Skip to Content

Blogues do centro

VI CARREIRA DA LUZ IES MIRAFLORES. 26 DE ABRIL DE 2024 ÁS 20:00 HORAS

PREPARADOS/AS, LISTOS/AS... QUE VOLVE A CARREIRA DA LUZ!!

Para os/as que sodes novos/as no IES Miraflores, contarvos que a Carreira da luz é un proxecto, deseñado dende o centro no 2017, que pretende ser unha actividade deportiva, á vez que solidaria e de convivencia de toda a comunidade educativa, na que se involucre o maior número de persoas de todas as idades, e non só de Oleiros, senón tamén das localidades limítrofes.

Unha das máximas do IES Miraflores é educar en valores e inculcar boas prácticas como a participación en actividades deportivas e saudables, a cooperación ou a solidariedade con aquelas persoas que máis sofren de aí que, se hai a motivación de correr ou de colaborar, na medida das posibilidades de cada un/ha, por unha boa causa, sabendo que o teu esforzo vai contribuír a mellorar un pouco a vida das persoas, o éxito está garantido.

Nesta ocasión, a nosa colaboración irá para un proxecto en Malawi do que teredes toda a información en breve nesta web así que ide buscando participantes e colaboradores, calzando as vosas deportivas e vestindo a vosa camiseta solidaria que o venres, 26 de abril, ás 20:00 horas, levarase a cabo, no Polígono de Iñás, a VI edición da Carreira da luz!

ANUNCIO DE APERTURA DE PRAZO PARA A PRESENTACIÓN DA DOCUMENTACIÓN XUSTIFICATIVA DOS CRITERIOS DO BAREMO (DO 21 MARZO AO 5 ABRIL)

- DECRETO 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

- Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

- Instrucións da Dirección Xeral de Centros e Recursos Humanos sobre o desenvolvemento do proceso de admisión de alumnado en centros docentes sostidos con fondos públicos para o curso académico 2024-2025.

- Resolución do 27 de febreiro de 2024, da Dirección Xeral de Centros e Recursos Humanos, pola que se fai público o resultado do sorteo ao que fai referencia o artigo 34 da orde do 21 de outubro de 2022.

 

Dada a insuficiencia de postos escolares dispoñibles para atender todas as solicitudes de admisión presentadas en 1º e 2º da ESO para o curso 2024/2025 e de conformidade co disposto no artigo 30.2 da Orde de 21 de outubro de 2022, ábrese un prazo de 10 días hábiles para a presentación, de forma presencial, da documentación xustificativa dos criterios de baremo alegados para realizar a valoración e establecer a orde de prelación das solicitudes que se relacionan. Así mesmo, está publicado no taboleiro do centro o número aleatorio que lle corresponde a cada solicitude para poder aplicar, de ser o caso, o criterio de desempate regulado no artigo 34.2 da devandita Orde.

DEBE PRESENTAR A DOCUMENTACIÓN DO 21 DE MARZO AO 5 DE ABRIL DE 9:00 A 14:00 NA SECRETARÍA DO CENTRO O ALUMNADO QUE SOLICITA ADMISIÓN NOS SEGUINTES CURSOS:

1º DA ESO

2º DA ESO

NON DEBE PRESENTAR A DOCUMENTACIÓN O ALUMNADO QUE SOLICITA ADMISIÓN NOS SEGUINTES CURSOS:

3º DA ESO

4º DA ESO

1º BACHARELATO

2º BACHARELATO

Esta documentación complementaria presentarase presencialmente no centro docente para realizar a súa valoración e establecer unha orde de prelación. As persoas solicitantes responsabilizaranse da súa veracidade e os documentos deberán ser válidos e eficaces no momento da súa presentación e reflectir a situación familiar na data de inicio do prazo de presentación de solicitudes, agás a situación económica, que será do exercicio fiscal anterior en 2 anos ao ano natural da solicitude.

A presentación desta documentación ten carácter voluntario. A falta de presentación en prazo da documentación requirida impedirá ter por acreditado o criterio ou criterios afectados, e en consecuencia, impedirá valoralos para efectos de determinar a puntuación.

O consello escolar dos centros docentes públicos e a titularidade dos centros privados concertados poderán requirir, de forma motivada, a documentación complementaria que estimen necesaria para acreditar as situacións e circunstancias alegadas, concedendo un prazo de 5 días hábiles para á súa presentación.

