º de Ciclo Medio de Sistemas Microinformáticos e Redes.

Os alumnos de 1º de Ciclo Medio e 1º de FP Básica están a traballar ao longo deste curso nos módulos de “Aplicacións Ofimáticas” e “Ofimática e Arquivamento de Documentos”  nun proxecto eTwinning chamado “Letras Galegas 2020 – Ricardo Carvalho Calero”.

Neste proxecto eTwinning os alumnos realizan actividades colaborativas entre varios centros europeos, difundindo deste xeito a lingua e literatura galegas. Traballarán co escritor homenaxeado nas Letras Galegas 2020 e con outros autores de Portugal e Italia.

Unha das actividades feitas ata o de agora foi a de crear uns carteis colaborativos dos distintos autores.

No mes de maio iniciouse o II Torneo FIFA18 que se celebra no IES de Monterroso e desenvolverase ata final de curso.

Convocadas probas de acceso a ciclos formativos de grao medio e superior en Galicia 2016.

Publicouse a Orde do 2 de febreiro de 2016 pola que se convocan probas de acceso a ciclos de Formación Profesional de Grao Medio e Superior  para o ano 2016.