Skip to Content

Blogues do centro

UN PASIÑO CARA A NORMALIDADE

Mér, 20/04/2022 - 15:07

UTILIZACIÓN DAS MÁSCARAS NO CENTRO ESCOLAR CONFORME Á PUBLICACIÓN DO RD 286/2022

Tras a publicación no día de hoxe do “Real Decreto 286/2022, de 19 de abril, por el que se modifica la obligatoriedad del uso de mascarillas durante la situación de crisis sanitaria ocasionada por la COVID-19”, procede que DENDE MAÑÁ, XOVES, 21 DE ABRIL, A UTILIZACIÓN DA MÁSCARA NON SEXA OBRIGATORIA NO CENTRO EDUCATIVO, SI NO TRANSPORTE ESCOLAR (artículo único; apartado 1.c)

A pesar de que dito Real Decreto non fai referencia explícita ao ámbito educativo, si indica que “La reducción de las medidas que se incluye en este real decreto, propuesta para la población general, se debe valorar a nivel individual de acuerdo con la pertenencia a grupos de mayor vulnerabilidad, la vacunación y la actividad y comportamiento social que pueda incrementar los riesgos de transmisión” polo que “se recomienda un uso responsable de la mascarilla en los espacios cerrados de uso público en los que las personas transitan o permanecen un tiempo prolongado”.

En consecuencia, QUEDA A CRITERIO DE CADA FAMILIA, ALUMNO/A A DECISIÓN QUE CONSIDERE MÁIS OPORTUNA CON RESPECTO AO USO PERSOAL DA MÁSCARA NO RECINTO ESCOLAR.

O resto das medidas de autoprotección contempladas no Plan de adaptación do curso 2021/2022 (aforos, entradas e saídas graduadas, ventilación, medidas de hixiene, etc) permanecen vixentes hasta a publicación de novas indicacións ao respecto.

EXPOSICIÓN "OS NENOS DA VARÍOLA"

Xov, 07/04/2022 - 04:44

 

 NENOS DA VARIOLA

 

Como xa podedes ver na exposición do piso de arriba, tentamos representar a escena da saída do barco María Pita do porto da Coruña no 1803, acontecemento histórico que axudou a levar a vacina da varíola ás colonias españolas en América.

Esta expedición filantrópica foi recordada como unha das maiores heroicidades da nosa historia, e hoxe máis que nunca, temos que recoñecer o importante legado.  

O noso obxectivo é dar visibilidade aos 22 nenos que levaron a vacina a América. Os nosos pequenos heroes tiñan idades comprendidas entre 3 e 9 anos e viñan de diferentes procedencias:  recortando

A Coruña:

  •    Martín (5 anos)
  •    Manuel María (6 anos)
  •    Cánido de la Caridad (6 anos)
  •    Francisco Antonio (8 anos)
  •    Clemente de la Caridad (9 anos)
  •    José Jorge Nicolás de los Dolores (5 anos)
  •    Vicente María Sale y Vellido (3 anos)
  •     Pascual Aniceto (3 anos)
  •     Ignacio José (3 anos)
  •     José (3 anos)
  •     Tomás Melitón (3 anos)
  •     José Manuel María (3 anos)
  •     Benito Vélez (7 anos)

Santiago de Compostela:

  •    Juan Antonio (5 anos)
  •    Jacinto (6 anos)
  •    Gerónimo María (7 anos)
  •    Francisco Florencio(5 anos)
  •    Juan Francisco(9 anos)

 

   Madrid:

  •    Vicente Ferrer (7 anos)
  •    Andrés Naya (8 anos)
  •     Domingo Naya (6 anos)
  •     Antonio Veredia (7 anos)

 En canto a elaboración desta exposición, catorce alumnas de Educación Plástica e Visual de 1º BAC, encargáronse, durante as horas lectivas, de realizar os nenos que podemos observar no corredor superior. En primeiro lugar, escolleron o neno que ían representar e comezaron a debuxalo en papel croquis. A continuación, pasaron o seu debuxo a cartón e comezaron a vestilo e pintalo ata obter o resultado final.  

Despois nós, as alumnas e o alumno do Club de lectura, dedicámonos a facer os nenos que faltaban para chegar a ter os 22.