 

DATA DE PUBLICACIÓN DA LISTAXE PROVISIONAL DO ALUMNADO ADMITIDO E NON ADMITIDO: 25 DE ABRIL DE 2024

As familias poderán consultar as listaxes presencialmente no taboleiro de anuncios ou por vía electrónica a través da aplicación informática admisionalumnado, sendo necesario para consultalas o certificado dixital ou Chave365.

Poderase formular reclamación, no prazo de 5 días hábiles contados a partir do seguinte ao da súa publicación, ante o Consello escolar. Estas reclamacións entenderanse estimadas ou desestimadas coa publicación da listaxe definitiva.

DATA DE PUBLICACIÓN DA LISTAXE DEFINITIVA DO ALUMNADO ADMITIDO E NON ADMITIDO: 15 DE MAIO DE 2024

As persoas interesadas poderán interpor recurso de alzada ante a persoa titular da xefatura territorial, no prazo dun mes contado a partir do día seguinte ao da súa publicación. A resolución da persoa titular da xefatura territorial porá fin á vía administrativa e contra esta cabe interpor recurso potestativo de reposición ou recurso contencioso-administrativo.

XORNADA DE ORIENTACIÓN ACADÉMICA E PROFESIONAL PARA O ALUMNADO DE EDUCACIÓN SECUNDARIA E BACHARELATO

O próximo xoves, 14 de de marzo, celebrarase no Pavillón Arsenio Iglesias de Santa Cruz a III Feira de Orientación académica e profesional do Concello de Oleiros, dirixida ao alumnado de Formación Profesional, Educación Secundaria e Bacharelato.

Trinta entidades, entre as que se atopan Universidades, centros de FP, escolas públicas e privadas de distinta índole (hostelería, finanzas, pilotos e azafatas, imaxe e son, artes gráficas, escolas de deseño…), academias de oposicións, Forzas Armadas e residencias universitarias,  entre outras, informarán durante todo o día sobre as diferentes alternativas académicas e profesionais a disposición do alumnado.

Durante a mañá, de 9:30 a 13:30 horas, uns 600 estudantes dos catro centros de ensinanza secundaria de Oleiros, acompañados por docentes e orientadores/as, visitarán a Feira en distintas quendas. Pola tarde, de 16:00 a 18.00 horas, o evento abrirá as súas portas a todo o público interesado.

Este encontro está organizado polo departamento de Ensino do Concello de Oleiros coa colaboración do Centro Municipal de Formación, as Casas da Mocidade e os departamentos de orientación dos catro centros públicos de ensinanza secundaria existentes no Concello de Oleiros: IES  Neira Vilas, IES María Casares, IES Miraflores e Colexio Hijas de Cristo Rey.

 

CHARLA SOBRE A PROBLEMÁTICA DAS NOVAS TECNOLOXÍAS E OS/AS ADOLESCENTES. MARTES 12 DE MARZO ÁS 18:30

Dentro das accións formativas e didácticas que leva a cabo a ANPA, o próximo martes 12 de marzo, ás 18:30 horas, terá lugar no salón de actos do IES Miraflores unha intervención da Garda Civil, dentro do marco do Plan Director que o antedito corpo leva a cabo na formación para pais/nais nos centros escolares.

A charla formativa centrarase na problemática das novas tecnoloxías e o alumnado adolescente (riscos, ciberacoso, estafas, videoxogos…).

PROCESO ADMISIÓN ALUMNADO DE NOVO INGRESO NON PROCEDENTE DE CENTROS ADSCRITOS – CURSO 2024/2025

1.- NORMATIVA REGULADORA DO PROCEDEMENTO

-DECRETO 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

-Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

-Instrucións da Dirección Xeral de Centros e Recursos Humanos sobre o desenvolvemento do proceso de admisión de alumnado en centros docentes sostidos con fondos públicos para o curso académico 2024-2025.

-Resolución do 27 de febreiro de 2024, da Dirección Xeral de Centros e Recursos Humanos, pola que se fai público o resultado do sorteo ao que fai referencia o artigo 34 da orde do 21 de outubro de 2022.

 

2.- POSTOS ESCOLARES OFERTADOS POR NIVEL E ETAPA PARA ALUMNADO DE NOVO INGRESO NON PROCEDENTE DE CENTROS ADSCRITOS

CURSO

PRAZAS OFERTADAS

1º ESO

11 + 4 RESERVA ALUMNADO NEAE

2º ESO

0

3º ESO

4

4º ESO

12

1º BACHARELATO CIENCIAS E TECNOLOXÍA

20

1º BACHARELATO HUMANIDADES E CIENCIAS SOCIAIS

9

2º BACHARELATO CIENCIAS E TECNOLOXÍA

6

2º BACHARELATO HUMANIDADES E CIENCIAS SOCIAIS

3

 

3.- PRAZO DE PRESENTACIÓN DAS SOLICITUDES DE ADMISIÓN (ED550B).

