Os pasados días participamos co alumnado de 1º Bacharelato na actividade “Aprendemos na Natureza”. Visitamos o museo xeolóxico de Quiroga guiados por Moncho, coñecemos as microreservas de orquídeas na compañía de Marcos, camiñamos a Devesa da Rogueira, xunto a Fran, Brais e Jero e desfrutamos da sabrosa cociña de Maribel e Dolores. Durante 3 días convivimos, coñecemos algo da súa flora e fauna así como da historia, cultura e das xentes da Serra do Courel: Parque Natural, XA!
Antes das vacacións de Semana Santa, todo o alumnado de primeiro da ESO puido desfrutar dun roteiro ao aire libre polo encoro de Cecebre. Guiados por expertos, os estudantes puideron avistar unha ampla variedade de aves, observar a riqueza florística da zona e mesmo observar algúns dos seus habitantes máis ilustres.
O martes 27 de febreiro na bilbioteca do IES Miraflores disfrutaremos dunha charla a cargo de Antón Rodríguez, experto en computación cuántica para o alumnado do STEMbach.
Á charla están invitadas todas as persoas interesadas no tema.
A semana do 11 de febreiro celebramos o día da muller e a nena na Ciencia. O luns 5 realizamos un taller de bioadsorción de elementos contaminantes guiados por Xanel Vecino, profesora e investigadora da Escola de Enxeñaría industrial da Universidade de Vigo. O alumnado de Cultura Científica de 1º Bach preparou esférulas de adsorción de alxinato de calcio e comprobaron a súa eficacia retirando sulfato de cobre. Este proceso, a escala industrial, permite retirar contaminantes de difícil separación en tratamentos de augas e verquidos de industrias como a agroalimentaria, coa que Xanel e o seu equipo están a aplicar os resultados da súa investigación.
O martes 23 de xaneiro visitamos, co alumnado Stembach, as instalacións do Centro de Innovación Tecnolóxica en Edificación e Enxeñería Civil. Acompañados da enxeñeira, Gemma Rojo, coñecemos catro laboratorios de ensaios sobre materiais e estructuras: Un túnel de vento, unha darsena, na que se simula o efecto da ondaxe sobre as infraestructuras portuarias, o laboratorio de construcción, no que poñen a proba a resistencia dos materiais, e o laboratorio de hidráuloca, que conta cun modelo a escala da instalación de abastecemento de augas da Coruña e varios simuladores de chuvia.
Na sesión de Stembach do día 16 de xaneiro contamos coa presencia de Ismael Espasandín, Biólogo e investigador que codirixe un proxecto de estudo e divulgación da víbora de Seoane, especie endémica do norte ibérico.
Con Ismael coñecimos como viven, de que se alimentan, como e cando se reproducen e o importante papel que estes animais, inxustamente odiados, xogan nos nosos ecosistemas, así como a importacia e responsabilidade da conservación dos seus hábitats e das súas poboacións.
Na mañá do venres 1 de decembro tivemos a ooprtunidade de coñecer o traballo da Asociación Galega de Custodia do Territorio (AGCT) da man do biólogo Martiño Cabana. Martiño explicounos que son e como se xestionan as microreservas de flora. Vimos exemplos de flora exclusiva dos solos serpentínicos da Serra do Careón e de orquídeas ligadas a afloramentos calcáreos da Serra do Courel (que o alumnado de 1 Bach terá a oportunidade de visitar na primavera)
Charla sobre o presente e o futuro da enxeñería con Ignasi Colominas
O alumnado de Stembach conversou co Catedrático da Escola de Enxeñeiros, Ignasi Colominas nunha distendida charla sobre as enxeñeiras e enxeñeiros, os proxectos e servizos en que participan, problemáticas que afrontan e solucións aplicadas, e tamén sobre un mercado laboral no que se prevé unha demanda de persoal formado en enxeñaría moito maior do que está estudando actualmente.
O 30 de outubro achegouse ata o Miraflores Fernando Mosteiro, o coordinador de transplantes do CHUAC para dar unha charla arredor da doazón e do transplante ao alumnado de 3º de ESO e de 3º e 4º de PDC.
Na charla, Fernando explicou que son os trasplantes, os diferentes tipos, a complexidade organizativa deste tipo de intervencións e a importancia dos donantes compatibles, pezas claves do proceso. Falounos tamén do consentimento presunto e da importancia de manifestar en vida a nosa opinión sobre este tema. Para finalizar, solventou numerosas dúbidas e repartiu, entre os asistentes, un cadernillo que recolle as respostas ás preguntas máis frecuentes que adoitan xurdir sobe o tema.
Con Ismael coñecimos como viven, de que se alimentan, como e cando se reproducen e o importante papel que estes animais, inxustamente odiados, xogan nos nosos ecosistemas, así como a importacia e responsabilidade da conservación dos seus hábitats e das súas poboacións.