Cadaquén escolleu o seu rapaz e adaptamos a roupa e accesorios, que están inspirados nos que se utilizaban durante a época na que se ambienta o libro.

Entrevistamos Claudia Curros e a Clara de 1º de BAC:

 -Como decidistes quen facía cada neno?

 Clara: A profe dixo que tiñamos que elixir un neno, deixounos liberdade para escollelo, pero ao final foi ela a que nolos adxudicou.

 -Que nenos vos tocou facer?

 Clara:Tocoume un rapaz de 3 anos que se chamaba Vicente, non nos dixeron moita acerca dos nenos, só nos contaron a historia que viviron e a súa participación na viaxe para levar unha vacina dunha enfermidade ata América.

 Claudia: A min déronme un rapaz de 6 anos chamado Manuel María, como o escritor.

 -Como foi a creación dos nenos?

 Clara: Non foi fácil. Empregamos un cartón pluma moi esvaradío para a pintura que ademais tivemos que cortar con cutter, xa que quedaba mal coas tesoiras, e aínda así quedaban grumos. A profe puxo na pantalla as medidas que tiñan que ter en relación coa súa idade e o tamaño. O máis doado e divertido na miña opinión foi facerlle a roupa, para o que tivemos que elixir as teas e facer os detalles.

 -En que vos baseastes para facer  a roupa e o boneco?

Claudia: En nada en particular, foi pura imaxinación baseándome en imaxes que busquei en internet en relación coa época.

 Clara: Eu inspireime no meu primo de 3 anos, coas súas faccións e trzos.Non foi igual, pero parecido.

 -Que sabedes do voso neno?

Claudia: Déronnos o seu nome, a súa idade e contáronnos  que eran orfos que non vivían en moi boas condicións.

 -Canto tempo tardastes?

Clara: Tardamos moito tempo, como unhas seis clases.

Claudia: Eu avanzaba o traballo na casa para que me dera tempo.

 -Cal é a vosa opinión sobre este acontecemento histórico?

Clara: Pois por unha parte paréceme ben porque esta expedición permitiu erradicar unha enfermidade, pero tamén mal porque seguramente eses nenos tiveron que atravesar situacións moi duras e un morreu.

Claudia: Si, eu opino igual, foi algo bo e importante que axudou a moitas persoas pero a costa de eses 22 nenos.

Animámosvos a ver a exposición e os libros que teñen que ver co tema.

  • Os nenos da varíola, de María Solar.Este á o libro do noso club
  • Novo Mundo:Isabel Zendal na Expedición da Vacina, de El primo Ramón.
  • El mar recordará nuestros nombres, de Javier de Isusi.

 

COMUNICACIÓN CONXUNTA DAS CONSELLERÍAS DE SANIDADE E EDUCACIÓN

Ven, 01/04/2022 - 12:48

COMUNICACIÓN CONXUNTA DAS CONSELLERÍAS DE SANIDADE E EDUCACIÓN SOBRE A NOVA ESTRATEXIA E CONTROL DO SARS-COV-2 NA ETAPA DE TRANSICIÓN EN GALICIA NO ÁMBITO EDUCATIVO - 01/04/2022

De acordo coa nova estratexia e control da SARS-CoV-2 na etapa de transición en Galicia:

1- Non se realizarán probas confirmatorias dos test positivos de autodiagnóstico, a excepción de certos grupos vulnerables (1) . Polo tanto as persoas cun resultado positivo nun test de autodiagnóstico serán sempre casos sospeitosos da COVID-19.

2.- Do mesmo xeito, aquelas persoas con clínica compatible da COVID-19 tampouco se lle realizarán probas confirmatorias, coa excepción dos anteditos grupos vulnerables1, e estarán tamén considerados casos sospeitosos da COVID-19.

3.- Os casos confirmados da COVID-19 unicamente serán aqueles que teñan unha proba diagnóstica positiva (PDIA) realizada por un profesional sanitario, logo de valorar o criterio específico polo cal se lle solicita a proba diagnóstica. Os test de autodiagnóstico non son probas diagnósticas que confirmen a enfermidade.

4.- As recomendacións preventivas para os casos sospeitosos, confirmados e contactos estreitos pódense revisar na seguinte ligazón da páxina WEB da Consellería de Sanidade (que facer se es un caso ou contacto da COVID-19)

5- A aplicación EDU-COVID deixa de utilizarse, xa que deixan de rexistrarse os casos sospeitosos, confirmados e contactos estreitos de COVID-19 no ámbito educativo.