Comprende do 1 ao 20 de marzo de 2024 (ambos incluídos).

As solicitudes de admisión (Anexo II e anexo II-bis) deben estar debidamente cubertas e asinadas por ambos proxenitores, excepto nos casos de violencia de xénero ou naqueles onde un dos proxenitores foi privado/a da patria potestade.

Ademais, coa solicitude de admisión, o/a proxenitor/a ou representante do alumnado deberá achegar a seguinte documentación:

-Copia do DNI do/a alumno/a e dos seus proxenitores.

-Certificación académica do curso no que está actualmente matriculado/a o/a alumno/a solicitante.

INFORMACIÓN A TER EN CONTA

-A solicitude será única, terá carácter vinculante e a súa presentación implicará que son certos os datos indicados nela.

-Poderase presentar de forma presencial no centro docente indicado en primeiro lugar, en horario de 9:00 a 14:00,  ou preferiblemente por vía electrónica mediante o formulario normalizado dispoñible na aplicación informática admisionalumnado (https://www.edu.xunta.es/admisionalumnado), a través da sede electrónica da Xunta de Galicia, https://sede.xunta.gal.

-Na solicitude de admisión, poderase pedir hasta seis (6) centros por orde de preferencia e alegará os criterios de admisión que pretenda que se lle valoren. Dita solicitude dirixirase ao centro solicitado en primeiro lugar.

-Logo de presentar unha solicitude de admisión, para renunciar a ela deberá facerse expresamente, indicándoo no recadro correspondente da nova solicitude que deberá presentarse. A existencia dunha solicitude de admisión presentada en prazo sen renunciar expresamente á anterior poderá ser causa de perda de dereito a participar no procedemento nos termos previstos no artigo 8 da Orde do 21 de outubro de 2022 pola que se desenvolve o Decreto 13/2022, do 3 de febreiro.

-A admisión e a matriculación nun centro docente implica respectar o seu Proxecto educativo.

-Na aplicación admisionalumnado poderán consultar:

a) O cronograma coas datas dos trámites principais do procedemento de reserva, admisión ordinaria e matrícula.

b) A previsión de postos escolares dispoñibles e as súas modificacións.

c) A relación do alumnado de cada curso, co número da solicitude de admisión asignado pola aplicación no momento da súa gravación.

d) O estado de tramitación da súa solicitude utilizando o número de solicitude e o número de DNI da persoa solicitante.

e) A listaxe do alumnado con posto reservado e a listaxe provisional e definitiva do alumnado admitido coa puntuación total e do alumnado non admitido, utilizando calquera dos mecanismos de identificación admitidos pola sede electrónica da Xunta de Galicia, incluíndo o certificado dixital e Chave 365 (https://sede.xunta.gal/chave365).

 

4.- PRAZO DE PRESENTACIÓN DA DOCUMENTACIÓN XUSTIFICATIVA DOS CRITERIOS DE BAREMO ALEGADOS

Cando os postos dispoñibles en admisión no centro indicado en primeiro lugar non sexan suficientes para atender todas as solicitudes, o citado centro docente abrirá un prazo de 10 días hábiles, contados desde o día seguinte ao do remate do prazo para presentar as solicitudes  (do 21 de marzo ao 5 de abril ambos incluídos), para que as persoas interesadas presenten de forma presencial nel a documentación xustificativa dos criterios de baremo alegados, para realizar a súa valoración e establecer unha orde de prelación.

Esta documentación complementaria presentarase presencialmente no centro docente. As persoas solicitantes responsabilizaranse da súa veracidade e os documentos deberán ser válidos e eficaces no momento da súa presentación e reflectir a situación familiar na data de inicio do prazo de presentación de solicitudes, agás a situación económica, que será do exercicio fiscal anterior en 2 anos ao ano natural da solicitude.

 

5.- CALENDARIO

DATA DE PUBLICACIÓN DA LISTAXE PROVISIONAL DO ALUMNADO ADMITIDO E NON ADMITIDO: 25 DE ABRIL DE 2024

As familias poderán consultar as listaxes presencialmente no taboleiro de anuncios ou por vía electrónica a través da aplicación informática admisionalumnado, sendo necesario para consultalas o certificado dixital ou Chave365.