6.- Aínda que se modificase a vixilancia e o control do SARS-CoV-2 nesta etapa de transición, seguen a estar en vigor as medidas xerais de prevención da COVID-19 no relativo ao uso axeitado da máscara segundo a normativa vixente, o mantemento da distancia de seguridade, o lavado frecuente de mans e a ventilación axeitada de espazos.

7.-No seo da Ponencia de Promoción da Saúde na que participan todas as comunidades autónomas e na que se consensúan as “Medidas de prevención, higiene y promoción de la salud frente a covid-19 para centros educativos”; no referente ás actuacións ante síntomas dos nenos/nenas compatibles coa COVID-19 ou doutras enfermidades potencialmente transmisibles, estase a recomendar continuar coa medida que estaba en vigor antes da pandemia, é dicir que os nenos/nenas non acudan ao centro ata que melloren eses síntomas.

1 GRUPOS VULNERABLES: persoas de 60 anos ou máis, persoas con condicións de alto risco (grupo 7 da estratexia de vacinación, o cal inclúe ás persoas inmunodeprimidas) e mulleres embarazadas.

 

ACHEGA DA DOCUMENTACIÓN XUSTIFICATIVA DOS CRITERIOS DO BAREMO DO 24 DE MARZO AO 6 DE ABRIL, AMBOS INCLUÍDOS, DE 9:00 A 13:00

Xov, 24/03/2022 - 09:17

ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

Artigo 17. Documentación cando a demanda de prazas escolares sexa superior á oferta

1. Logo de determinar que o número de solicitudes é superior ao de prazas ofertadas, o centro abrirá un prazo de 10 días hábiles, contados a partir dos 2 días seguintes ao remate do prazo para presentar as solicitudes de admisión, para achegar a documentación xustificativa dos criterios de baremo.

2. A presentación desta documentación ten carácter voluntario. A falta de presentación desta documentación impedirá valorar o criterio ou criterios para efectos de determinar a puntuación correspondente.

3. O consello escolar dos centros docentes públicos e a titularidade dos centros privados concertados poderán requirir, de forma motivada, a documentación complementaria que estimen necesaria para acreditar as situacións e circunstancias alegadas, concedendo un prazo de 5 días hábiles para á súa presentación.

4. A falta de presentación en prazo da documentación requirida impedirá ter por acreditado o criterio ou criterios afectados, e en consecuencia, impedirá valoralos para efectos de determinar a puntuación.

 

DEBE PRESENTAR A DOCUMENTACIÓN DO 24 DE MARZO AO 6 DE ABRIL, DE 9:00 A 13:00, NA SECRETARÍA DO CENTRO O ALUMNADO QUE SOLICITA ADMISIÓN EN:

1º DA ESO

 

NON DEBE PRESENTAR A DOCUMENTACIÓN O ALUMNADO QUE SOLICITOU ADMISIÓN NOS SEGUINTES CURSOS:

2º DA ESO

3º DA ESO

4º DA ESO

1º BACHARELATO

2º BACHARELATO

PUBLICACIÓN DAS LISTAXES PROVISIONAIS DE PERSOAS ADMITIDAS E NON ADMITIDAS: ANTES DO 25 DE ABRIL.

PUBLICACIÓN DAS LISTAXES DEFINITIVAS DE PERSOAS ADMITIDAS E NON ADMITIDAS: ANTES DO 15 DE MAIO.

 

CRITERIO

DOCUMENTACIÓN ACREDITATIVA

PROXIMIDADE DO DOMICILIO FAMILIAR AO CENTRO

 

Certificado do Padrón municipal no que figuren todos os membros da unidade familiar que conviven nel. A data de alta no concreto domicilio deberá ter unha antigüidade mínima dun ano respecto ao inicio do procedemento de admisión, agás circunstancias debidamente xustificadas. Así mesmo, o certificado deberá estar expedido dentro do ano natural ao que corresponda o proceso de admisión.

PROXIMIDADE DO LUGAR DE TRABALLO AO CENTRO

 

Persoas que presten servizos retribuídos por conta allea, mediante a achega de documento expedido para o efecto pola/o empregadora/or xunto cunha copia do contrato de traballo.