Poderase formular reclamación, no prazo de 5 días hábiles contados a partir do seguinte ao da súa publicación, ante o Consello escolar. Estas reclamacións entenderanse estimadas ou desestimadas coa publicación da listaxe definitiva.

 

DATA DE PUBLICACIÓN DA LISTAXE DEFINITIVA DO ALUMNADO ADMITIDO E NON ADMITIDO: 15 DE MAIO DE 2024

As persoas interesadas poderán interpor recurso de alzada ante a persoa titular da xefatura territorial, no prazo dun mes contado a partir do día seguinte ao da súa publicación. A resolución da persoa titular da xefatura territorial porá fin á vía administrativa e contra esta cabe interpor recurso potestativo de reposición ou recurso contencioso-administrativo.

 

PRAZO PARA FORMALIZAR A MATRÍCULA NA ESO E BACHARELATO: DO 23 DE XUÑO AO 7 DE XULLO DE 2024 (no mes de xuño indicarase na nosa web o día exacto para formalizar a matrícula por cursos).

 

6.- ÁREA DE INFLUENCIA DO CENTRO E ÁREAS LIMÍTROFES

https://www.oleiros.org/documents/39407/58962a14-eb58-7dd9-44ac-92c6ed33d5b9

 

7.- SERVIZOS COMPLEMENTARIOS E NORMATIVA QUE OS REGULA

TRANSPORTE ESCOLAR

-Decreto 203/1986, do 12 de xuño, polo que se regulan provisionalmente determinados aspectos do Transporte Escolar (DOG 09/07/1986)

-Decreto 160/1988, do 9 de xuño, polo que se regula a prestación de servicios de transporte escolar e de obreiros de competencia exclusiva da Xunta de Galicia.

-Orde do 29 de xullo de 1988 pola que se establece a sinalización que deberán levar os autobuses que realizan transporte escolar nos centros de ensinanzas de titularidade pública.

-Orde do 15 de decembro de 1989 reguladora do transporte escolar e obreiros de competencia exclusiva da Xunta de Galicia (DOG 09/01/1990).

-Lei 5/2009, do 26 de novembro, de medidas urxentes para a modernización do sector de transporte público de Galicia.

 

COMEDOR ESCOLAR.

A ANPA Miguel Hernández, ofrece o servizo de comedor, seguindo o Decreto 132/2013, do 1 de agosto, polo que se regulan os comedores escolares dos centros docentes públicos, na modalidade establecida no artigo 2, punto 1 apartado e “Xestión do comedor escolar por entidades privadas sen ánimo de lucro, responsables da contratación e xestión integral do servizo, autorizadas para o efecto pola Consellería competente en materia de educación, coas que esta, no seu caso, poderá establecer fórmulas de colaboración mutua.”

O servizo de comedor, que ofrece a cantina e que conta con cociña propia, é xestionado pola ANPA tras a autorización por parte do Delegado Provincial da Consellería de Educación no ano 2001.

O servizo funciona de luns a venres, de setembro a xuño en horario de 14:10h a 15h.

Os luns hai vixilancia ata as 16:20. Os martes, mércores, xoves e venres o servizo de vixilancia remata ás 15h e non hai servizo de autobús escolar.

COMO PROMOVER UN USO SEGURO E SAUDABLE DA TECNOLOXÍA NA INFANCIA E ADOLESCENCIA

As ANPAs dos centros de ensino, en colaboración co Concello de Oleiros, presentan unha charla-obradoiro para toda a comunidade educativa que será impartida polo experto en mocidade e adiccións, Antonio Rial Boubeta, doutor en Psicoloxía social e profesor da USC.

Cubrir formulario para aforo:

https://forms.gle/ZuWRzBhhTcMueQU18

 

VIAXE A MADRID – ALUMNADO 4º ESO

As familias do alumnado matriculado en 4º ESO, que estean interesadas en que os/as seus/súas fillos/as participen na viaxe a Madrid, organizada pola ANPA, que tería lugar entre o xoves 4 e o domingo 7 de abril, deben cubrir este formulario ao longo da presente semana.

https://forms.gle/VjKZdmCFMy37gxTw7

 

PROCEDEMENTO DE ADMISIÓN DO ALUMNADO – CENTROS ADSCRITOS CURSO 2024-2025

ADMISIÓN ALUMNADO.