No caso de traballadoras e traballadores por conta propia, mediante a alta censual inicial ante a Axencia Estatal de Administración Tributaria, con todas as posibles modificacións posteriores e altas na Tesourería Xeral da Seguridade Social no réxime correspondente.

O persoal ao servizo das administracións públicas presentará unha certificación expedida pola xefatura de persoal correspondente.

CONDICIÓN DE FAMILIA MONOPARENTAL

Certificación de recoñecemento da Dirección Xeral de Familia, Infancia e Dinamización Demográfica da Consellería de Política Social da Xunta de Galicia ou pola autoridade competente doutras administracións públicas

PARA O ACCESO AO BACHARELATO:

VALORACIÓN DO EXPEDIENTE ACADÉMICO

Certificación académica persoal de 3º da ESO.

A DOCUMENTACIÓN RELATIVA AOS CRITERIOS DE DOMICILIO FISCAL, RENDA PER CÁPITA DA UNIDADE FAMILIAR, CONDICIÓN DE FAMILIA NUMEROSA E DE DISCAPACIDADE DO ALUMNADO, DO/DA PROXENITOR/A, DO/DA TITOR/A OU DOS/DAS IRMÁNS/ÁS RECOÑECIDA POLA XUNTA DE GALICIA, SÓ SERÁ NECESARIO PRESENTALA CANDO A PERSOA INTERESADA DENEGUE EXPRESAMENTE A CONSULTA AUTOMÁTICA NA SOLICITUDE.

 

DECRETO 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

Existencia de irmás ou irmáns no centro

 

Por unha irmá/n matriculado no centro

8 puntos

Polo segunda e seguintes irmás ou irmáns matriculados no centro

2 puntos por cada un

Por ser traballador/a do propio centro

3 puntos

Por proximidade do domicilio familiar ao centro

 

Se o domicilio familiar se atopa na área de influencia do centro

8 puntos

Se o domicilio familiar se atopa nas áreas limítrofes á área de influencia do centro

4 puntos

Se o domicilio familiar se atopa noutras áreas

0 puntos

Pola proximidade do lugar de traballo ao centro

 

Lugar de traballo da nai, pai ou titores, situado dentro da área de influencia do centro

6 puntos

Lugar de traballo da nai, pai ou titores, situado nas áreas limítrofes á área de influencia do centro

3 puntos

Lugar de traballo da nai, pai ou titores, situado noutras áreas

0 puntos

Por condición de familia numerosa

 

Por familia numerosa de categoría especial

3 puntos

Por familia numerosa de categoría xeral

2 puntos

Por condición de familia monoparental

2 puntos

Por renda per cápita da unidade familiar (valorada por referencia ao indicador público de renda de efectos múltiples (IPREM))

 

Ingresos inferiores a 0,5 veces o IPREM

3 puntos

Ingresos iguais ou superiores a 0,5 e inferiores a 0,75 veces o IPREM

2 puntos

Ingresos iguais ou superiores ao 0,75 veces o IPREM

1 punto

Ingresos iguais ou superiores ao IPREM

0 puntos

Por discapacidade

 

Da alumna ou alumno

4 puntos

Dalgún dos proxenitores ou titores

3 puntos

Dalgunha das irmás ou irmáns da alumna ou alumno

1 punto por cada un

Valoración do expediente académico para o acceso ao bacharelato

 

Nota media de sobresaliente

2 puntos

Nota media de notable

1 punto

Nota media de ben

0,50 puntos

Por criterios complementarios consistentes noutras circunstancias relevantes apreciadas xustificadamente polo órgano competente do centro, se é o caso.

1 punto (*)

(*) Na reunión do Consello Escolar do IES Miraflores celebrada o 18 de marzo de 2013, foi aprobada a decisión de non valorar o punto do Criterio Complementario ao que fai referencia o artigo 28.3 da Orde de 12 de marzo de 2013 da Consellería de Cultura, Educación e Ordenación Universitaria.

OBRADOIRO CON FAMILIAS: TECNOLOXÍA, CONVIVENCIA E ADICCIÓNS. CLAVES PARA EDUCAR.

Xov, 17/03/2022 - 14:28

TECNOLOXÍA, CONVIVENCIA E ADICCIÓNS. CLAVES PARA EDUCAR.

Antonio Rial Boubeta. Profesor da USC e investigador.

DATA: mércores 30 de marzo de 2022

Hora: De 18:00 a 20:00 horas

LUGAR: Auditorio do Centro Cultural A Fábrica (Santa Cristina)

INSCRIPCIÓN: https://forms.gle/RnYmfQoQ92jr9w4b9

Na charla-coloquio o profesor Antonio Rial Boubeta (da USC) poñerá sobre a mesa datos reveladores ao respecto e, ao mesmo tempo, reflexionará connosco sobre algunhas claves para que tanto nais e pais, como educadores sexamos quen de enfrontar no día a día esta nova problemática.

“Educar nestes días non é tarefa doada. Ao coñecido problema do botellón únese agora o Imperio do Selfie e a Tiranía de Instagram, a Adicción a Internet e as TIC, así como unha morea de conductas de risco na Rede, que en ocasións non acadamos sequera a pronunciar (sexting, grooming, ciberbullying…). Non é esaxerado afirmar que teléfonos móbiles e tablets son hoxe en día as principais fontes de conflito familiar. De maneira particular, o uso dos videoxogos, o xogo online ou as polémicas apostas deportivas están traendo consigo non poucos desgustos a cada vez máis adolescentes e, por extensión, ás súas familias. Mais alá das innegables potencialidades que o xogo posúe como ferramenta de aprendizaxe, o certo é que nunha sociedade como a nosa, onde a industria do videoxogo supera en volume de facturación á música, o cine e o teatro xuntos, o risco de ludopatía está aumentando a pasos axigantados, sen que pais e educadores saibamos ben como reaccionar. Os expertos estiman que hoxe en España 2 de cada 3 adolescentes teñen como principal hábito de ocio os videoxogos, que mais alá dos cuantiosos beneficios económicos que xeran, rematan por “enganchar” literalmente a miles de adolescentes. O mesmo pasa coas webs de apostas e xogos de azar, un negocio monstruoso que non para de medrar. Aínda que para os menores constitúe unha práctica ilegal, estímase que tan só no último ano en Galicia apostaron cartos na Rede más de 10.000 adolescentes, cifra que se duplica no caso das apostas deportivas en bares ou cafeterías. A nosa reacción habitual é preguntarnos que teñen na cabeza os nosos fillos, pero non menos importante é preguntarnos en que podemos estar fallando as familias e a Administración, e cal é a deriva que estamos tomando como sociedade”.

COMUNICADO CONXUNTO DA XUNTA DE GALICIA E OUTRAS ENTIDADES CON RECOMENDACIÓNS PARA AXUDAR Á POBOACIÓN UCRAÍNA

Xov, 10/03/2022 - 16:19

Recomendacións para axudar á poboación ucraína de forma eficaz.

Ver arquivo adxunto.

PROCEDEMENTO DE ADMISIÓN ALUMNADO CURSO 2022-2023

Ven, 25/02/2022 - 07:44

ALUMNADO PARA 1º ESO PROCEDENTE DE CENTROS ADSCRITOS

Todo o alumnado procedente dos centros adscritos ao IES Miraflores (CEIP A Rabadeira e CEIP Juana de Vega) que fixo a reserva de praza está admitido para o curso 2022-2023.

Poderán consultar os listados nos taboleiros de anuncios dos centros de procedencia ou no propio instituto.

POSTOS ESCOLARES OFERTADOS

CURSO

VACANTES

1º ESO

0

2º ESO

8

3º ESO

12

4º ESO

15

1º Bacharelato Ciencias e Tecnoloxía

10

1º Bacharelato Humanidades e Ciencias Sociais

3

2º Bacharelato Ciencias

7

2º Bacharelato Humanidades e Ciencias Sociais

7

 

SOLICITUDES DE ADMISIÓN

O prazo de presentación das solicitudes ordinarias de admisión abranguerá do 1 ao 21 de marzo de 2022, ambos os dous incluídos.

As solicitudes deste proceso realizaranse mediante o modelo ED550B - anexo II.