Rematado o procedemento de reserva de postos escolares para o alumnado procedente dos centros adscritos (CEIP Juana de Vega e CEIP Plurilingüe da Rabadeira), informamos que os postos dispoñibles en 1º ESO no IES Miraflores para o curso escolar 2024-2025 son suficientes para atender todas as solicitudes presentadas en prazo.

De conformidade co establecido no artigo 45.1.b) da Lei 39/2015, do 1 de outubro, reguladora do procedemento administrativo común das administracións públicas, a listaxe definitiva do alumnado con posto reservado estará exposta no taboleiro de anuncios dos centros adscritos e de adscrición.

 

FORMALIZACIÓN DA MATRÍCULA NO IES MIRAFLORES.

O prazo para formalizar a matrícula será publicado nesta páxina web (a previsión é que sexa entre o 23 de xuño e o 7 de xullo de 2024).

AXUDAS PARA A REALIZACIÓN DE ACTIVIDADES DE FORMACIÓN EN LINGUAS ESTRANXEIRAS

ORDE DO 29 DE XANEIRO DE 2024 POLA QUE SE CONVOCAN AXUDAS PARA A REALIZACIÓN DE ACTIVIDADES DE FORMACIÓN EN LINGUAS ESTRANXEIRAS NO ANO 2024, DESTINADAS AO ALUMNADO DOS CENTROS DOCENTES SOSTIDOS CON FONDOS PÚBLICOS, EN RÉXIME DE CONCORRENCIA COMPETITIVA (CÓDIGO DE PROCEDEMENTO ED504B).

O obxecto desta orde é establecer as bases e convocar axudas, en réxime de conco­rrencia competitiva, para realizar as actividades de formación, dirixidas á mellora das com­petencias en linguas estranxeiras do alumnado de 1º e 2º de bacharelato dos centros docentes sostidos con fondos públicos en Galicia, durante o ano 2024.

Esta nova convocatoria, para os efectos da súa identificación e acceso aos formularios de inicio polas persoas interesadas, na sede electrónica da Xunta de Galicia, denomínase «Actividades de formación en linguas estranxeiras», co código de procedemento ED504B.

O procedemento de solicitude iniciarase a través da aplicación «en liña» dispoñible desde a páxina web https://www.edu.xunta.gal/axudasle/, cubrindo o formulario electrónico que corresponda.

As actividades que se convocan, cuxo contido se especifica en canto a número de prazas, destino e réxime de aloxamento no anexo IV, son actividades de formación para a mellora na competencia no uso de linguas estranxeiras.

O período de realización destas actividades comprenderá desde a primeira semana do mes de xullo ata finais do mes de agosto de 2024, coa excepción das actividades para o 2º curso de bacharelato, que se desenvolverán no mes de agosto.

As datas concretas de realización das actividades daranse a coñecer coa publicación das listaxes definitivas do alumnado seleccionado.

O prazo para a presentación de solicitudes será dun mes, contado a partir do día seguin­te ao da publicación desta orde no Diario Oficial de Galicia (dende o 13 de febreiro ata o 12 de marzo de 2024, ambos incluídos).

ACTIVIDADES ENTROIDO 2024

Con  motivo da celebración do Entroido, o vindeiro venres, 9 de febreiro, de 12:30 a 14:00, vaise levar a cabo na pista cuberta un pequeno concurso de disfraces co alumnado de ESO.

Todo o alumnado, ESO e bacharelato, poderá vir disfrazado da casa pero só participará no concurso o alumnado de ESO. En ningún caso poderá levar a cara tapada. O disfrace debe ser respectuoso e non poderá entorpecer o normal desenvolvemento da actividade lectiva.

As catro primeiras sesións lectivas impartiranse de forma habitual. De 12:00-12:10, o alumnado da ESO poderase disfrazar ou completar o seu disfrace na aula co profesorado correspondente.

Ás 12:45 comezará o concurso de disfraces na pista polideportiva cuberta ata as 14:10.

O uso do móbil estará prohibido aínda que a previsión é instalar un photocall onde a xente disfrazada poderá ser fotografada por algunha persoa autorizada para elo.

Polo que respecta ao alumnado de 1º e 2º de bacharelato, será o profesorado de 5ª e 6ª hora quen decida, segundo as súas necesidades docentes, se lle imparte clase ou acompáñao a ver o festival.

Distribuir contido


by Dr. Radut