As persoas solicitantes poderán:

 A) Cubrir os formularios na aplicación admisionalumando e presentalos por vía electrónica, a través da sede electrónica da Xunta de Galicia, sempre que se dispoña de certificado dixital ou de Chave365. O anexo II-bis, unha vez cuberto, deberán imprimilo, asinalo e axuntalo coa solicitude (anexo II).

 B) Descargar os formularios da aplicación admisionalumnado, da sede electrónica da Xunta de Galicia ou da páxina web da Consellería de Cultura, Educación e Universidade (https://www.edu.xunta.gal/portal/sites/web/files/ed550b-g.pdf) para cubrilos manualmente e presentalos de forma presencial (de 9:00 a 13:30).

MOI IMPORTANTE: Deberán marcar obrigatoriamente no modelo ED550B os criterios que desexa que se teñan en conta á hora de obter a puntuación para a admisión no centro solicitado, se non, non se terán en conta á hora de baremar.

PROTOCOLO COVID: Co fin de limitar os contactos interpersoais, recoméndase a presentación da solicitude por sede electrónica. No caso de facelo presencialmente, na medida do posible, evitarase a presencia no Centro nos recreos (10:10 a 10:30 e 12:10 a 12:30).

DOCUMENTACIÓN SOLICITUDE DE ADMISIÓN

O/a proxenitor/a ou representante do alumnado deberá achegar coa solicitude de admisión a seguinte documentación:

- Copia do DNI da persoa solicitante e dos membros computables da unidade familiar

- Documento acreditativo do requisito de idade do/da alumno/a (Copia do DNI do alumno/a ou copia do libro de familia).

- Documento acreditativo de estar en disposición de reunir os requisitos académicos esixidos en cada nivel educativo ou etapa nos termos do procedemento ED550B (certificación académica).

- Convenio regulador ou resolución xudicial de separación xudicial ou divorcio, se é o caso.

 

OUTROS PRAZOS

Listaxes provisionais de persoas admitidas e non admitidas: antes do 25 de abril. Poderán formular reclamación no prazo de 5 días hábiles contados a partir do seguinte ao da súa publicación, ante o consello escolar no caso de centros públicos, e ante a titularidade no caso de centros privados concertados.

No caso de que haxa máis solicitudes que prazas haberá que baremar, polo que só se terán en conta os criterios marcados no modelo ED550B. O prazo para presentar a documentación xustificativa destes criterios alegados será do 24 de marzo ao 6 de abril, ambos os dous incluídos.

Publicación das listaxes definitivas de persoas admitidas e non admitidas: antes do 15 de maio.

Impugnación das listaxes definitivas de persoas admitidas e non admitidas: recurso de alzada ou reclamación. Contra a relación definitiva, as persoas interesadas poderán interpoñer recurso de alzada ante a persoa titular da Xefatura territorial no prazo dun mes contado a partir do día seguinte ao da súa publicación.

LEXISLACIÓN E INFORMACIÓN

- Orde do 12 de marzo de 2013 pola que se desenvolve o procedemento para a admisión do alumnado

- Corrección de erros. Orde do 12 de marzo de 2013.

- Orde do 25 de xaneiro de 2017 pola que se modifica a Orde do 12 de marzo de 2013 pola que se desenvolve o procedemento para a admisión do alumnado.

- Orde do 18 de decembro de 2020 pola que se modifica a Orde do 12 de marzo do 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, primaria, educación secundaria obrigatoria e de bacharelato reguladas na Lei orgánica 2/2006 do 3 de maio de Educación (CÓDIGO DE PROCEDEMENTO ED550B).

- Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

- Áreas de influencia

- Criterio complementario de centro (Ver arquivo adxunto)

- Instrucións da Dirección Xeral de Centros proceso de admisión curso 2022/23

- Anuncio sorteo público anual das letras de prioridade para resolver os empates no procedemento de admisión de alumnado no curso 2022/23

- Resolución do sorteo público anual das letras de prioridade para resolver os empates no procedemento de admisión de alumnado para o curso 2022/23

As listaxes provisionais e definitivas de persoas admitidas e excluídas poderán consultarse na aplicación admisionalumnado (empregando a Chave 365 ou certificado dixital da Fábrica Nacional de Moneda Timbre) ou no propio centro.

FESTIVAL ENTROIDO 2022

Ven, 18/02/2022 - 14:34

O vindeiro venres, 25 de febreiro, de 12:30 a 14:00, vaise levar a cabo, con  motivo da celebración do Entroido, un pequeno concurso de disfraces co alumnado de ESO.

Todo o alumnado, ESO e bacharelato, poderá vir disfrazado da casa pero só participará no concurso o alumnado de ESO. En ningún caso poderá levar a cara tapada, agás ca máscara protectora. O disfrace debe ser respectuoso e non poderá entorpecer o normal desenvolvemento da actividade lectiva.

As catro primeiras sesións impartiranse de forma habitual. De 12:00-12:10, o alumnado da ESO poderase disfrazar ou completar o seu disfrace na aula co profesorado correspondente. Ás 12:45 comezará o concurso de disfraces.

Deberase respectar en todo momento o protocolo COVID do centro, especialmente no referente ao uso da máscara, distancia interpersoal de seguridade e aforo de 1 persoa por baño.

O uso do móbil estará prohibido aínda que a previsión é instalar un photocall onde a xente disfrazada poderá ser fotografada por algunha persoa autorizada para elo.

Ás 13:55 o alumnado recollerá as súas pertenzas e sairá do centro no seu horario habitual (1º e 3º da ESO ás 14:00 e 2º e 4º da ESO ás 14:05).

O alumnado de Bacharelato terá a súa actividade lectiva normal. A 6ª hora, o profesorado, segundo as súas necesidades docentes, decidirá se permite ao seu alumnado acudir para ver un anaco o festival, garantindo a saída do centro á hora que corresponde (14:10).

SEMANA BRANCA ANDORRA (DO 2 AO 9 DE ABRIL DE 2022)

Mér, 16/02/2022 - 13:41

Se as condicións sanitarias o permiten, está previsto retomar a actividade “Semana Branca” para o alumnado desde 1º de ESO a 1º de Bacharelato na semana anterior ás vacacións escolares de Semana Santa, tras a entrega de boletíns da segunda avaliación o 25 de marzo. 

A estación escollida é Grand Valira (Andorra).

https://www.grandvalira.com/

DOCUMENTACIÓN QUE DEBERÁN APORTAR NUN SOBRE CON NOME E APELIDOS ATA O VENRES 25 DE FEBREIRO DE 2022:

1.- Impreso autorización pais/nais ou titores.

2.- Declaración responsable protocolo COVID.

3.- Copia DNI ou pasaporte en regra.

4.- Copia resgardo primeiro ingreso.

Coa entrega da documentación poderán recoller as rifas para recadar fondos

 

DOCUMENTACIÓN QUE DEBERÁN APORTAR ATA O VENRES 25 DE MARZO DE 2022:

1.- Copia da tarxeta sanitaria ou seguro sanitario. (Orixinais lévaos o alumno/a).

Seguridade Social. Impreso de asistencia en Andorra (Solicitar documento convenio España-Andorra na oficina do INSS).

Asistencia privada. Habitualmente levar tarxeta compañía e realízase reintegro de gastos en orixe, pero débese consultar en cada caso.

2.- Permiso da Policía/Garda Civil para viaxar ao estranxeiro con menores.

3.- Copia resgardo último ingreso.

Roteiro Cabo Ortegal

Ven, 11/02/2022 - 08:00

O pasado venres 30 de xaneiro, un grupo de 27 alumnos/as de bacharelato realizou un roteiro xeolóxico por Cabo Ortegal organizado polo departamento de Bioloxía e Xeoloxía e guiado polo doutor e divulgador en Xeoloxía Francisco Canosa Martínez.

Se ben é certo que as saídas ao campo sempre teñen máis alicientes que as clases teóricas, o roteiro deste ano supuxo un disfrute adicional, ao levar tanto tempo sen este tipo de actividades por mor da pandemia.

Aparte de aprender Xeoloxía visitando formacións rochosas de granulitas, peridotitas, ecloxitas, etc., e entender os procesos polos que hoxe en día atopamos estas rarezas na superficie terrestre (propias de profundidades de máis de 70 quilómetros), gozamos dunha xornada de lecer aprendendo a valorar este patrimonio natural que na actualidade é candidato a Xeoparque Mundial da UNESCO.Cabo Ortegal

 

 

Distribuir contido


by Dr. Radut